صقر : علاش
هديل : فكلتا الحالتين كيبقى بابا الله اخليك متقتلوش على قبلي
صقر باسها فراسها وبعد شاد وجها بين يديه : غنحاول نشد راسي
هديل عنقاتو : صقر كنبغيك بزاااف
صقر بتاسم وزاد.عنقها عندو كتر
بقات مودا وهي معنقاه
صقر : شنو مغتخلنيش نمشي
هديل : كون غير بقيتي ومتمشيش حسن
صقر: حبيبة ساعة وانا معاك وخا وهانتي شوفي الفلا كيف رديتها وكولي ليا واش عجباتك فاش غنجي
هديل عاد نتابهات للفا سباغتهالي تبدلات الفلا كانت كاملة فلكحل ولكري ودب بدل ليها السباغو ولا فالباج والدوغي
هديل: وخا
صقر بلسها فراسها وخرج وهي بدات كتسارا فالفلا وكتشوف دكشي لي مزال مشافتوش حيت معمرها تاحت ليها الفرصة فين تسارة فالفلا وتشوفها كاملا حتى من حوايجها لقاتو جابهم لهنا
نمشيو لبلاصة خرا وبالضبط عند شامة من بعد ممشات للفلا قالو ليها بلي مكاينش صقر وبما انو شامة كانت عارفة هاد الفلا فقررات تجي لهنا باش تشوفو واش كاين هنا
وصلات للفلا دخلات غير دخلات حيدات المونطو لي كانت لابسة وبقات غير بشميز دونوي لي كانت لبساتو من الدار وقدات راسها دخلات كتساري عنيها فالفلا عجبها ديكورها بزاف
شامة : هنا غنعيشو انا وياك اصقر
طلعات الفوق فرحانة ودخلات للجناح ديالو وهي تبان ليها فالبالكون تصدمات ملي شافتها تما فالبالكون حيت هي صحاب ليها بلي هديل مشات معاهم للبادية حسات بالشمتة حيت فاروق مقال ليها والو وحتى من لبنات مقالو ليها واىو زيرات على يديها وهي كتشوف فيها كيفاش حاطة يديها على كرشها ومبتاسمة فرحانة
نار الغيرة شعلات فقلبها ومشات بشوية بتيجاها وهي تدفعها بكامل طاقطها
هديل كانت واقفة فالبالكون وكتشوف لبعيد حاسة باحساس خايب بزااف حطيت يديها على كرشها وبتاسمات
هديل: غيجي باباك دب احبيبي متشوقة بزااا
مجات فين تكملها حتى كتحس بشي حد دفعها من لور ومع هي كانت مرفية فطاحط من البالكون واذا غير بلحديدة شدات فيها بيديها بجوج وهي كتشوف فيها وعنيها مغرغرين
هديل : شامة
شامة : اه شامة شامة لي دمرتي ليها حياتها دخلتي لحياتي كي السوسة فرقتيني على راجلي ومستحيل نخليه ليك صقر يا ليا يا ميكون لحتى واحد
هديل كتحاول تشد فلحديدة باش مطيحش : شامة نتي ماشي فالوعي ديالك طلعيني اشامة
شامة : لا انا فكامل قواية العقلية وانا باغا نقتلك باش تخرجي من حيات صقر وغا نبقى غير انا انا بوحدي شامة وصقر
هديل: الى ماشي على قبلي على قبل هاد الولد لي فكرشي شامة عاونيني
شامة : حاملة ياك حاملة شهر وانا موجا بيه وملي دخلتي لحياتي لاحضت فرق كبير بين تعامل معايا وتعاملو معاك كيبات معاك ديمة وحتى فوقت الممارسة ديالو معايا كيدكر شميتك كيكون معايا وعقلو معاك لدرجة انو كان كيسالي بالزربة باش ايجي ليك فبعض المرات كنت كنحس بيه كاع مجابو وكان كيجس عندك نتي القحبة شنو درتؤ ليه سحرتي ليه ياك سحرتي ليه السحارة وداك الولد لي فرحانة بيه انا غنجيبلو عرام غير خرجي من حياتنا
هديل بداو دموعها كينزلو ويديها كيتزلقو : شامة شا
جات طيح وهي تشدها من يديها
شامة : صااااااااقر
عند صقر
كان شاد نص الطريق وهوا يغير الرئي ديالو ورجع دار باللوطو راجع للفلا حيت ملي خرج وهوا حاس باحساس مهواش وقبل ميرجع للفلا صونا ليكارد لي مع فاروق اوصاهوم وقال ليهم بلي مغيجيش اليوم
كيف دخل باللوطو يلاه نازل وهوا يسمع صوتها
شامة : صااااقر
صقر كيف طلع راسو بانت ليه هديل معلقو وشامة شدااها قلبو تزعزع من بلاصتو
مشا طاير دخل للفلا وطلع الفوق للجناح ديالو
شامة : ودب غنودعك
هديل حركات راسها بلا
شامة غير سمعات الباب تحل وهي تطلق ليها يديها
هديل : صااااااااقر
صقر جا كيجري وهي تبان ليه فلرض مليوحة والميات كيشرشرو من راسها ومن لتحت ديالها بقا مودا واقف كيشوف فيها ممستوعبش هدشي لي واقع غمض عنيه وهوا كيحس بالدنيا كدور بيه حاس بقلبو تحبس حل عنيه مكيسمع حتى شي حاجة من غير "تنننننننننن" ودنيخه كيصفرو كتبان ليه شامة كتبكي وكطل من البالكون وترجع تبكي
صقر غمض عنيه تاني والو مكيسمع حتى شي حاجة كيحس بشامة كتهضر معاه وكتبكي والو غير كيشوف فيها بحال الاصم غير كيشوف فيها كفاش كتزعزع فيه والو مكيسمع والو من غير التسفار فودنيه
شامة كتزعزع فيه : صقر واش صفا صقر هضر قول شي حاجة
هزات التيلي ودوزات نمرا ديال علي وقالت ليه شنو وقع ورجعات قطعات عليه دورات راسها بان ليها واقف وكيشوف فيها من البالكون
شامة قربات ليه : صقر
صقر شاف فيها وتمشا بشوية وخرج من البيت وشامة تابعاه او واش هادا صقر كيفاش كيتمشى هكا بشوية كفاش مخايفش عليها كيفاش وكيفاش بقات غير تبعاه وهوا كيتمشى جوج خطوات القدام وتلاتة لور بقا غادي بشوية وهوا كيتمنى ميوصلش كيتمنى الطريق لعندها تكون باقا بعيدة الفكرا ديال انو تكوز ماتت وسمحات فيه كدبحو وصوتها فاش غوتات بسميتو هي الحاجة الوحيدة لي كتردد فودنيه
وصل لعندها ونزل على ركابيه شد يدها بين يديه وفهاد اللحضة وصلو الاسعاف ومعاهم علي
علي كيشوف فيها ممتيقش بلي هادي هديل كان شعرها الاحمر كولو ملطخ بالدم وتحت منها بين فخادها لي كيبين بلي البيبي مات
جاو باش اهزوها وهوا يوقفهم بيديه تحنا عندو وهزها بين يديه ودخلها للاسعاف حطها وجاو قادو ليها التخطيط ديال القلب وهوا كالس حداها ........
يتبع......
أنت تقرأ
شيطان العشق (رونق)
Mystery / Thrillerهي منقبة همها الوحيد ارضاء ربها وتحقيق احلاميها البسيطة وهوا راجل قاس شيطان بصفت انسان لا يعرف معنى الرحمة هوا يقول : انا املك من العيوب اقبحها ك كبريائي وغيرتي وعنادي ومزاجياتي وغبية تلك اللتي تنتضرني ان اجري ورائها هي تقول : الشيطان يكفيه 10...
