قصة شيطان العشق
بقلم HAFIDA EL
البارت 144
ستعوبات شنو وقع وناضت كلسات شافت فراسها لقات راسها لابسة بيجامة صيفية سروال واسع مع تيشورت ديالو نص كم تخلعات ملي لقات حوايجها مبدلين يلاه بظات كتقلب راسها وهي تبان ليها واحد البنت دخلات لابسة لباس الخدم
البنت لونكلي : مدام هديل تفضلي نعايا مسيو فاروق كيستناك
هديل عرفاتو هداك لي جابها هضرات بلونكلي : فين حنا دب
البنت : فسويسيرا تفضلي معايا باش تفطري مسيو فاروق كيستناك
هديل : شكون بدل ليا حوايجي
البنت: انا
هديل : وخا وفين هوا نيقابي
البنت : كولشي كان عندك رميناه امدام
هديل : علاش رميتو ليا حوايجي
البنت : كان امر من مسيو فاروق
هديل : شون هاد فراق لي يرمي ليا حوايجي اش هاد الزمر واش باغي مني تاني
البنت مفهماتهاش حيت دوات بالمغربية: وي مدام مفهمتش
هديل : خليني نمشي نشوفو
خرجات البنت وموراها هديل نزلو لتحت وتمشاو جيهت الطابلة ديال لفطور وفاروق كان مترأسها هديل كلما كتقرب ليه عنيها كيوساعو ممتيقاش شكون كتشوف قدامها
كان كالس وكيشوف فيها مبتاسم شعرو حمر وعنيه زورق
هديل : بابا
فاروق : شحال توحشت هاد الكلمة من فمك ابنتي
هديل : ش شنو بغيتي عندي وتلاش جبتيني لهنا
فاروق وقف ومشا عندها : جيت باش نديك معايا وغنجيب حتى مك غنعيشو مع بعضياتنا
هديل : اش كتكول واش كتخور واش حتى لدابة عاد رجعتي باغي تعيشني انا ومي معمري تنسا ليا النهار لي مشيتي فيه وغلتيني كنجري موراك وكنبكي وطحت ومشفتيش فيا مي لي كانت كتبكي وكتعيط بسميتك باش تحن فيها ومحنتيش معمري ننسا
فاروق : انا مشيت على قبلكم اب
هديل قاطعاتو : متقولش ليا بلي مشيتي باش دير للوس وترجع حيت فلوسك معندنا منديرو بيهم دب نهار لي كنا محتاجينك فجنبنا مكنتيش ودب معندنا منديرو برجوعك
فاروق عسبات مي شد راسو: شوفي ابنتي انا مكنتش راضي بديك العيشة لا ليك نتي لا لمك نتعشاو ومنتغداوش ولا نتغداو ومنعشاوش واش كنتي راضية بديك العيش
هديل : ههه وهاد العيشة لي بغيتي مخلي بنتك ومراتك كيدوزو العداب شحال من مرا ملقيناش باش نخلصو لكرا وجراو علينا شحال من مرا نعسنا فالزنقة وزيد زيد وزيد ديك السعات انا كانت اقصى احلامي هي نجي لدار ونلقا بابا وماما كيستناوني مي هدشي مكانش حيت مي كانت خدامة فالميناج وانا كنت عايشة فدار جدي لي كنت كنتعرض فيها للحكرة ومي مكنت كنشوفها من شهر لشهر حيت كانت خدامة عليا باش تقريني نت فرتكتي شملنا وعدبتينا ودب عاد رجعتي
فاروق : نتي معارفاش اش داز عليا واش سحاب ليك كنت عايش فرحان
هديل: نت لي بغيتي هدشي لراسك ماشي حنا لي بغيناه ليك ودب خليني نمشي فحالي حيت مي وراحلي غيكونو متشوشين عليا ونت خليك فين كنتي حيت مبقا عندنا منديرو بيك
أنت تقرأ
شيطان العشق (رونق)
Mystery / Thrillerهي منقبة همها الوحيد ارضاء ربها وتحقيق احلاميها البسيطة وهوا راجل قاس شيطان بصفت انسان لا يعرف معنى الرحمة هوا يقول : انا املك من العيوب اقبحها ك كبريائي وغيرتي وعنادي ومزاجياتي وغبية تلك اللتي تنتضرني ان اجري ورائها هي تقول : الشيطان يكفيه 10...
