{قصة شيطان العشق}
بقلم (HAFIDA EL)
البارت 62
كتبات ليه وخا وناضت باش تشوف اش غتوجد لغدا
دخلات للفيلا بانت ليها ماماها كالسة فالصالون كتفرج فالتلفازة ومشات عندها وكلسات حداها
لورين باست مها : ماما فاش كتفرجي
رونق : والو غير كنقلب فهاد التلفازة وصافي مليت ملقيت مندير
لورين : هي لقلتي لولدك اجيب لينا شي نونوس صغير يعمر الدار
رونق : والله مكرهت
لورين: وفين هي مرت خوي
رونق : اودي هادوك غي الخدمة قاتلهم معرفتش اش هاد الزواج عندهم فبعض المرات كنقول غير تسرعت وضلمت ديك البنت
لورين : نوضي الله اجيبك على خير هوما راهم عايشين الحياة ونتي بقاي تفكري ليهم
رونق شافت فيها: هي عارفة شي حاجة
لورين : كوتشوفي امي الفرحة لي كتكون فعنين عروستك فاش كتهضر على ولدك وعلى فاش كيقيسها و
رونق ضرباتها لكتفها : كفاش فاش كيقيسها اش داك نتي تهضري معاها فدكشي دكشي شخصي بينها وبين راجلها
لورين كتحك بلاصت الضربة : احححح بشوية مالي انا لي قلت ليها عاودي ليا وزايدون نتي لي عقلك ماسخ هي كاع مكدخل فالموضوع غير كتهضر عليه بطريقة صطحية
رونق : انا ماسخة يما ولدات كرشي
لورين : لا ماشي نتي عقلك
رونق : والله يعطيني وجهك
لورين : خلينا منهم وقولي ليا اش دايرين لغدا اليوم
رونق : معرفتش كلت ليها دير على دوقها
لورين : اه حقا اماما علاش لي مطلبوش منها تبقا تبات تهي بحال وردة وفايزة البارح لقيناها غتمشي تشد الطريق على رجليها فاليل حتى لطريق والعساس مكانش شافتها شامة ومشينا وصلناها
رونق : معرفتش واش غتبغي
لورين : انا غنسولها
رونق : بنتي ليا بحلا تصاحبتي معاها
لورين : ضريفة
رونق : هههه وي كتبان بنت الناس وداخلا سوق راسها
لورين ناضت : المهم انا غنمشي نشوفها اش غطيب لينا اليوم ومنها نيت نسولها واش تبغي تبقى هنا
أنت تقرأ
شيطان العشق (رونق)
Mystery / Thrillerهي منقبة همها الوحيد ارضاء ربها وتحقيق احلاميها البسيطة وهوا راجل قاس شيطان بصفت انسان لا يعرف معنى الرحمة هوا يقول : انا املك من العيوب اقبحها ك كبريائي وغيرتي وعنادي ومزاجياتي وغبية تلك اللتي تنتضرني ان اجري ورائها هي تقول : الشيطان يكفيه 10...