- اليوم كان فرهده انهارده
- الشغل كان كتير ؟
- جدًا ..
- اشربي قهوتك وروقي كده وكله هيبقي تمام
- ايه دا شوكليت إللى بحبها ؟
- لا ممنوعات هششش ..
- اموت فى الممنوعات انا، ميرسي يا حبيبي
موابيلها رن :
- يوووه المكتب .. لحظة هرد بره علشان الدوشة
- وأنا هطلبلك القهوة متتأخريش
- تمام ..
خرجت ترد ع المكالمة وخلصت وراجعه لترابيزة لمحت ٣ بنات قاعدين فى الترابيزة قريبة منهم بيبصوا عليه وبيهمسوا وهو كان شغال ع اللابتوب ومش شايفهم.. رجعت قعدت والقهوة جت :
- لو سمحت ممكن تغيرلي القهوة فى فنجان أبيض
- تمام ..
- فى حاجة ولا ايه ؟
- لا انا بحب اشربها فى فنجان أبيض ..
- طيب ايه خلصتي مكالمتك؟
- أيوة قولتلهم لما ارجع هعرفهم ايه حصل فى الميتنج .. عامل ايه فى شغلك ستسافر بكره ؟
- يومين وراجع ..
- ترجع بالسلامة يا حبيبي
قامت دخلت الحمام وطلعت من شنطتها lipstick احمر واضح وحطته ع شفايفها ورجعت كانت القهوة موجودة :
- القهوة جت دماغي هتتفرتك
- ايه دا ؟
- ايه ؟
- انتى غيرتي ال lipstick ?
- ايوه تغيير .. قولي عملت ايه انهارده ؟
- تمام ..
اتكلموا شويا وخلصت قهوتها :
- أنا همشي بقي علشان متأخرش
- تمام يا حبيبي وانا هبعت الميل دا وهمشي
قبل ما تقوم لفت الفنجان مكان أثر شفايفها إتجاه البنات وبصتلهم وقامت واتكلمت من الجرسون ميحركش الفنجان بتاعها لغايه ما يقوم يمشي ..
هو كان ملاحظها وإبتسم ، اتكرر تصرفها دا مره تانيه وقبل ما تمشي سألها:
- مش ملاحظة أنك بقيتي بتحبي لون الأحمر كتير ..معندكيش غيره ولا ايه ..؟
- لا ابدا صدفه ..
أبتسم ابتسامه كبيره :
- ممكن تقوليلي إنتي بتعملي ايه ..؟
- ولا حاجه بشرب قهوتي ويتكلم معاك
مسك الفنجان ولمس حافه الفنجان وعليه أثر lipstick :
- ودا ..؟
إبتسمت: انت لاحظت ..؟
- ومش عارف السبب ..
إبتسمت: قرب وانا اقولك ..
- ها ..
-ايوه انا قاصده أن فنجان قهوتي يكون عليه أثر my lipstick الأحمر ؛علشان ولا واحدة من بنات حواء تفكر مجرد التفكير انه مسموح ليها تبصلك او تقرب ،أنت منطقة محظوره، ليا انا وبس ..!
أبتسم ومسك إيديها ووضع قبله فى كف أيديها :
- ولا واحده هتقدر لأن مفيش غيرك
أنتقلت هي لشغل جديد، فكان أول يوم ليها، وحب يفاجئها فراح ليها ومعاه علبه فيها Dount الل بتحبها وقهوتها المفضلة يفاجئها، وقف من بعيد يبص عليها وهو مبتسم وشايفها بتشتغل و مركزه فى اللاب قدامها ..مر شخصين سمع حد فيهم بيقول:
-هي دى الجديدة
- باين عليها شاطرة غير انها جميلة
الكلمة لفتت انتباهه وشافهم قاعدين ع مكاتبهم قريبه منها وعيونهم عليها وبيتكلموا ؛ بتصرف تلقائي دخل المكتب وقرب منها وحط ع مكتبها علبه ال Dount وقهوتها وهي إتفاجئت :
- انت هنا ..!
- قولت مينفعش يمر أول يوم من غير ما اشجعك فيه، وقهوتك علشان تقدري تبدئي اليوم
إبتسمت : والDount دا ..؟
- علشان office boy مش ليكي
ضحكت وغمزتله : عموما ميرسي نيابه عن office boy
- افطري الأول، و يلا اسيبك لشغلك وهستناكي فى Cafe فى break
- اوكيه
تقابلا فى cafe قريب من مقر عملها ، وهي بتتكلم فى الموبيل حط ولاعته وسلسله مفاتيحه فى شنطتها .. خلصوا قعدتهم ورجعت شغلها وبعد ١٠ دقائق شافته قدامها وكان قدامها وتعمد يكون الشخصين موجودين الل اتكلموا عليها الصبح وشايفينه:
- فى حاجه ولا ايه ؟
- جيت ادور ع السجاير ملقتش الولاعه ولا مفاتيحي قولت اشوفهم معاكي
- وايه هيجبهم معايا ؟
- شوفيهم كده بس ..
- ايه دا هو هنا أزاي ؟
- طيب قوليلي عاوزة تدخني ولا كنتي هتدخني فى الحمام وكده
ضحكت : يا سلام ..
- يلا اسيبك لشغلك..
المكتب والل فيه شافوه ، فى يوم حكتله ع زميل ليها كان بيحاول يقرب ليها ف كرر الل عملوا قبل كده حط ولاعته وسلسله مفاتيحه لما يقابلها فى شنطتها ويروح المكتب ياخدها أمام الجميع ويمشي، اتقابلوا فى cafe وقت ال break :
نظرتله بحيره :
- ممكن افهم أنت بتعمل ايه ؟
- بشرب قهوتي
- لا انا بتكلم بجد ، ولاعتك ومفاتيحك بيكونوا فى شننطتي ازاي و تيجي تاخدهم ، انت بتكون قاصد ..
- ايوه
- ليه ..؟
- أممم قربي طيب واقولك ..
- ها
مسك ايديها ووضع قبله فى كف أيديها :
- بكون قاصد فعلًا ، علشان الكل يعرف انه غير مسموح ل اى شخص مهما كان فاكر نفسه ايه من ولاد آدم غير مسموح انه يقربلك حتي بنظرة .. ممنوع الإقتراب، ليا انا وبس ..
إبتسمت:
- محدش هيقدر ❤
مشهد من مشاهد بقلمي #يارا_سمير
رأيكم❤
