تقلبت في نومتها ولمحت احد يجلس امامها اغمضت عيونها مرة اخرى وعندما استوعبت فتحت عيونها بفزع تنظر له ثم سحبت الغطاء عليها وهي تجلس.. انت بتعمل ايه هنا
كان يجلس براحة على الكرسي المقابل للفراش وينظر لها فاعتدل قائلا.. لقيت الباب مفتوح ودخلت انتي بقى سيباه مفتوح ليه؟
نظرت للباب ثم له وهي لم تتذكر ان كانت اغلقته بالفعل أم لا فقالت.. نسيت اقفله وبعدين عادي يعني مفيش حد غريب في البيت
تميم.. يعني انا الغريب اللي فيهم لما شوفتيني بتقولي بتعمل ايه هنا
كانت تمسك بطرف الغطاء بتوتر وهي تنظر له.. مش قصدي بس لما لقيتك قاعد قدامي اتخضيت انت مش كنت نايم في اوضتك
رجع بظهره للخلف مجددا.. ايوا بس جيت اشوفك يمكن محتاجه حاجه
نيروز.. لا مش محتاجه حاجه
تميم.. يعني اخرج؟
قالت له وهي تنظر اليه بحرج.. مش قصدي
شعر بتوترها في وجوده لكن كما قالت رهف يجب ان يحاول التقرب منها حتى تزول الحواجز بينهم هو يشعر بالانجذاب لها ولا يعلم السبب هل حب مثلما اخبرته والدته ام لا لكنها لا تعطيه اي فرصه بالرغم من انه يرى في عيونها لمعه حين تراه والمانع الوحيد هو خوفها من ان يتقرب منها اي شخص من جنس الرجال
وقف من مكانه قائلا.. خلاص انا هخرج عشان تاخدي راحتك ولما تصحي هكلمك في موضوع
اثار فضولها فقالت سريعا قبل ان يخرج.. موضوع ايه؟
التفت لها مبتسما.. خلاص لما تصحي
نيروز.. انا مش هنام تاني اصلا بس قولي موضوع ايه
سار نحوها وجلس على الكرسي بجوار الفراش كانت مازالت تشد الغطاء عليها نظر حوله قائلا.. الجو مش برد يعني والتكييف مقفول
حمحمت قائلة بخجل .. لا بس لابسه قصير
هز رأسه بتفهم ثم قال.. تمام الموضوع اللي عايز اكلمك فيه بصراحه مش انا اللي بقوله من عندي لقيت ماما جايه الصبح وبتقولي كلام كتير كده فيما معناه ان مينفعش انتي تكوني في اوضه وانا في اوضه تانيه بما اننا هنا في بيت العيله وكده انا مش عايزك تكوني خايفه او قلقانه بأي شكل وعارف ان وجودي بيضايقك عشان كده خليتك هنا دلوقتي عشان الموضوع ده ميتفتحش تاني انا ممكن اخدك ونمشي على الشقه اللي في الزمالك هناك جمب مروان وبكده تاخدي راحتك اكتر ايه رأيك؟
ردت بكلمه واحده .. لا
نظر لها مستفهما فقالت.. لا مش موافقه اروح هناك انا مستحيل اكون مطمنه وانا لوحدي انت بتنزل الشركه وانا هفضل في الشقه لوحدي لغاية ما ترجع بليل على الاقل انا هنا وسطهم وكلهم حواليا
أنت تقرأ
زواج أطفال
Storie d'amoreطالبان بالصف الثالث الثانوي ولكن الحياة اجبرتهم علي الزواج في سن مبكر هل سيكون لهم نصيب من الحب ام هناك بعض العوائق في الرواية هنلاقي مود من الدراما والكوميديا والحزن وهتكمل معانا لعيال عيالهم انجوووي يا حلوين ????♥♥
