زواج أطفال

بارت35 الجزء الرابع

اصطنع مروان  الحزن ونظر لزوجته التي تقف بجواره.. تصدق بالله هما غلطانين انهم خرجوا  وهما عرسان جداد لسه عشان يباركوا لبني ادم براس كلب زيك 

توسعت اعين حلا  بصدمه اما باسم  فشعر بدماء وجهه  تغلي الان

لم تقل صدمتهم شي عن صدمة نيروز وتميم الذين نظروا لمروان  غير مصدقين ما تفوه به

امسك باسم مروان من تلابيب ملابسه قائلا بغضب.. انت بتقول ايه  يلا انت

لم يتحرك  قيد انمله واتقن البرود.. قصدك على بني ادم براس كلب  ولا على انهم عرسان جداد

جذبت حلا يد باسم وهي تضغط على اسنانها بغل.. خلاص بقولك  الناس بتتفرج  علينا

نفض مروان يده ثم عدل من وضع لياقة  قميصه  وغمز لباسم.. متنساش تمسح القميص عشان  ميبقعش يابن الـ ولا اقولك  بلاش 

صعد  اسلام  والد حلا  وقال..  في ايه اللي بيحصل ده  وانتوا بتعملوا ايه هنا هو احنا مش  خلصنا منكم جايين تخربوا ليلة  فرحها كمان 

كانت نيروز  صامته  تماما  وتميم  بجوارها يتابع الموقف  بعيون بارده  غير  مباليه بشئ مما زاد من غضب حلا فهي ظنت انها سترى الحزن في عينيه لكن  حديث مروان  وتصرفات  تميم  اثبتت غير ذلك 

خرج  تميم عن صمته قائلا بهدوء  .. احنا مش جايين بيت  اهلك وبعدين العريس عازمنا جينا نعمل الواجب ولا ايه  يا باسم  ما تشوف حماك بيعامل المعازيم ازاي ياعم 

استمرت  النظرات بين باسم وتميم فتره ثم  تحولت الي تحدى   شبك  تميم يده بيد نيروز الواقفه  بجواره  فانتقلت عيون باسم  الي ايديهم  المتشابكه  ورفع بصره  الي نيروز  التي  شعرت  بالتوتر  كانت يدها في بدايتها الي رجفة  بسيطه  لكن  ضغط عليها تميم حتى تطمئن  بعض الشئ

فقالت  بنبرة  حاولت ان تظهر  ثابته.. مبروك  ليكم  يلا يا تميم 

سار امامهم  وهو ممسك  بيدها وخلفه مروان وهيام 

خرجوا من المكان بأكمله والعيون مصوبه عليهم  والجميع يتهامسون

في الخارج  وقف تميم  مستندا على  سيارته ونيروز  بجواره   ينظر  لمروان الواقف امامه  صامتا وهيام  كذلك 

تميم  .. ايه؟

نظر له مروان  مدعي عدم الفهم  .. ايه في ايه

اغمض تميم  عيونه  واخذ نفس يحاول الا يثور عليه الان.. مرواااان ماتستغباش عليا  ايه اللي انت هببته جوا ده 

رد عليه  بترقب لردة فعله القادمه.. هو انا يعني  عملت ده عشاني  ماهو عشانكم  قولت نتغدى بيه قبل ما يتعشى بينا

رددت خلفه نيروز الجمله الاخيره  بعدم فهم  .. نتغدى بيه قبل ما يتعشى بينا!!! 

هيام.. ده مثل هبقى افهمهولك بعدين