{ قصة شيطان العشق }
بقلم (HAFDA EL)
البارت 12
خرج ركب فالطموبيل وهوا يوقف عليه واحد
الكارد : مسيو صقر
صقر شاف فيه : وي
الكارد حاني راسو : البنت لي لداخل ماشي هي البنت لي صارقة الملف
صقر شاف فيه مصدوم :كيفاش
الكارد حنا راسو : سيدي تخلطاط لينا البنت مع ديك البنت حيت بجوج كانو لابسين النقاب
صقر نزل من اللوطو : يلعن الزامل لي حطكم كيفاش تغلطو فبحال هاد الامور
الكارد : سمح لينا اسدي
مجا فين اكملها حتى كان تيرا فيه والكارد لخرين ولاو كيترعدو
صقر : مخدم معايا رباعة ديال الشيخات ازوامل
رجع دخل للفيلا كيجري مشا لبيت لي كانت فيه لقاها باقة معلقة ووجها ولا حمر
مشا حل ليها حتى تصاتحات مع لرض
هديل حسات بردخة قوية فلرض فتحات عنيها بان ليها واقف حدا راسها
صقر : نوضي جمعي راسك خرجي من هنا
هديل حاسة برجليها منملين عليها وراسها تقيل
ناضت وقفات بشوية شادا فالحيط مشات جيهت نيقابها لبساتو وتمات خارجة وقبل متخرج شافت فيه
هديل : حس بيا الله ونعم الوكيل وغيجي نهار وغتندم على هادشي لي درتي فيا
صقر : بقرطاسة وحدا كان ممكن اني نقتلك مي بان ليا باقي عمرك طويل
هديل: عمري طولو ليا سيدي ربي ماشي نت
صقر خنزر فيها : بان ليا باقي كتقلبي على موتك واصلا اي حاجة درتها معاك تستاهليه حيت تجرئتي وتحدتيني
هديل مجوباتوش حدها تمات خارجة وصقر متبعها بعنيه حتى خرجات
خرجات بشوية كتمشى وكتعرج حتى بعدات على الفيلا عاد وقفات تاكسي وطلبات منها اوصلها لحومتها من بعد معطات ليه العنوان
وصلات نزلات وطلبات منو يستنا باش تجيب باش تخلصو
دقات فالباب حتى سمعات صوت الام ديالها
صفية: شكووون
هديل:: هادي انا اماما
صفية فتحات الباب وطارت عليها عنقاتها : الله ابنتي الله
هديل غرغرو عنيها: ماما
مول التاكسي : وابنتي عطيني رزقي باش نمشي فحالي
هديل: وخا اعمي ماما عفاك لما خلصيه
صفية: وخا ابنتي ستنا اسيدي
دخلات جابت لفلوس خلاصاتو ودخلو
صفية : علاش مقلتيش ليا بلي راك جاية وفين باليزتك شنو واقع ياكما شفروك
هديل سكتات شوية من بعد ناضت حيدات عليها بقات غير بدو بياس ومشات جابت بيجامة لبساتها وصفية كتشوف فيها مصدومة من لطراس لي فوجها والدم لي جامد فجبهتها وعلى وجها
مشات عندها كتجري والخوف باين فعنيها : بنتي مالك شكون دار ليك هادشي
هديل: مواقع والو اماما
صفية : كفاش مواقع والو
هديل : ضربوني وخداو ليا حوايجي
صفية عنقاتها : الله على بنيتي الله ياخد فيهم الحق الله يعطيه موصيبة لي دار فيك هدشي
هديل سالو دموعها : امين امي امين
صفية شافت فيها : بنتي ياك مقربوش ليك مدارو ليك والو
هديل فهماتها : لا اماما مدارو ليا والو غير ملي بغاو اسرقوني تشاديت معاهم وضربوني
صفية : تكاي ابنتي غنجيب ما سخون نمسح ليك وجهك
حركات ليها راسها بأه وتكات شوية وهي ترجع كلسات حداها وبدات كتمسح ليها وجها
هديل غمضات عنيها وهي تفكر نهار الاغتصاب ديالها تفكرات وجهو ملامحو القاسية كلامو لي كي السم زيرات على يديها فاش تفكرات كفاش غتاصبها بكل وحشية طاحت دمعة من عنيها سخونة هبطات ليها حتى لودنيها
صفية باستها فراسها : متبكيش ابنتي ربي ياخد فيهم الحق دعيتهم لله
هديل : امين امي ربي كبير وغياخد ليا حقي دابا ولا بعدو
أنت تقرأ
شيطان العشق (رونق)
Mystery / Thrillerهي منقبة همها الوحيد ارضاء ربها وتحقيق احلاميها البسيطة وهوا راجل قاس شيطان بصفت انسان لا يعرف معنى الرحمة هوا يقول : انا املك من العيوب اقبحها ك كبريائي وغيرتي وعنادي ومزاجياتي وغبية تلك اللتي تنتضرني ان اجري ورائها هي تقول : الشيطان يكفيه 10...
