قصة شيطان العشق}
بقلم (HAFIDA EL)
البارت 32
فالفيلا
كانو مجموعين فالصالون كيستناو صقر يجي باش ينوضو يتعشاو
لورين : بابا
سلطان: نعام
لورين : بابا بغيت نسافر
سلطان : فين باغا تسافري
لورين : بغيت نمشي لسويسرة عمري مشيت ليها
سلطان : معامن
لورين : بوحدي
رونق : تميكونش عندك ولديك عاد سيري لسويسرة بوحدك
لورين : وحشومة عليكم مالي باقا صغيرا وديمة كنمشي معاكم ودبا بغيت نمشي بوحدي
رونق : لا هي لا
لورين : بابا دوي معاها
سلطان: مك عندها الحق
لورين : اففف نتوما هكا دايرين ديما حاكريني
شامة : عمتي عندها الحق الورين سويسرة ماشي هي المغريب
لورين : ننننن
سلطان عنقها عندو : دبا نديك نتي ومك شنو بان ليك
رونق: اه باك عندو الحق
لورين : غير قولي بلي تنتي باغا تمشي محسادة
رونق : انا محسادة
لورين : اه
رونق : اوا واخا فيك ابنيتي
صقر دخل : السلام وعليكم
الكل : وعليكم السلام
صقر : مكاينش لعشا
رونق : كنا كنستناوك غير تجي
صقر: اوا نوضو
ناضو تجمعو على الطابلة كان الحوت ومعاه شوربة الفواكه البحرية والشلاضة ديالهم والفواكيه مقدمة ومقطعة بطريقة راقية
صقر : هاد الطباخة عندها هدشي بلديكوغاسيون
سلطان : وي كطيب وتزوق
رونق : تبارك الله عليها وخلاص
شامة: وخا باقا صغيرة مي كتسنع من يديها الشهد
رونق: عندك الحق
كلسة كياكلو ويتبننو فالماكلة حيت بالصح كانت بنينة بزاااف
من بعد مسلاو الماكلة هضر سلطان : رونق مغتعيطيش على البنت نشكروها
رونق : وخا
عيطاط على الخدامة وطلبات منها تعيط على الطبخة
فايزة دخلات للكوزينة : هديل
هديل: نعام
فايزة : المدام رونق بغاتك
حركات راسها بأه وناضت لاحت عليها نيقابها على وجها وخرجات وهي غادا عندهم حادرة راسها وقلبها غيخرج من بلاصتو معرفاتش علاش حاسة هاد الاحساس
وقفات عليهم وصقر كان خاشي وجهو فالتيلي ومرا مرا كيرشف من القهوا
رونق : بنتي تبارك الله عليك صراحة بهرتيني
سلطان : الله يعطيك الصحة هدشي بنين
هديل : شكرا ليكم
كيف سمع صوتها طلع راسو شاف فيها مقوس حجبانو وعاقد غوبتشتو وتأكد منها خصوصا فاش شاف عنيها لي مستحيل ينساهم
هديل تلعاط عنيها لحدا سلطان بان ليها كالس جاتها الصخفة ورجليها فشلو عليها وعنيها دمعو جات طيح وهي تشد فالكرسي
رونق ناضت عندها : بنتي واش لباس
هديل كتهضر وصوتها كيرجف : ب بخير
شامة مدات ليها كاس ديال الماء : هاكي شربي
هديل عطاتهم بضهر ودوزات الكاس تحت نيقابها وشربات منو شوية ورجعات مداتو ليهم
شامة: واش صفا دبا
هديل حركات راسها بأه
صقر كيشوف وكيرشف من الكولا وعنيه فحال الصقر لي كيشوف فريستو حداه وباغي ينقض عليها
بغيت اي وحدة قرات تخلي ليا تعليق كيف جاتها القصة
أنت تقرأ
شيطان العشق (رونق)
Mystery / Thrillerهي منقبة همها الوحيد ارضاء ربها وتحقيق احلاميها البسيطة وهوا راجل قاس شيطان بصفت انسان لا يعرف معنى الرحمة هوا يقول : انا املك من العيوب اقبحها ك كبريائي وغيرتي وعنادي ومزاجياتي وغبية تلك اللتي تنتضرني ان اجري ورائها هي تقول : الشيطان يكفيه 10...
