{قصة شيطان العشق}
بقلم (HAFIDA EL)
البارت 31
كانت كتغسل لماعن وملاهية حتى سمعات شي صوت من موراها دارت لقاتها لورين
هديل : واش بغيتي شي حاجة
لورين : بغيت نشكرك على لفطور ديال اليوم
هديل: شكرا اختي
لورين :شنو غديري لغدا
هديل: مدام رونق طلبات مني مندير والو حيت قالت ليا معروضين
لورين ضربات يديها مع جبهتها : ناري فكرتيني الله افكرك فالشهادة كنت نسيت هاد لعراضة انا غنخليك الله اعاون
وطارت من حداها
هديل ضحكات: هاد الناس ناس مزيانين بزااف الله افرحهم
ورجعات تكمل شغالها
بدا الحال كيضلام وبالضبط فواحد الغابة كيتسمع فيها السقيل وكان ضوء السيرات بوحدو لي شاعل وليكارد منتاشرين فارجاء الغابة كاملة وحدا واحد الكاميو كبير كان واقف لابس سروال كحل مع تشورت مزيرا عليه وبارزة عضلاتو تهي فلكحل وداير كسكيطة فلكحل واقف وحداه جوج ديال الرجال شوي تسمع صوت الطموبيلات
جا عندو واحد من ليكارد ديالو
الكارد : سيدي راه وصلو
حرك ليه راسو بأه حتى بانو ليه جوج طموبيلات وقفو نزلو منهم وليكارد اواحد الرجل كام قصر وغليض وكرشو سابقاه من عنيه تعرفو شينوي وداير خاتم فالخنصر وماسك فيها ماربورو واليد لخرا خشيها فجيبو
قرب من صقر
(الحوار بالشنوية)
.....: مسيو صقر
صقر : مرحبا مسيو جونك سو
جونك سو : ليا الشرف نخدم معاك معمري مشيت برجليا باش نتسلم الاسلحة واليوم جيت برجليا تحت الطلب ديالك
صقر : كنضن بلي نت عارفني مزيان وديجا سامع عليا انا كنخدم بيدي ومكنعول على تواحد ولي بغا شي اسلحة كيجي عندها براسو وهدشي سنيتي عليه فالعقد السي جونك سو
جونك سو : عندك الحق ودبا بغيت نشوف الاسلحة
صقر : تفضل
جونك سو من بعد مشاف الاسلحة ولقا كولشي كيف بغا وكيف طلبو عجبو الحال
جونك سو : مزيان مسيو صقر انا غناخد الاسلحة ونت غتشد فلوسك
صقر : مزيان
جونك سو اشار لواحد من ليكارد ديالو ومشا جاب واحد البليزة كبيرة عامرا فلوس وحطها قبالت وصقر اشار لواحد من ليكارد ديالو باش احلها جا حلها وشاف فيها لقاها عامرة فلوس ورجع سدها
صقر :ودبا مزيان
سيناو على شي وراق وسلاو شغالهم من بعد مد ليه جونك سو يديه وحتى صقر
جونك سو :عجباتني الخدمة معاك اكيد غتكون بيناتنا خدمة مرا خرا وليقاء اخر
صقر : الى كتاب ودبا تفضل خود الشاحنة ديالك
ركبو فالشاحنة ليكارد ديال جونك سو وصقر ورجالو ركبو طموبيلاتهم وكسيراو
أنت تقرأ
شيطان العشق (رونق)
Misteri / Thrillerهي منقبة همها الوحيد ارضاء ربها وتحقيق احلاميها البسيطة وهوا راجل قاس شيطان بصفت انسان لا يعرف معنى الرحمة هوا يقول : انا املك من العيوب اقبحها ك كبريائي وغيرتي وعنادي ومزاجياتي وغبية تلك اللتي تنتضرني ان اجري ورائها هي تقول : الشيطان يكفيه 10...
