لبسات وخرجات مبانش ليها صقر جات تخرج وفاش حطات يديها على لبواني دالباب شافت فيديها مفيهاش الخاتم دربات بشوية على جبهتها ورجعات دخلات للحمام هزات خاتمها وحلاقتها وخرجات من الحمام يلاه جات تخرج وهوا يصوني تليفونها
هزات التليفون وجاوبات
هديل : اش تما
فاروق : فين كنتي
هديل طلعات حواجبها : ياك كراقبني وعارف كل تحركاتي كيفاش دب كتقول ليا فين غابرا
فاروق كايشوف فبيسي : متلعبيش معايا راك كتلعبي بحيات راجلك
هديل : وانا ماشي حمقة باش باش نلعب بحياتو
فاروق : امتى غتجيبي ليا السيدي
هديل : حتى يكون عندي الوقت
فاروق : غدا جبيه ليا
هديل: غدا مغنقدرش
فاروق : غدا جبيه ليا لبلاصة ****
وقطع عليها
هديل : تفو كي غندير ليها انا دب
رفعات لمخدا بانت ليها الورقة والسيدي هزاتهم ومشات دارتهم فالساك ونزلات كتفكر فشنو غدير واش تدي ليه السيدي ولا تقولها لصقر ولي بغا يطرا يطرا فكلتا الحلاتين حيات صقرمعرضة للخطر والمافيا شي حاجة ماشي ساهلة وفيها الاجرام ودكشي وصقر عارفاه بلي مافيوزي كبير وغيكون قتل بزاف ديال الاشخاص عن الطريقة لي طلقات بيه فيها تنهدات بعمق
دخلات للكوزينة وهي ساهية حتى انو مشافتش صقر لي كان واقف حدا التلاجة وكيشرب الماء
صقر : ياك لباس
هديل خلعها : دوي بشوية مالك خلعتيني
صقر طلع حاجبو : داوي بشوية
هديل : راه داك الصوت عندك كيزعزع المشاعير
صقر : ف انا نحيا 😉
هديل شافت فيه : ناري شحال عقلك ماسخ
صقر غادي لجيهتها : انا عقلي ماسخ
هديل :.اه عقلك ماسخ انا كنهضر فجيه ونت كتهضر فجيه
صقر جرها عندو من خصرها : واجي بعدا نوريك داك لمسخ كي كنديرو ليه
هديل دفعاتو عليها وتمشات جيهت البوطاجي : مكاين لاش من نهار عرفتك ونت كتوريني فيه
صقر ضحك وسند مع الحيط وهوا مربع يديه: هههه مفيها نوريك حتى دب
هديل شافت فيه وهي كتقاد الاندومي بتاسمات ليه وغمزاتو : ماشي دب احبيبي
صقر: اححح وشحال طالعة حلوة من فمك
هديل مجوباتوش كملات على مكانت كدير حيت عارفة الى بقات معاه هكا غتصدق فشي طاب وشي مطاب وهي مبغاش هدشي يوقع وخا ديجا وقعات بينتهم شي حاجة مي مبغاتش يتعاود محد باباها حاضيها وعارف كل تحروكاتها
صقر : قادي ليا معاك قهوى
هديل كلسات وبدات كتاكل الاندومي : تنسالي بعدا
صقر كلس حداها وبقا حاضيها
هديل شافت فيه : دب نت معندك مدير غير تبقى حاضيني انا راك وحلتيه ليا
صقر : معندي مندير نتي هي شغلي
هديل : واش مغتحتارمش خصوصياتي
صقر: مكيناش شي حاجة سميتها خصوصياتك احبي
هديل تنهدات ورجعات كتاكل حتى هضرات
هديل: بغيت نمشي عند ماما
صقر : لا
هديل : عفاك راه توحشتها
صقر: كلت ليك لا
هديل حطاط لمعلقة وهبطاط قنونفتها كتستاعد باش تكسيري
شافت فيه وعنيها مغرغرين : عفاك توحشتها
صقر قرب منها وشدها من دقنها بصبعانو : ولبكى علاش
هديل : حيت نت كاع مكتبغيني
صقر ضحك : صافي صافي غنمشيو بلا متبداي ليا داك لبلان تاني
هديل مسحات دموعها لي طاحو وبتاسمات : وخا
ورجعات كتاكل كانا شوئا لم يكن
صقر شاف فيها متعجب من حالها مرا تبكي ومرا تضحك تنهد وجا خارج
صقر : فاش تجي جيبي معاك كاس ديال القهوى
هديل تفكرات شنو كال وقاطعاطو قبل ميخرج : كيفاش غنمشيو
صقر بعدم فهم : مفهمتش
هديل: كلتي ليا اه غنمشيو كفاش قضية غنمشيو مفهمتهاش
صقر:شنو لي مفهمتيش غنمشيو هي غنمشي انا وياك
هديل: وشنو غدير نت تما
صقر: غنشوف نسيبتي
هديل : اش غتشوف فيها
صقر: ونتي اش غتشوفي فيها
هديل: زعما نكلس معاها نهضرو شوية
صقر: هدري وانا مالي غنوقفك على الهضرة
هديل ناضت : ولا بغيت نشكي ليها عليك
صقر قوس حجبانو : غندخل لبيتك ونتي خودي راحتك
هديل : ولا سمعتيني
صقر: دب ملخر نتي شنو بغيتي
هديل : مبغيتكش تمشي معايا
صقر: ومغتوحشنيش
هديل: ماشي هكاك غير بغيت نبقا مع ماما بوحدنا فمتيني
صقر: الى ممشيتش تنتي مغتمشيش
هديل : لا لا صافي غا اجي
صقر : ودب مزيان وقادي ليا قهوى
هديل عطاتو بالضهر كتقاد ليه القهوى : وليني لسقة
صقر : راه غنجي ليك
هديل ببتيسامة صفرا: هيهيه
أنت تقرأ
شيطان العشق (رونق)
Mystery / Thrillerهي منقبة همها الوحيد ارضاء ربها وتحقيق احلاميها البسيطة وهوا راجل قاس شيطان بصفت انسان لا يعرف معنى الرحمة هوا يقول : انا املك من العيوب اقبحها ك كبريائي وغيرتي وعنادي ومزاجياتي وغبية تلك اللتي تنتضرني ان اجري ورائها هي تقول : الشيطان يكفيه 10...
