{قصة شيطان العشق}
بقلم(HAFIDA EL)
البارت 26
دخلات لبيتها لبسات عليها خمارها جايا صايا فلكحل والفوق ديالو فلكرونة فضفاض ودارت نيقابها على وجها فلكحل من غير عنيها الزورق لي كيبانو هزات ساكها والصيفي ديالها وخرجات
هديل كتلبس صباطها : ماما راني مشيت
صفية جات عنها عنقاتها : الله اعاونك ابنتي
هديل : انشاء الله نجي ونجيب معايا خبار زوينة
صفية: انشاء الله
خرجات وشدات الطريق حتى وصلات لطريق الرئسية وشدات طاكسي وطلبات منو يوصلها
كانت فبيتها كتستناهم اجيو باش تشوف شي وحدة فيهم
سلطان : حبيبة اش كديري كتستناي شي حد
رونق : وي اليوم غيجيو شي عيلات نشوفهم على قبل الطباخة
سلطان: مزيان
رونق : ونت فين غادي
سلطان : غنضرب واحد الدورة لشريكة اليوم كاع ممشيت ليها
رونق باستو فخدو : وخا احبيبي وانا غنزل معاك نوصلك حتى لبرا
سلطان شدها عندو من خصرها وتمو نازلين
كانت واقفة ومعاها جوج بنات اخرين لابسين لمعري كتر من لمغطي فحالا جايين العرس وجهم مبلق بالمكياج وهديل واقفة حداهم خايفة بزاااف لميقبلوهاش بحكم لبسها المحتشم بزااف وهوما واقفين كيطلعو فيها ونزلو ومرا مرا يتوشوشو ويبداو اضحكو وهديل مداتهاش فيهم بقات غير كتدعي ربها باش اقبلوها حتى سمعو شي حد كيعيط مشات رئيست الخدم تشوف
خرجات شوية رجعات
رئيسة الخدم : زيدو دخلو
تمو غاديين لخرين غاديت وهديل موراهم حتى دخلو لصالون
رونق لفتات انتباها هديل بقات كتشوف فيها مودا من بعد بدات كتطرح عليهم الاسئلة وكل مرا شكون فيهم كتجاوب حتى وسلات لهديل
رونق : سميتك
هديل : هديل دعبول
رونق : تقدري تحيدي نيقابك مكاينينش رجال فالدار
هديل علات نيقابها من على وجها ورونق بقات غير كتشوف فيها حيت سحاب ليها شي بنت كبيرا مدام لابسة النيقاب مي صدماتها كات باقا صغيرة وبريئة وزوينة
لورين كانت كالسة حدا مها : كان سحاب ليا شي مرا كبيرة
رونق : حتى انا احم شحال فعمرك
هديل : 22 سنة
رونق : ديجة كنتي طباخة فشي اطيل شي مطعم شي فيلا
هديل : كنت خدامة فالريستو ***** من بعد كانو صيفتوني للاطيل لي فاتحين فباريس *****
لورين : واو اماما هاد الاطيل معروف بزااف
رونق : اه كنعرفو وعلاش تترضتي ولا نتي لي خرجتي
هديل زيرات على يديها فاش تفكرات لي وقع : وقع سوء تفاهم بسباب مشاكل عائلية
رونق : اممم مزيان تقدري تحطي لي هنا السيفي ديالك نشوفو ومن بعد كل وحدا فيكم غنرض عليها سوا غنخدمها سوا لا
الكل : وخا امدام
رونق : تقدرو تمشيو وغدا غنرد عليكم والشفور غيوصلكم
هديل: شكرا امدام
رونق بتاسمات ليها : العفو
شكروها وتمو خارجين وهومة خارجين تلقاو مع شامة
شامة شافت فهديل لي كيبانو ليها غير عنيها حيت رضات نيقابها على وجها بتاسمات ليهم ودخلات وهوما كملو طريقهم وخرجو لقاو الشيفور كيستناهم ركبو معاه وكل وحدة عطاتو العنوان ديالها عاد كسيرة بيهم
أنت تقرأ
شيطان العشق (رونق)
Misterio / Suspensoهي منقبة همها الوحيد ارضاء ربها وتحقيق احلاميها البسيطة وهوا راجل قاس شيطان بصفت انسان لا يعرف معنى الرحمة هوا يقول : انا املك من العيوب اقبحها ك كبريائي وغيرتي وعنادي ومزاجياتي وغبية تلك اللتي تنتضرني ان اجري ورائها هي تقول : الشيطان يكفيه 10...
