- أنا قولت اكيد هلقيكي هنا
- انت جيت ليه ؟
- جيت علشانك دورت عليكي مش لاقيتك
- عاوزة اختفي
- طيب هتختفي فين كده .. وجلس بجوارها :
- لو عليا عاوزة الأرض تبلعني واخلص
- دا الحوار كبير بقي
- اقولك ايه .. مفيش حاجة تتقال.
- لا في وفي كتير .. ها عملتي مصيبة ايه المرادي
- عكيت الدنيا
- وايه الجديد
- هتهزر قوم
- لا بجد .. انتى مكبره الموضوع كده ليه ؟
- بقولك عكيت الدنيا ..
- عادي ..
- لا مش عادي .. انا إنسانه عكاكه.. مفيش حاجة بعملها صح ولا بعرف أختار صح ولا حاجة بتكمل لآخر .
- مش نهاية الدنيا .
- أنا زهقت وتعبت ورغبتي لاي حاجة أنعدمت
- فترة وهتمر وهترجعي تاني تعكي من الأول
- ماهو دا إللى بقوله اعمل ليه مدام هعك انا الأفضل معملش اى حاجة
- لا طبعا مش صح .. عكي براحتك .
- أنت بتقول كده علشان مش فى الموقف أنت متفرج
- أنا مش بسهل الدنيا عليكي لا انا موجود علشان اساعدك انك متستسلميش لفكرة الاستسلام ، لأنك لو سيبتك لوحدك مش هترجعي
- أنا تعبت
- خدي راحة لكن ارجعي تاني ، عكيتي عادي .. هتعكي عادي.. المهم متكرريش العك خليكي متنوعة
- بتهزر .
- هونيها ع نفسك كله بيمر
- حاسه انى هعيش لوحدي
- ليه ؟
- مين إللى هيستحمل شخصية زى كده ؟
- أنا اهو اشتكيتلك .. انا معاكي انتي مش لوحدك ولا هتكوني لوحدك أطمني
-بجد أنت مستحملني ليه ؟
- يمكن علشان بحب العك
- بتحب العك ؟
- وبحبك
مشهد من مشاهد بقلمي #يارا_سمير لاف ورأيكم ❤
