صدمه اعتلت ملامح الجميع منهم من سقط أرضا ومنهم من فقد وعيه..
حسين.. يعني ايه يا دكتور هيفضل كده
الطبيب.. انا قولت لحضراتكم لما يفوق الأول هنعرف حالته وإن شآء الله لو حاجه بسيطه هتتعالج بالتدريج
تركهم وسط صدمتهم سقطت رهف فاقده الوعي اخذتها الممرضات لغرفة العنايه وكان معها رحيم ولين
انهارت نيروز من البكاء في حضن والدتها وزاد صوت شهقاتها وهي تردد انا السبب يا ماما انا السبب
كان يقف زين امام غرفة العمليات ينتظر خروج معاذ لانه دخل للتبرع بالدم
جلس عبدالرحمن علي الكرسي بضعف وهو يدعو بداخله ان يخرج حفيده معافي
في آخر الممر جلس راكان علي الأرض في وضع القرفصاء واخذت دموعه مجراها حزنا علي حالة أخيه
مازال مروان في حالة التخدير بجواره لؤي وجواد
كان يامن يجلس بجانب الجد حسين وبجوارهم رحمه
لاحظ ريان ان راكان مختفي من بينهم فذهب يبحث عنه وجده علي حالته تلك تركه يبكي ولم يريد احراجه
ــــــــــــــــــــــــــــــــــــــــــــــــــــــــــــــــــــــــــــ
في المنزل كانت تجلس ريناد بجوار روفان ولين كان النهار في بدايته ولم يغفل احد منهم لحظه واحده
قالت ريناد بقلق.. محدش طمني من ساعتها يا تري حصل ايه
تولين.. ما تتصلي انتي يا ماما
ريناد.. بابا قال هكلمك أنا قومي يلا جهزي حاجاتك عشان الامتحان
روفان.. طيب هو كده راكان هيأجل
ريناد.. والله يابنتي مش عارفه هو زمانه دلوقتي مش فايق اصلا بس حرام الامتحان يروح عليه دا تعب طول السنه
تولين.. ممكن بعد اذنك يا ماما اخد حاجته معايا واخلي السواق يوديني المستشفى هناك اقنعه يحضر الامتحان وبعدين يرجع تاني
استحسنت ريناد الفكره ووافقت عليها
صعدت تولين مسرعه الي غرفتها بدلت ملابسها واخذت اقلامها وكل ما تحتاجه ثم دخلت لغرفة راكان اخذت له ملابس وضعتها في الحقيبه ونزلت
روفان.. اخدتيله هدوم
تولين.. ايوا همشي بقا عشان الحق
كادت أن تخرج فرن هاتف ريناد
ريناد.. كده يا عز تخلينا قلقانين كل ده
عز.. الوضع هنا مش كويس خالص
ريناد.. ليه في ايه حد حصله حاجه ما ترد
دق قلب روفان وتولين بخوف ونظرت كل منهم للاخري
أنت تقرأ
زواج أطفال
Romantizmطالبان بالصف الثالث الثانوي ولكن الحياة اجبرتهم علي الزواج في سن مبكر هل سيكون لهم نصيب من الحب ام هناك بعض العوائق في الرواية هنلاقي مود من الدراما والكوميديا والحزن وهتكمل معانا لعيال عيالهم انجوووي يا حلوين ????♥♥
