زواج أطفال

بارت4 الجزء الرابع

في نهار يوم جديد توجه كل فرد الي عمله فمنهم من ذهب الي الشركه ومنهم من ذهب الي المصنع والبعض الأخر في الجامعه

هنا يقف مروان ممسكا الهاتف.. إيه ياقلبي معلش راحت عليا نومه وانا بكلمك بليل حقك عليا متزعليش

انتظر ردها ثم اعتذر منها متحججا بكثرة العمل وسرعان ما رد على اتصال الاخري

.. ازيك ياحبيبتي وحشاني أوي أنا معرفتش اكلمك بليل عشان تيتا كانت في المستشفى

ردت الاخري بتساؤل.. مروان انت جدتك ميته من 20 سنه

حاول تدارك الموقف.. آه تيته دي اللي هي الداده القديمه انتي عارفه بحبها قد ايه وبعتبرها من العيله .. هكلمك تاني عشان انا في المستشفى ونازل اجيبلها العلاج سلام

أتي لؤي متوجها له.. انت سايبني مفحوت في الشغل لوحدي وقاعد تحب في التليفون ارحم نفسك شويه

وضع مروان الهاتف في جيب بنطاله واحاط كتف لؤي متوجهين للداخل.. ياض افهم انا مبحبش ولا واحده فيهم يعني هما زي اخواتي كده

لؤي .. اخواااتك ااه ما انا عارف لم يكمل جملته حتي وجد هاتف مروان يرن مره اخرى

مروان.. دي بقي اكتر واحده طيبه فيهم خمس دقايق ارد عليها واجيلك كاد لؤي ان يتحدث لكن انسحب الاخر واضعا الهاتف على اذنه.. أي يا روح قلب مروان...

ــــــــــــــــــــــــــــــــــــــــــــــــــــــــــــــــــــــــــــ

جلس تميم في مكتب والده وهو متردد يبدأ الحديث ام لا

رحيم.. ما تتكلم يا ابني بقالك ساعه قاعد

اعتدل تميم في جلسته.. بصراحه يا بابا انا كنت عايز اتجوز يعني حلا بنت مناسبه وبحبها بصراحه

رحيم.. حلا دي مين بقي البنت اللي كلمتني عنها قبل كده

تميم.. ايوه

رحيم.. لأ يا تميم احنا عايزين نناسب عيله كويسه بلاش شغل العيال ده

تميم.. عيال ايه يا بابا انا مش صغير ومن حقي اختار الانسانه اللي هكمل معاها حياتي

رد رحيم منهيا الحديث.. اعتقد انت سمعت ردي ومحدش موافق على البنت دي من البيت ولا حد حاببها

وقف قائلا بتحدي.. خلاص هسيبلكم البيت واتجوزها

تميييمم قالها رحيم بصوت علي فلم يرد الآخر بل توجه ناحية الباب وخرج منه تاركا وراءه والده ينادي عليه

توجه يامن ناحيته.. في ايه رايح علي فين كده

تميم.. رايح في ستين داهيه ابعد عني

ذهب يامن خلفه يحاول تهدئته بأي طريقه .. يابني انت واخد حاجتك ورايح فين اهدي وفهمني

تميم.. ماشي من هنا ومش جاي ام الشركه دي تاني وابقي قولهم اني هتجوزها ومش عايز من حد فيهم حاجه