زواج أطفال

بارت 32 الجزء الرابع

جاء الحارس سريعاً من الخارج يهتف بإسم عبد الرحمن  .. يا حاج ياحاج  الشرطه برا وطالبين ريان ويامن  بيه

نظر كل من يجلس على السفرة لبعضهم البعض  بصدمه كبيره  ..

اما الشباب فكانت نظراتهم  مترقبه  بعض الشيء وكأنهم  توقعوا  ذلك  نظر لهم عبدالرحمن يحاول فهم تلك النظرات  لكن كان هناك من يقف علي باب المنزل  قائلا.. الدكتور ريان والبشمهندس يامن  يتفضلوا معانا علي القسم

فزعت  لين.. ليه يا حضرة الظابط فيه ايه

وقف انس جوارها  يهدء من روعها.. اهدي يا حبيبتي مفيش حاجه ان شآء الله 

وقف تميم  امام ابناء عمه  كالسد المنيع ثم قال بنبرة  هادئه.. ممكن اعرف السبب؟

رد عليه الاخر بعمليه.. اتهام  بعملية خطف والتفاصيل هتعرفوها وقت التحقيق  لو سمحتوا اتفضلو معايا 

تقدم  عبدالرحمن.. انا جاي معاكم  اوقفه تميم قائلا.. لا ياجدو  انا معاهم هحل الموضوع متقلقش

ثم نظر إلى جواد يحثه علي الحديث فقال.. خلي تميم يتصرف ياجدو اكيد سوء تفاهم  حضرتك ارتاح بس واحنا هنحل الموضوع 

لم يريد اطالة الحديث فهو تأكد الان ان هناك شيء ما لا يعرفه والدليل هو اتفاق جواد وتميم  وهذا لم يحدث من قبل  فهما دائماً  حديثهم متناقض

امسكت روفان يد يامن  بقلق فطمئنها بنظرته  ثم توجه هو وريان ومعهم  تميم 

اخذ مروان هاتفه  وسار خلفهم هو الاخر

في القسم وقف ريان ويامن  امام الظابط  وعبدالله  وتيمور يجلسون أيضاً ويرمقوهم  بغل وغضب 

وقف تميم  بهدوءه المعتاد يتابع الوضع بعينيه ومروان  بالخارج 

ريان.. بس هو ده كل الموضوع حضرتك  كنا في عزومه زي قولت ومعرفش مين دول

نظر له تيمور قائلا.. ده كداب ياباشا  انا ابو خديجه  وبقولك  هو اللي خطفها

تصنع ريان  الاستغراب.. خديجه مين؟

عبدالله.. خديجه اللي شغاله معاك في عيادة الاسنان  نسيتها كمان 

ريان بتذكر. اااه افتكرت بس هي قايله ان ابوها ميت وكمان مش  اسمه  تيمور ثم اني يعني يا استاذ عبدالله انت هاجي اخطف خطيبتك  يوم  فرحها  ليه  ايه الفايدة من كده

وقف تيمور  يقول بصوت عالي  .. الواد ده بيكدب قبلها بأسبوع كانوا مع بعض في العيادة  لوقت متأخر ده عشيقها وهو اللي عمل كل ده

نظر له يامن  بنظره مستخفه.. مش عيب لما تجيب سيرة بنتك بالغلط وبعدين لو عشيقها زي مابتقول هيخطفها ليه مش ممكن تكون هربت معاه