ملي كنقول الفيلا ديالو اكيد كتفكرو كاع دكشي لي وقع لهديل فديك الفيلا وفكل ما كتمشي ليها صقر كيعاقبها عيقاب وهاد المرا كذالك صقر غادي بيها فالتيجاه الفيلا المنحوسة كيف كتقول ليها هديل
فنضركم شنو هوا العقاب هاد المرا
_____________
هديل شافت الطيق لي شاد وهي تهضر : علاش لي منمشيوش للفلا
صقر : الصمت
هديل : علاش لي مكتجاوبش
صقر خنزر فيها وهي تسكت
وصلو للفلا وكيف دخل للفلا هديل حيدات نيقابها
صقر كيشوف فيها ومنزر
هديل : مكالك
صقر مشا لجيهتها وشدها من شعرها من اللور بالجهد حتى تحيد ليها البوني ديال الخمار لي كانت لابسة وبان شعرها الحمر : صدقتي مطورا
هديل غرغرو عنيها من حر الشدة لي شادها من شعرها : صقر طلق مني قصحتيني
صقر رخف عليها شوية : قحبة فحالك تلعب عليا انا
هديل : ا انا مدرت والو فهمني شنو واقع
صقر دفعها ومشا جيها البيرو هز الملف الاسود لي كان خاوي وجا جيهتها وهي غير شافت الملف عرفات بلي اليوم حريرتها حريرة
هديل: صقر ا انا غنفهمك
ضرب يدو بالجهد مع الحيط وهضر عاض على سنانو : قحبة فحالك تلعب ورا ضهري
هديل : صقر
صونا تليفون صقر وبلا ميجاوب عرف شكون
فهاد الاثناء لي كان صقر كيغوت فيه على هديل وسب وعاير كان فاروق كالس وجوج ديال ليكارد واقفين موراه وهوا كالس وحداه جوج ظيال لبيسي واحد فيه السيدي باقي غير اخدمو والتاني فيه كيفرج فصقر كيف معصب وكيف كيغوت على هديل بتاسم وشعل السيدي بقا السيدي كيخدم غير فغابة والشجر واليل شوية وهوا يتطفى السيدي فاروق تقاد فالكلسة ورجع شعلو تاني والو مفيه والو شاف فالورقة لي عندو فيدو كولها مكتوبة بالروسية مفاهم فيها والو
فاروق شاف فالبيسي وهوا يتصدم
عند صقر
من بعد ما سمع صوت التيلي ديالو بتاسم بخبث وميل راسو جيهت علقة لي فودنين هديل وهضر
صقر : : كي جاتك المفاجئة اسي فاروق
فاروق تعصب وحمار
صقر: الصراحة صدقتي غبي على وجه الارض
فاروق هز التيلي وصونا ليه
صقر جاوب بلا ميهضر
فاروق : كيفاش قدرتي ديرها كيفاش حتى بدلتيهم
صقر: حتى يكونو كانو عندك من الاول
فاروق : مفهمتش واش نت كونتي كتلعب معايا
صقر: مزيان ملي فهمتي دب نت من نيتك كنتي داير فراسك بلي معارفش بلي السيدي مكاينش فالملف اش هاد الغباء كامل
فاروق : كي درتي ليها
( فلاش باك )
فاش كانو مزال فلقصر دخلات هديل باش دوش وملي حيدات الحلقات ديالها بان ليها شي حاجة غريبة فيهم وفاش طولات الشوفة بانت ليها الكامرا تصدمات وفرحات فنفس الوقت دارت راسها مشافت والو وتسرفات عادي مشات شعلات الماء باش يتسمع صوت الماء وميشكش فيها
فتحات الباب بشوية وخرجات ومشات بتجاه صقر لي كان واقف فالبالكون
هديل : صقر
صقر شاف فيها : مالك
هديل : صقر خاصنا نهضرو بالزربة
صقر قوس حجبانو : هضري
هديل : صقر فاروق زرع قنبلة فالجسم ديالك ومعرفاش بلاصتها بالضبط وهوا هددني ندي ليه الملف الاسود لي كان جاب ليك علي
صقر مكانش متوقع بلي فاروق زارع ليه قنبلة فالجسم ديالو : ونتي شنو درتي
هديل : خديت الورقة والسيدي
صقر: ديهم ليه
هديل: كيفاش
صقر شدها من كتافها : كنت عارف بلي فاروق هددك بشي حاجة وديك الحاجة هي لملف لاسود مي مكنتش عرف شنو هي ديك لحجة بالضبط
هديل : وعلاش غندي ليه الملف
صقر : اصلا داك الملف خاوي وغتصرفي غادي وغتدي ليه الملف كيف واعتيه
هديل : والقنبلة
صقر : متخافيش من القنبلة اكيد غير كيكدب
هديل عنيها غرغرو : ولا كانت بصح ؟
صقر شد وجها بين يديه : حبيبتي متخافيش عليا وخا
هديل حرهات راسها بأه ومسحات دموعها لي سالو
صقر باسها فجبهتها : وظب سيري دوشي باش ميشكش
هديل : وخا
( نهاية لفلاش باك )
فاروق : حقير
صقر: الحقير هوا لي كيستغل بنتو وكان غيقتلها ومهامهاش
فاروق : غنقتلك اصقر وهدا وعد مني وغنقتلك دب وديك الكميرا لي داير ليك.اكيد غتقتلك وفغضون 4 ثواني هاهاهاها
صقر بتاسم فاروق هز واحد البطونة صغيرة وعبز عليها وهوا مبتاسم شوية بشوية بدات كتلاشة ديك الابتسامة من وجهو وهوا كيشوفو واقف مربع يديه وكيشوف فيه
فاروق كيعبز عليها وهوا معصب : ميمكنش كيفاش كيفاش
(فلاش باك)
كانو كالسين فبيت نعاس ديالها ملي كانو عند مها
كانت كالسة وهوا متكي وحاط راسو فحجرها حاس بالصداع فراسو وعي كتحرك يديها وسط شعرو وكتنزلخو حتى لرقبة ديالو على شكل مساج حتى حسات بشي حاجة مهياش التحت حدا رقبتو فنهاية ديال شعرو دورات راسها بان ليها خيط رقيق فالزرق مبين شعرو الاسود
هديل سكتات معرفاتش واش هادي هي القنبلة لي دارها فاروق وكفاش غتكولها لصقر وهي كتفكر تفكرات بلي هي مكيشوفهاش فاروق
هديل : صقر بغيت نمشي لطوايط
صقر : ياك عاد جيتي
هديل: واش حتى الطواليط غتحاسبني عليها
صقر ناض من فوقها: سيري
ناضت فتحات لبلكار خدات شي حاجة وهرجات دخلات لواليط.قضات حاجتها وقبل متخرج من الطواليط كتبات فكرشها
[ القنبلة فلخر ديال شعرك حدا رقبتك ]
هبطات صوفيطمة ومشات للبيت كيف دخلات علات الصوفيطمة صقر شاف فيها وشاف فالصوفيطمة بتاسم ليها وتصرف عادي
والغد ليه فتش مشاو للحمام ها مشا لصبيطار حيدو ليه ديك.القنبلة الصغيرة ودار غير لسقة صغيرة بلاسة ميدير باندة باش متبانش لفاروق وميتيرش الانتباه ديالو
( نهاية لفلاش باك )
فاروق معصب : حقير حقير حقير اععععع غننتاقم منك وعلى اللعب ديالكم معايا
صقر : دور موراك
فاروق دار وهوا يلقا ليكارد لي موراه بجوج مصوبين الاسلحة بتجاهو
فاروق: اش كديرو
صقر: ها علاش قلت ليك نت اكبر غبي على وجه الارض لكارد مخدمهم معاك ومعارفش كمامرهم
فاروق : نت شيطان
صقر : مكدبتيش
قطع عليه ودوز نمرا ديال الكارد لي مع فاروق ودغيا جاوبو
صقر : ديه لديبو نص ساعة وانا معاك
الكارد : وخة اسيدي
قطع وعاه وشاف فهديل لي غير واقفة وكتشوف فيه قرب منها وحيد ليها الحلقات جا يرميهم فلرض وهي تشدو
هديل : عفاك متهرسهم عزازين عليا
صقر دارهم فجيبو وباس يديها : وخا انا غنديهم يعدو منهم الكمرات ونرجعهمليك
حركات راسها بأه
باسها فراسها وبعد : انا غنمشي دب واحد جوج سوايع وغنرجع
هديل شداتلو فدراعو: عفاك متقتلوش
أنت تقرأ
شيطان العشق (رونق)
Mystère / Thrillerهي منقبة همها الوحيد ارضاء ربها وتحقيق احلاميها البسيطة وهوا راجل قاس شيطان بصفت انسان لا يعرف معنى الرحمة هوا يقول : انا املك من العيوب اقبحها ك كبريائي وغيرتي وعنادي ومزاجياتي وغبية تلك اللتي تنتضرني ان اجري ورائها هي تقول : الشيطان يكفيه 10...
