قصة شيطان العشق
بقلم hafida el
البارت 200
علي هزهم وكمل فيهم الخدمة وصقر طلع الفوق دوش عليه وخرج لبس عليه ونرجع نزل لتحت لقا علي مزال تما فالبيرو
صقر : باقي هنا
علي : اه ولكن صافي سليت غنمشي ندوش عليا ونرتاح
صقر قبل متنوض من تمى صوني لديك خيتي
علي هز التيلي : وخا هاحنا غنشوفو
دوز نمرتها لي بقات مودا عاد جاوبات
بلقيس: الو
علي : السلام عليكم
بلقيس: وعليكم السلام شكون معايا
علي : علي ......
بلقيس: اممم مشرفين
علي: انا وصقر بن جبار باغيين نتلقاو معاك الى كان عندك شي وقت
بلقيس : اك وخا شوف نتوما امتا عندكم وقت
علي : نتي عارفة بعدا علاش باغيين نتلقاو ؟
بلقيس : طبعا
علي : مزيان انا غنصيفط ليك الوقت والمكان
بلقيس: اك
قطع وشاف فصقر : امتا
صقر : مع العشرا اليوم
علي : وخا
كتب ليها ميساج وناض
علي : ودب خليني نمشي نرتاح
صقر : غنطلب ماكلة من برا اش بغيت
علي : كغطان وشي كولا
صقر : وخا
علي خرج طلع مشا يرتاح وصقر طلب الماكلة وخرج على برا كيستنى الماكلة تجي
قصة شيطان العشق
بقلم hafida el
البارت 201
كانت كالسة فبيتها وكتفكر فليقاء ديالها مع صقر بن جبار هادي اول مرا غتلاق معاه بقات كالسة مودا من بعد ناضت باش تمشي تعشى
وسلات العشرا وكانو شادين الطريق للغابة لي غيتلقاو فيها باش اهضرو على الخدمة على راحتهم حيت فحال هاد المواضيع مكيهضروش عليها فاي بلاصة وهوا سايك حتا كيبان ليه التيلي كيصوني شاف فصقر وجاوب
علي : وي مدموزيل بلقيس ياكما مبقتيش جايا
بلقيس : جيو عندي للفلا احسن باش ناخدو راحتنا فالهضرة
علي : وخا لي بان ليك
قطع عليها وقلب الدورة
صقر شاف فيه : علاش قلبتي الدورة وشنو بغات
علي : غنمشيو عندها للفلا
صقر تعصب : كفاش الفلا ونت كلتي ليها اه
علي : وشنو بغتيني نقول ليها
ضقر غمض عنيه : شكون حاسبة راسها باش تشرط علينا من اللول تقو لينا جيو للفلا
علي : صافي تنتا وعلاش معصب
صقر: عرفتي شنو غدير رجع عيط ليها وقل ليها مجايينش تمشي تخرا فسروالها
علي شاف فيه : واش من نيتك اصاحبي داوي واش حتى لوصلنا لهنا ووقفنا حنا راه محتاجينها فاش نساليو منها كلها وشد طريقو
صقر : دويت معاك
علي : صقر خلينا نساليو هدشي على خير الله اخليك
صقر شاف فيه مطول : صافي زيد
علي تنهد براحة ورجع دمارا الطموبيل وكسيرا : وقلها من لول اصاحبي افففف
كالسة فبيتها كتستناهم حتى شداتها البولة
بلقيش : اففف هاد الزمر واش مغيجيوش
ناضت دخلات لدوش باش تبول
وصلو حدا باب ديال الجردة وحلو ليهم الباب دخلو ونزلو ومدو السوارت لواحد من ليكارد لي تما باش يدي ليهم الطمويل لفين كيوقفو الطموبيلات
عادل الاب ديال بلقيس جاي كيستقبلهم
عادل : مرحبا مرحبا بسي سقر والسي علي نهار كبير هدا زارتنا البركة
سلمو عليه باليد
علي : شكرا ليك
دخلو لداخل وكلسو وصقر حاضي مع فمو اش كيكول ومرا مرا كيشوف فلقصر وعلي تهوا باغي امتا يتعرف على بلقيس شكون هي واش هي كيف متخيلها فراسو
عاديل : بنتي بلقيس قالت ليا على المجيئ ديالكم وفرحت
علي : شكرا
عاديل : مسيو صقر مرحبا بيك فرحتينا بالمجيئ ديالك الشيطان والتعلب شخصيا عندي فالدار
قصة شيطان العشق
بقلم hafida el
البارت 202
صقر : فين هي مدموزيل بلقيس ؟
عادل : لقيتوها يلاه طلعات غتنزل دب شوية
عيط على الخدامة وطلب منها تعيط عليها
كانت يلاه خارجة من بيتها وعي تلاقة مع الخدامة
الخدامة: مدموزيل بلقيس مسيو عادل وا والضياف كيستنواك لتحت
بلقيس : صافي غير سبقيني انا جايا موراك
مشات الخدامة
وبلقيس شافت فراسها فلمراية: اففف علاش متوترا هكا تقولي منعرف شكون هدا لي غنتلاقا بيه
تنفسات بالجهد وشافت فراسها فلمراية قدات كسيوتها لي كانت واصلة لنص دلفخاد فلكحل نازلة مع ليبة فلكحل وطالقة شعرها لكحل وريحت بارفانها سابقاها
بلقيس : هادي ماشي اول مرا غتلقاي مع شي واحد مهم ابلقيس فحالو فحال كاع لي كتلقاي معاهم فالخدمة
تنهدات وتمات غادا نازلة عندهم
كانو كيهضرو يخصوص الخدمة حتى سمعو صوت الطالون
علاو راسهم وشافو فيها من غير صقر لي مشاف فيها حتى بانو ليه كيشوفو فيها بحكم انو مكيسمعش دور راسو لفين كيشوفو وهوا يفيكسي عنيه عليها مكرمشش
علي وقف وهوا كيشوف فيها ممتيقش لي كيشوف قدامو مصدوم لدرجة انو مقادر ينطق بحتى كلمة نصخة طبق الاصل من هديل من غير لون شعرها الاسود شاف فصقر لي عروق يديه بانو وعنيه حمارو كالس كيشوف فيها ومزير على يديه
علي حط يدو على كتف صقر
صقر شاف فيه وناض خرج
بلقيس كانت كتحس بقلبها غيخرج من بلاصتو وهي كتشوفو قدامها شوفاتو ليها خلاتها توتر وتخربق وحتى المشية تخربقات ليها مبقات عارفة تزيد ولا توقف مفهماتش شوفاتو ليها وهي براسها كانت كتشوف فيه فحالا ديجة شايفاه وخا معمرها شافتو فحياتها
بلقيس: مال مسيو صقر
علي زادت كملات عليه بصوتها لي كيشبه صوت هديل
بلقيس: هيهو ياك مشايف شي شبح قدامك
علي : فحال دكشي
بلقيس: نعام
علي : ههه غير ضاحك معاك وصافي (مد ليها يدو) علي ***** تشرفت بليقاءك مدموزيل بلقيس بن طامة
بلقيس سلمات عليه : الشرف ليا مال مسيو صقر ياكما تقلق حيت تعطلت
علي : لا غير جاه ميساج دروري وخرج انا غنشوفو ونجي
وخرج تهوا
بلقيس : مفهمت والو
عاديل : صافي غي كلسي دب يرجعو
كلسات حداه كتسناهم يرجعو يدخلو
أنت تقرأ
شيطان العشق (رونق)
Mystery / Thrillerهي منقبة همها الوحيد ارضاء ربها وتحقيق احلاميها البسيطة وهوا راجل قاس شيطان بصفت انسان لا يعرف معنى الرحمة هوا يقول : انا املك من العيوب اقبحها ك كبريائي وغيرتي وعنادي ومزاجياتي وغبية تلك اللتي تنتضرني ان اجري ورائها هي تقول : الشيطان يكفيه 10...
