{قصة شيطان العشق}
بقلم (HAFIDA EL)
البارت 75
دخلات لعندهم لصالة
ضياء: خالتي شي رجال كيسولو عليك
صفية : اولي شكون هادو انا غنشوف شكون
خرجات صفية وضياء شافت فهديل وغمزاتها
هديل فهماتها طايرا اللون من وجها تخطف خرجات طايرا لبيتها رمات عليها نقابها على وجها ومع الخرجة وهي تبان ليها ما طاحت فلرض سخفانة مشات عندها كتجري
هديل : ماما ماما هئ ماما
الخال: اش كتقولو نتوما هي شرات دار وبواراقها
الكارد : صاحب العمارة كيستناكم فالكوميساريا
مشاو الرجال وهديل غير كتفيق فمها جابو ليها البصل البارفان كيشموهم ليها عاد بدات كتحل عنيها مجاو فين افيقو صفية حتى كيسمعو لغوات لتحت نزلو طايرين كان الاب ديال ضياء لي طاح طيحة وحدا فلرض وعيطو ليه على لومبيلونص
هديل حسات بالدنيا دارت بيها خصوصا فاش بانت ليها ماماها كتبكي وكتندب ففخادها اب ضياء داوه لسبيطار والجار لي فوق منهم مكانوش تما معرفات باش تبلات ناضت وقفات
هديل : شوفي اماما اكيد كاين سوء تفاهم انا غنمشي غنهضر معاهم وكولشي غيتصلح
صفية: فين غنمشيو ابنتي الى بصح بحرا كملت خلاصها وقلت رتاحيت فداري هئ هئ الله يربي فين كنتي مخبي لينا هادشي
هديل: صافي اماما غير سكتي متبكيش
مشات لبيتها حيدات عليها التكشيطة ولبسات خيمارها ونيقابها وهزات تليفونها وهي كتدعي وتسب وتعاير فخاطرها فصقر هزات لوراق وخرجا
لورين : هديل ستنايني انا غنمشي معاك
هديل : وخا شكرا ليك
فيصل: تانا غنمشي معاك
خرجو بتلاتة ركبو فطموبيلت لورين وكسيرات موقفات حتى للكوميساريا نزلو ودخلو مع الدخلة بانو ليها دوك جوج الرجال ومعاهم واحد الراجل اخار
بقاو واقفين تما حتى عيط عليهم الكومسير ودخلو عندو
الكومسير: شنو واقع وشكون لي مباغيش يخرج من دار لاخر سربيونا
الراجل لي كان مع ليكارد : انا شريت العيمارة وهوما براسهم وقعو ليا وها لوراق واليوم فاش قلت ليهم اخرجو مبغاوش
فيصل: اينا وراق كتهضر عليهم لوراق راهم عند هاديل
هديل عطات ليه لوراق : اه هاهوما لوراق
الراجل تهوا عطاهم لوراق وهز الكومسير لوراق بزوج كيشوف فيهم : لوراق الاصليين هوما ديال هاد الراجل وهاد لوراق لي عندك الالة قدام والتوقيع ديالكم وديال كاع الناس لي فالعمارة راهم هنا
هديل: ميمكنش هدشي هادوك غير تزوير
الكمسير : غتخرجو تستناو برا علامن نعيط عليكم
هديل: شوف اسيد الكومسير ها
الكمسير قاطعها وغوت عليها : غتخرجي ولا لا
لورين: خلينا نخرجو
أنت تقرأ
شيطان العشق (رونق)
Mystery / Thrillerهي منقبة همها الوحيد ارضاء ربها وتحقيق احلاميها البسيطة وهوا راجل قاس شيطان بصفت انسان لا يعرف معنى الرحمة هوا يقول : انا املك من العيوب اقبحها ك كبريائي وغيرتي وعنادي ومزاجياتي وغبية تلك اللتي تنتضرني ان اجري ورائها هي تقول : الشيطان يكفيه 10...
