خرجت روفان من الجامعه وجدت معاذ ينتظرها بالخارج مستندا على سيارته كالعاده توجهت اليه والقت التحيه بإبتسامة هادئه
فرد عليه بإبتسامة متوسعه وعيونه تلمع من مجرد رؤيتها.. وحشتيني وحشتيني وحشتيني
ضحكت بخفه.. ياه تلاته وحشتيني المهم اخبارك ايه ومريم كمان ايه ياعم هو من لقى اخواته نسى احبابه
معاذ.. مقدرش انساكي والله العظيم ابدا ومريم كويسه بتسلم عليكي
عقدت حاجبيها.. الله يسلمها بس هي عارفه انك جايلي؟
هز رأسه بنعم.. وعارفه كمان اني بحبك يابنتي انا طلعت مفضوح اوي يعني والكل لاحظ اصلا عشان كده انا قررت قرار
ردت عليه باهتمام.. قرار ايه شاركني
نظر في عيونها.. منا هشاركك فعلاً هشاركك حياتي انا هجيب خالتي ومريم واجي اطلب ايدك
توترت بخجل وظهر على ملامح وجهها فعدلت نظارتها وهي تتمتم.. ت تطلب ايدي
معاذ.. ايوا كفايه عليا كده بصراحه انا خلاص لقيت اختي ومفيش حاجه معطلاني غيرك انا مش قادر استحمل تكوني بعيد عني واشوفك كل فتره طويله كده كمان مبقيتيش تشتغلي مساعدتي زي الاول ياست هانم ياللي الدراسه خدتك مني
روفان.. الله مش هتعلم يعني وبعدين دي سنة التخرج وعايزه اركز فيها
ابتسم مجددا.. حاضر ركزي براحتك هو كده كده انتي ليا هنروح من بعض فين بقولك ايه ماتيجي اعزمك علي حاجه بدل الوقفة دي شكلنا وحش اوي
نظرت في هاتفها.. ده ميعاد رجوعي البيت مش عايزة اتأخر عشان ماما متعملش مشكله متعوضه مره تانيه
معاذ.. يعني انا سايب شغلي وكل اللي ورايا وجايلك المشوار ده كله وفي الاخر مش عايزة تقعدي نص ساعه نشرب حاجه على العموم براحتك بعد كده انا اللي هاجي اتعزم في بيتكوا
روفان.. متزعلش منى والله مش بمزاجي
معاذ.. لا زعلان
روفان.. معاااذ خلاص بقى
نظر لها بطرف عينه.. طيب ماشي تعالي اروحك حتى
نظرت بحيره تفكر في الامر وواقفت في النهاية فابتسم للمره التي لا يعلم عددها وصعد هو الاخر يقود السياره
واخذت هي تسرد له كل ماحدث في الفتره الاخيره
ـــــــــــــــــــــــــــــــــــــــــــــــــــــــــــــــــــــــــــــ
كان مروان يسير مع لؤى في طرقات المصنع يمرون على العمال ويتسايرون
لؤى.. لا بس انا مبهور بيك امبارح العيال يقولولك اشرب مترضاش انت اتغيرت فعلاً
أنت تقرأ
زواج أطفال
Roman d'amourطالبان بالصف الثالث الثانوي ولكن الحياة اجبرتهم علي الزواج في سن مبكر هل سيكون لهم نصيب من الحب ام هناك بعض العوائق في الرواية هنلاقي مود من الدراما والكوميديا والحزن وهتكمل معانا لعيال عيالهم انجوووي يا حلوين ????♥♥
