- وحشتيني ..
=......
- ساكته ليه ؟
= بسمعك ..
- بقولك وحشتيني ..
= ....
- مالك ؟!
- عاوزة احكيلك موقف حصلي ؟
= سامعك ؟!
= من شهرين كنت بزور صاحبتي وقابلت هناك صاحبتنا بقالي كتير مشوفتهاش طول القاعده عماله تتمنظر ب هدية خطيبها ليها وتقولي شوفي خطيبي جاب ايه ليا وانا كنت مبسوطلها وقولت فى سري ياما انت جيبتلي هدايا فمضايقتش وقولتلها كل واحد عنده حبايب يهادوه ، فجاءه لاقيتها مسكت سلسله فى رقبتها وقالتلي " شوفتي السلسله دى بابا جبهالي أنتي بقي معندكيش بابا يجبلك " الجملة قالتلها زى سكينه طعنت صدري مكنتش عارفه ارد اقولها ايه، لكن إحساسي وقتها مش نسياه -صمت وتنهيدة - حسيت اني لوحدي .. بمعني كلمة لوحدي بكل الوجع .. !
- أنا..
= انت ؟! انت فين ؟! مش موجود اختفيت زى العادة ما بتختفي وزي العادة انا بستناك لكن المرادي اكتر مره كنت محتاجه وجودك مش لقياك .. انت فين ؟! بابا اتوفي سابني مش بارادته ولا إختياره ..سابني وهو مكنش عارف انه هيسيبني، لكن انت بتبعد و بتختفي ب إختيارك بقرارك، وبترجع ب إختيارك، انا مطلبتش منك تعوضني عن غياب بابا لانه مبيتعوضش لكن انا كل الل كنت محتاجاه منك اطمن، أطمن اني مش لوحدي علشان اقدر اكمل ، محتاجه سند اقدر اميل عليه لما اتعب ، انا مستحمله بعدك وقربك واختفائك، ،كنت دايما بفكر فيك لما بتبعد علشان محسش اني لوحدي، بصبر نفسي بالوقت الل بشوفك فيه لغايه ما اشوفك تاني، مش هحكيلك ع ليالي كتير كنت بحتاج اتكلم معاك وانت مش موجود، قدمتلك كل الأعذار وعميت عيني وخرست عقلي علشان مش عاوزة اخسرك لأن بخسارتك هكون لوحدي ، لكن الموقف دا حصل علشان يواجهني بالحقيقة انى لوحدي فعلا من وقت ما بابا سابني وكل محاولاتي وكدبي ماهو تشويش لاني خايفه اصدق حقيقة انى لوحدي .. جاي دلواقتي تقولي وحشتيني وعاوزاني اترمي فى حضنك واقولك وانت كمان، بأمارة ايه وعلشان ايه ، انت موجود زى مش موجود انا لوحدي ..
= انا جيت عليكي كتير بسبب ظروفي ف انا انهارده ..
قاطعته :
- انا قابلتك انهارده علشان ابلغك ب أن انا قررت أقبل الحقيقة واتعايش معاها بعيد عن الأوهام حقيقة انا لوحدي وانت مش موجود ولا كنت موجود ، قررت أعيش بالحقيقة دي وهستني هستني الوقت الل هيختفي فيه إحساسي دا ب إحساس حقيقي مش بوهم .. عن إذنك !
- مشاهد بقلمي #يارا_سمير
رأيكم❤
