دخل مروان بعد فتره .. ها محدش خرج طمنكم
روفان.. لا لسه
مروان.. امال تميم فين؟
اشارت نحو الممر فسار اليه .. ايه اللي موقفك هنا ماتيجي تقعد مع الشباب برا
كان يستند بجذعه على الحائط مربعا كلتا يديه.. عادي انا واقف روح انت وخد البنات عشان الوقت اتاخر ولما تخرج هطمنكم
مروان.. انت عبيط يابني هو حد اشتكالك احنا كلنا قاعدين لغاية مانطمن عليها
هز رأسه .. ماشي يا مروان
ربت على كتفه.. ربنا يقومها بالسلامه
خرج الي الشباب مجددا قائلا لزين.. مش راضي قالي هفضل هنا خلاص خلوه براحته المهم دلوقتي مش هنعرف الجماعه حاجه
جواد.. بلاش عشان عمتو هتقلق وهتخاف مانت عارفها
مروان.. يعني ازاي تبقي بنتها في العمليات ومتعرفش يابني
زين.. نطمن عليها الاول لما تخرج وبعدين نشوف هنعمل ايه
خرج مروان يدخن بالخارج وحينها لمح باسم يتوجه الي باب المستشفى رمي السيجارة ودعسها في الارض ثم سار نحوه قائلا بغضب.. انت جاي هنا تعمل ايه
انتبه له فاستدار .. وانت مالك هو انا جاي بيتكم دي مستشفى
مروان.. اسمع يلا انا فيا اللي مكفيني ومش طايق اللي خلفوني وحالف بالله لو شوفتك قدامي هزعلك امشي من هنا احسنلك انا فاهم انت جاي ليه
باسم.. انا مش فاضيلك دلوقتي ابعد كده
منعه مروان فاشتد النقاش بينهما وعلت اصواتهم حتى خرج ابناء عمه من الداخل
ابعده ريان .. بس يا مروان ده مش وقته
دفعه مروان للخلف ثم امسكه من تلابيب ملابسه .. ابعد انت وديني ما هسيبه
سحب يامن وجواد باسم للخلف .. امشي من هنا دلوقتي مش عايزين مشاكل
صاح بهم باسم.. هو انتوا اشتريتوا البلد دي مستشفى وجاي اكشف انتوا ماااالكم
مروان.. جاي تكشف يابن ال.. كتم لؤي فمه سريعا قائلا.. يابني اسكت اسكتتت بقى الناس اتلمت علينا
نظر له زين مطولاً وهو كذلك فنفض يد يامن وجواد عنه.. ابعدوا انا همشي
سار بغضب والشرار يتطاير من عينيه يسب مروان بألفاظ بشعه
كان راكان مع تميم وتولين بجوار هيام ونيجار فى الاستقبال
اما روفان تقف بالخارج تشاهد ما يحدث
نظر مروان لريان بغضب.. انت بتتدخل ليه
دفعه فى كتفه صائحا.. هو ده وقته يعني خارج تتخانق احنا ناقصينه المره اللي فاتت عور تميم في ايده ودلوقتي كان هيعملك ايه ياترى ده عيل ابن كلب غدار
أنت تقرأ
زواج أطفال
Romanceطالبان بالصف الثالث الثانوي ولكن الحياة اجبرتهم علي الزواج في سن مبكر هل سيكون لهم نصيب من الحب ام هناك بعض العوائق في الرواية هنلاقي مود من الدراما والكوميديا والحزن وهتكمل معانا لعيال عيالهم انجوووي يا حلوين ????♥♥
