- ايه الأخبار؟
- تمام وانت
- أنا تمام ، ها روحتي المعرض
- ايوة ..كان يوم جميل جدًا
- قابلتي صاحبتك إللى عماله تحكي عن رواياتها
- ايوة وقعدنا واتكلمنا واتصورنا بروايتها ، واتعرفت ع بنات تانين معاها كان يوم جميل بجد
- حلو اوي .. ارتاحي وشويا اكلمك تمام ..
- تمام ..بعد ساعتين ..
- بتعملي ايه ؟
- بقرأ فى الرواية
- بسرعة كده ؟
- انت مش متخيل انا من سنه لسنه بستني رواية ليها والرواية دي مميزة لان البطلة اسمها ع اسمي .
- يعني عاجبك الاسم ولا الرواية نفسها
- لا الرواية .. انا وصلت لنصها انت مش متخيل ايه الل حصل للبطلة
- ايه حصل ؟
حكتله الجزء الل قرأته:
- شوفت ..
- يااااه هو فى حد بيستحمل كده
- ايوه فى .. يارب تكون نهاية الرواية سعيدة للبطلة
- أن شاء الله .. هتكملي قراية؟
- مش هسيبها ..
- ابقي احكيلي ايه حصل بقي لما سافرت واشتغلت وقابلت البطل الرخم .
- متقولش رخم
- انتى محموقاله ليه كده ؟
- لأنه اكيد مش رخم وهتشوف
- ماشي هشوف .. يلا هناك علشان عندي شغل الصبح وبكره نكمل ونشوف البطل طلع رخم ولا لا ..
- ماشي ..تاني يوم :
- يومك كان ازاي ؟
- ولا حاجة مسكت الرواية لغاية ما قفلتها
- ياتري من حلاوتها ولا من الفراغ
- اسكت .. أسكت .. دا حصل شويا كوارث وحوارات للبطلة والبطل يااااه مكنتش اتخيلها
- ليه ايه حصل ؟
اتكلموا ساعتين عن الرواية والأحداث وهي تحكيلة وهو مندمج معاه فى الحوار بدون ملل ولا كلل ..
- لا واضح الرواية حلوة
- حلوة بس.. دى جميلة اووي دا انا هعيد قرأتها تاني من الاول ..
- ابقي قوليلي بقي لو فى أحداث وقعت منك احكيهالي
- بجد مش عارفه اقولك ايه مستحيل رغي ومبتزهقش
- هو احنا معرفة يوم احنا عشرة عمر
- عملت ايه فى مشوارك صحيح
- روحت الصبح و ...اتكلموا ساعتين فون ...
بعد شهرين :
- ايه رأيك فى العروسة مش هتقابل حد كده ؟
- نقاوتك صح ؟
- نقاوة عنيا .. ها ايه الأخبار؟
- مش عارف ..
- ازاي يعني
- حاسس فى حاجة غلط كده .. مش فيها هى كويسة جدا لكن المشكلة فيا انا فمش عارف ..
- يعني الموضوع فركش
- ربنا هيرزقها بشخص احسن مني
- اشوفلك عروسة تانية ماهو انا لازم اطمن عليك ..
- شوفي .. شوفي ..- ايه الأخبار:
- مش جايلي عريس ؟
- مين
- حد تبع ابن عمي لكن انا خلصت الموضوع
بنبره زعل : مبروك
- بقولك خلصت الموضوع رفضت ..
نبره فرحة : انا اساسا كنت هقولك بلاش انتم الاتنين مش هتتوافقوا مع بعض ..
- انت شايف كده ؟
- انتى تستاهلي احلي حاجة فى الدنيا ..بعد خطوبة أخوها على اخته :
- باين هنبقي عيلة بحق وحقيقي
- علشان اخويا خطب اختك
- يعني .. هنبقي فى وش بعض باقي العمر
- وأنا معنديش مشكلة ولا انت معترض
- لا خالص دا يوم المني .. عارفه ان خالتو اتخانقت معايا بسببك
- ودا إللى هو ازاي ؟
- لما شافتك قالتلي ازاي مفكرتش تخطبها، ازاي سيبتها كده لحد تاني ..
- محدش فاهم علاقتنا احنا اخوات واصحاب
- ايوه .. ايوه .. ماهي لما قالتلي لازم تخطب ام جاكت الاحمر قولتلها حاضر وخلاص قررت اسمع كلامها وهخطب ام جاكت احمر
- تخطب مين ؟
- ام جاكت الاحمر
- ام جاكت احمر مين؟
- انتي ..
- لا بجد .. وليه بقي ام جاكت الاحمر ؟
- امممم مؤدبة ومحترمة وكويسة وعارفها
- فى كتير بالمواصفات دي
- لا معتقدش ..
- يعني لو قدامك اتنين انا بالصفات دى وواحده تانية فيها نفس الصفات هتختار مين ؟
- هختارك انتي ..
- ليه ؟
- لاني برتاح معاكي ومبتكلمش مع حد زي ما بكلمك .
- لكن دا مش سبب .. ليه انا قررت تخطبها ..
- انتى عاوزة ايه ؟
- عاوزة اعرف السبب
- ليه ؟
- حقي مش انا إللى قررت تخطبها .
- عاوزة تعرفي السبب
- ايوه
- علشان انا من زمان فى مشاعر ليكي جوايا وكل مره بحاول اخد الخطوة واتكلم معاكي بتصديني بطريقة غير مباشرة فخوفت أخسرك ، وكل ما نفتح موضوع الجواز ترشحيلي حد من معارفك او اصحابك ولما اسألك إللى عاوزة تتجوزية عاوزاه ازاي تقوليلي عاوزة حد مش من البلد وتسافري ومتقعديش هنا فتقفليني اكتر ..
- أنا..
- بصي انا مش هقولك رايك ايه دلواقتي بس ممكن تصلي صلاة استخاره الاول وفكري وبعدين قوليلي رايك النهائي .