- قاعدة كتير لوحدك
بتمسح دموعها :
- لا ابدا ..
- هنكدب ولا ايه انا واقف من ساعة وشايفك
- ليه ؟
- كنت سايبلك مساحتك تخرجي الل جواكي براحتك
بتمسح دموعها :
قعد جنبها :
- عاملة ايه ؟
- الحمد الله كويسة
- تمام ..
(بتبكي ) : لا انا مش كويسة بقالي أسبوع كده فى ايه ..
- دا طبيعي متقلقيش ..
- ازاي وانا الل قررت كده ؟
- حتى لو أنتي اللي مختارة تفارقي هتلاقي غصب عنك بتحزني وتدخلي في نوبات بُكاء غير مبرر، يمكن الموضوع كَـ نظرة خارجية غريب ومتناقض، بس طبيعي
- أزاي مش أنا اللي مختارة أمشي بمزاجي؟ ايه الدموع دي و ليه دلوقتي والحكاية خلصت من فترة !
- كُل الحكاية ببساطة إن بيكون صعبان عليكي ذكرياتك مع الشخص ده أو فِـ المكان ده، صعبان عليكي إن كده خلاص كُل حاجه انتهت حتى لو أنتي اللي نهيتها، خلاص انتهت ومبقاش في فرصة رجوع او تصحيح ، الموضوع بالظبط أشبه بالإدمان ، بِـ إنك تقرري تبطلي تتعاطى مخدرات؛ أنتي اللي مقررة وبكامل أرادتك ورغبتك بس بتتعذبي وبتبكي مع آخر جرعة ليكي رغم إن أنتي اللي قررتي تبطلي وان دي آخر جرعة بس إحساسك انه خلاص هتفتقدي اللذة والهالة اللي المُخدر ده كانوا بيسببوهالك أمر صعب ومُريب، فبتمري ب اقسي وأصعب مرحلة لوحدك بتتحملي نتيجة قرارك وأختيارك بعدها الأعراض بتقل وبتروح لكن الأثر موجود أنك فى وقت ما كنت صادقة فى مشاعرك وعشتي لحظات جميلة حتي لو الطرف التاني كان غير صادق ..
- يعني قراري كان صح ؟
- هتعرفي بعدين لما الفترة دى هتمر ، انتى حاولتي تصلحي وتكملي لكن الحكاية فقدت كل فرصها واستنفذتك.. انتى انقذتي نفسك بنفسك، بِـ اختصار في حاجات أحنا اللِي بنختارها رغم أنها بتقتلنا بالبطيء بس بنختارها بكل وعي لكن فى مرحلة ما الألم بيكون غير محتمل منها فبنقرر نستغني عنها، لازم نستغني عنها لمصلحتنا لأن هو ده الاختيار السليم حتى لو هنموت مع آخر لحظة لينا معاها، لأن الصح إننا نلف ضهرنا ليها ونمشي .
سكتت وبتبص ع البحر :
- سامعه
- سامعه ايه ؟
- صوت الموج البحر بيقولك هتبقي كويسة، اسمعي الصوت دا انه رسالة ليكي من الكون انك هتبقي كويسة هتقدري تكملي والفترة دى هتمر ع خير
اتنهدت : هبقي كويسة
- هتبقي كويسة متقلقيش .
- واثق ؟
- لأنك قوية شوفي عملتي ايه فكل حاجة هتبقي كويسة، خليكي واثقه انك هتبقي كويسة لان الل شايفاه ومصدقاه هو الل هتحسي به وهتعشيه
غمضت عنيها وهي متجهه للبحر ورددت :
- هبقي كويسة .. هبقي كويسة
مشهد من مشاهد بقلمي #يارا_سمير
رأيكم
