...........تسريع الاحداث
<<< بعد مرور 4 سنوات >>>
واقف ولابس سروال اسود مع تيشور اسود وبوط تهوما فالاسود ومونطو فوقهم بالاسود شعرو مطلعو الفوق ولحيتو كانت شوية كبيرا على المعتاد واقف وسط غابة كبيرة والضلام مكتشوف حتى حاجة من غير ضوء القمر لي داخال من بين اوراق الشجر لي كيسمح ليك التشوف شوية
غادي كيتمشى بشوية حتى سمع صوتها دار شاف فيها لابسة كسيوة فالابيض وطالقة شعرها الاحمر الحريري
هديل : صقر
صقر كيشوف فيها غا جايا عندو
هديل : صاااااااااااقر
صاقر ناض طافج وكينهج وجهو وعنقو كولهم عرقانين دوز يدو على وجهو وشعل الضو دالفايوز وبقا كيشوف فنقطة وحدا من نهار ماتت هديل وهوا كيشوف نفس الحلمة كل نهار كيفيق فوسط ليل طافج وعرقان ومكيرجعش ينعس ولا كيكره ينعس غير بسباب هاد الحلم فبعض المرات كيبقا كتر من 48 ساعة مناعسش غير باش ميحلمش بيها تاني ناض ودخل لدوش دوش عليه بماء بارد.اصلا الجو سخون وخرج لاوي عليه فوطة دخل لدرسينك لبس عليه جينس زرق مع تشورت فلكحل دار ساعتو ونشف شعرو بالشيشوار وطلع شعرو الفوق دوز مشطة على لحيطو لي طوالط شوية على العادة رش بارفانو وشاف فالساعة كانت 4 ونص هز صلايتو وخرج صلا الفجر وناض لبس السبادري فلكحل وهز التليفون والكونطاكط ديالو وخرج نزل لتحت مشا للكوزينة قاد قهوى شربها عاد خرج من الفيلا
ركب فطموبيلتو وهز التيلي دوز نمرا ديال علي لي بقا مودا كيصوني عاد جواب
صقر : غتلقاني فالديبو
وقطع عليه
علي : يلعن الزامل لي حطك نت مكتنعسش وانا مالي اش دنبي
لورين: ناري كون يسمعك
علي خنزر فيها : ويسمعني كاع اش فجهدو ميدير (بتاسم) خلينا منو دب اجي نكملو على دكشي لي بديناه بليل
لورين: بعد.مني راه مزال متفاهمنا كفاش زامل لي حطو واش كتسب ليا بابا وقدامي
علي خشا وجهو فصدرها :خلينا من دكشي دب نهضرو عليه من بعد
ايهم واقف فالباب وكيحك عنيه بيديه وجار معاه الدبدوب ديالو : ماما
علي شاف فيه : واش داعيا فيا مي
لورين كتضحك : اجي اولدي اجي
ايهم طار عند مو ودخل حداها معنقها
علي ناض زاعف : نوض نقود فحلاتي حسن ليا
لورين كتضحك : فاش تكون راجع جيب ليا معاك نوطلا
ايهم : بين ميرلو
لورين شداتو من نيفو : وينو على لحبيب ديالي جيب ليه تهوا مرشميلو
علي خنزر وخرج
ايهم : ماما علاس بابا مقلق
لورين تكاتو حداه : كان باغي الحلوى
ايهم : ماما الحلوى خايبة كديل السوسة ياك
لورين : اه اولدي
لورين : اه اولدي الحلوى خايبة وكدير السوسة ودب انعسو حتى يجي بابا وخا
حرك ليها راسو بأه وعنقها ورجعو نعسو
نمشيو عند صقر لي كان فالديبو واقف حدا البيسي حتى دخل علي
علي : اش واقع علاش معيط عليا فهاد الوقت
صقر كيشوف فيه : شي واحد قدر يختارق بينات ديال لبيسي ديال البوص
علي : كي دار ليها ياك نت براسك شحال سهرتي باش تختارق البينات ديال البوص ومقدرتيش
صقر : معرفتش خاصنا نلقاو هدا لي ختارقو
علي : فين غنلقاوه
صقر : لي عارف هوا انهو كاين ف كوريا وكنضن شي واحد خدام فالمافيا وبالضبط في الاسلحة
علي : وي كوريا معروفة بالاسلحة ادان خدمتو بحال خدمتنا وكنضن بلي تهوا باغي يوصل لدكشي لي حنا باغيين نوصلو ليه ولي هوا البوص
صقر : تماما
شاف فواحد من رجالو : غتمشيو دب وغتقلبو ليا عليه بغيتو اليوم قبل غدا
الكارد : وخا اسيدي
علي : شنو ناوي دير
صقر شاف فيه وعاد حرك راسو بمعنى عاود اشنو قلتي .
علي : شنو ناوي دير
صقر : مدام هوا باغي يوصل للبوص وانا باغي نوصل البوص فخاصنا نتعاونو
علي : هادوك لي دخلو لسجن واش خرجو
صقر : حاكمين عليهم ب 15 لعام ديال السجن والبوص كان مورا هادشي وامدام دارني فبالو دب وباغي يوصل ليا حتى انا فخاصني نوصل ليه قبل ميوصل ليا
علي : فنضرك علاش باغي يعرف شكون هوا الشيطان ؟
صقر: اكيد باش يوصل للملف الاسود
علي : اممم باغي يحيدك من طريقو
صقر : علا سلامتنا ملي فهمتي
علي : هي ملي غيسالي من الشيطان غيدوز ل الثعلب [اللقب ديال علي فعالم المافيا]
صقر: لي معمرو غيوصل ليه
علي : متشوق نعرف شكون هدا لي ختارق البينات ديالو
صقر هز الكونطاكط وتم غادي: حتى انا
علي : نديرو شي قهوا
صقر مجاوبوش
علي لحق عليه وحط يدو على كتفو حتى شاف فيه عاد هضر : نديرو شي قهوى
صقر: اك
أنت تقرأ
شيطان العشق (رونق)
Mystery / Thrillerهي منقبة همها الوحيد ارضاء ربها وتحقيق احلاميها البسيطة وهوا راجل قاس شيطان بصفت انسان لا يعرف معنى الرحمة هوا يقول : انا املك من العيوب اقبحها ك كبريائي وغيرتي وعنادي ومزاجياتي وغبية تلك اللتي تنتضرني ان اجري ورائها هي تقول : الشيطان يكفيه 10...
