{قصة شيطان العشفق}
بقلم(HAFIDA EL)
البارت 74
ناضو لبنات غسلو الحنة ودخلو لبيت هديل البسو اول حاجة داروها هي سبغو لهديل ضفرانها لمعوهم ودارو ليهم لبيض من الفوق كاع ومع الحنة لي كانت دايرا جاو يديداتها كيحمقو ولبسات تكشيطة فلبيض وقادات فولارها ودارت مكياج خفيف لي جات بيه كتحمق وحتى لبنات لبسو تكاشطهم ولورين عطاتها هاديل واحد التكشيطة لي غتلبسها
وهوما كوجدو وقادو راسهم حتى سمعو ااناس داخلين بالزغاريت والسلات على النبي ومهي الا دقائق حتى دخلات عليهم صفية
صفية: بنتي اجي هزي السينية ودخلي
هديل : وخا اماما
دارت شال على راسها بحكم كاين غير خالها وفيصل وماشي مشكيل انها تعري على راسها باش اشوفها نضرا شرعية حتى يركب ليها الخاتم عاد غيخرجو ونزلو عند الرجال لي كالسين لتحت فدار بات ضياء كانت خطوبة صغيرة فيها غير جداتها وخالها وخالتها وبنت خالتها وراجل بنت خالتها لي راه لتحت مع مع اب ضياء هوا والاخ التاني ديال فيصل والاخ ديال ضياء
دخلات هازا الصينية حطاتها على الطابلة وسلمات عليهم من بعد مشات كلسات حدا خالها وفيصل
بقاو كالسين شوية كيهضرو حتى هضر الخال
الخال : نتوما راكم عارفين علاش جينا وهديل راه بنتنا وشرف كبير ليا تكون مرت ولدي
صفية: الله اودي اخوي تفيصل فحال ولدي
الخال : هي نتوكلو على الله ونركبو لخواتم
صفية : بسم الله ولدي فيصل عري ليها الشال
فيصل عرا ليها على الشال على وجها وادا بيه مصدوم من هاد الجمال لي حداه بتاسم وهوا نقادرش احيد عنيه
لورين : احدر عنيك الاخ
فيصل: علاه لي شاف الزين مزال يقدر يحدر عنيه
كولشي تفركع عليه بالضحك
صفية: يالاه تفضلو ركبو لخواتم
جات ضياء هازا الصنية ديال لخواتم حطاطها حداهم على الطابلة وفيصل مد يديه اهز الخاتم وهوما يسمعو الدقان
ضياء: انا غنشوف شكون
خرجات ضياء فتحات الباب تشوف شكون وهي تلقا جوج ديال الرجال
ضياء: كتسولو على شي حد
الراجل: مدام صفية كاينة
ضياء: اه شكون نكول ليها
الراجل: عندها استدعاء من المحكمة
ضياء غير سمعات المحكمة فهمات الفيلم وعرفات القصة فيها صقر
أنت تقرأ
شيطان العشق (رونق)
Mystery / Thrillerهي منقبة همها الوحيد ارضاء ربها وتحقيق احلاميها البسيطة وهوا راجل قاس شيطان بصفت انسان لا يعرف معنى الرحمة هوا يقول : انا املك من العيوب اقبحها ك كبريائي وغيرتي وعنادي ومزاجياتي وغبية تلك اللتي تنتضرني ان اجري ورائها هي تقول : الشيطان يكفيه 10...
