زواج أطفال

بارت 43 الجزء الرابع

بعدما فاجأة اسامه  بذلك الطلب  صمت  قليلا ثم رفع الكوب الذي بين يديه يشرب منه  وهو ينظر له بعمق  وعيون مغلقه بعض الشئ

أكمل اسامه قائلا.. بصراحه انا قولت اتكلم معاك الاول عشان ميكونش في احراج لو روحت فتحت معاها الموضوع يعني  شوفتك  واقف جمبها معظم الوقت  فقولت شكلكم  قريبين من بعض 

رد تميم  بنبرة بارده  حاول مجهدا  ان يتحدث بها  والا يغضب  .. اممم قريبين من بعض  وده  ملفتش نظرك لحاجه 

كاد ان يسأل أسامه  لكن  قاطعهم  صوتها  وهي تقترب  من تميم  قائلة  .. تميم

التفت لها قائلا.. نعم ياحبيبتي 

نظرت له  باستغراب من كلمته  تلك  التي ولاول مره  ينطق بها  فأقنعت نفسها بأنه لا يقصدها وانما قال من وجه  السرعه  لانه كان يتحدث مع صديقه   فقالت  وهي  تشير  ناحية  تجمع العائله.. كلم جدو عشان عايزك 

كان ينظر لهم اسامه ويفرق النظرات بينهما  منتظرا اجابة  تميم   الذي التفت له قائلا باختصار وكأنه  يعرفهم على  بعضهم البعض.. نيروز  مراتي  ،  بشمهندس اسامه كان  عميل  معانا في الشركه  

شعر أسامة بالاحراج الشديد حتى  ظهر ذلك على  معالم  وجهه  ولاحظت نيروز ذلك  فابتسمت  .. اهلا بحضرتك 

اسامه.. اهلا  وسهلا  اتشرفنا 

نظر له تميم  نظرة اخيره  ثم  ذهب برفقة  نيروز  

قام ريان  وقف مع  ابناء عمه  وترك  خديجه وميسون  سويا يتجاذبون  اطراف الحديث  حتى  هتفت تولين  بإسم خديجه  فقامت  متوجهة  اليها 

القى  لؤى التحيه  فهو يعرفها  منذ ان ذهب يزور ريان في العيادة  .. مساء الخير  عامله ايه ياميسون

ابتسمت له.. الحمدلله تمام  ازيك انت

لؤي.. والله زي مانتي شايفه كده  كل يوم  من خطوبه لفرح  وحظي زي الفستان الاسود الحلو اللي انتي لابساه ده

ميسون  .. ياااه ليه  بس كده 

جذب الكرسي  وجلس أمامها  .. الموضوع  طويل اوي  لو عندك وقت  ومش  هصدعك  ايه  رأيك  احكيلك اصل مفيش حد في العيله  مقدر مشاعري

ضحكت وهي تمثل الانتباه.. ياخرابي ده شكله موضوع خطير  احكيلي 

كان  يامن  ينظر لهم  من بعيد  وفي داخله  مستغرب  من راحتها  في الحديث معه  فهل يعرفون  بعضهم يا تُرى

نظر راكان  الي ما ينظر له يامن  لانه  وجده  يضع كامل  تركيزه  في تلك الناحية  ثم قال  .. في حاجه ولا ايه؟

انتبه لنفسه  وقال.. لا مفيش  انت كنت بتقول ايه

ضحك راكان  .. مكنتش بقول حاجه انت اللي سرحان  زيادة عن اللزوم  يا ترى  مين شاغل بالك