قصة شيطان العشق
بقلم HAFIDA EL
البارت 110
الغد ليه داز عندهم النهار عادي لورين مشات عند سراب وحنان ورنق مشات للجمعية والبقية مشاو للخدمة اما هديل فدوزاتو فالدار حتى لوقيتت لغدة عاد ناضت مشات دير ليهم لغدا حيت ملات
مجموعين على راس الطابلة كياكلو مجموعين صقر كياكل وعنيه على هديل لي كتاكل وتخنتش فالتليفون كل شوي كيجيها ميساج وكتبتاسم
( هدشي من ضمن الخطة )
وشامة كل شوي تهز يديها تحطها على يد صقر وتحاول تفاتح معاه الهضرا وتحط ليه فالطبسيل مي معامن صقر كيجوبها ب أه لا وسلطان مبتاسم وحاضي الفلم من اللول وعاجبو الحال
صقر عصباتو هديل وهوا يضرب على الطابلة بالجهد حتى قفزو كاملين : ملي كنكونو كناكلو كنحطو التليفون
هديل خنزرات فيه : هاد الهضرا كولها لراسك
صقر : شنو كلتي
هديل حطات التليفون ورجعات كتاكل
رونق : خلعتيني اولدي سحابلي مالك
شامة: متعصبش راسك الناس لي من هاد المستوى مكيعرفوش اداب المائدة
هديل : تعلمناه من راجلك احبيبة
شامة خنزرات فيها معجبهاش الحال تقمعها وصقر تهوا خنزر فيها مي مدواش
لورين : خرجتو لينا ديك الماكلة كاملة لي كلينا من كرشنا بلخلعة خاصني نبدا من لول دب
هديل: بصحتك احبيبة كولي حتى تشبعي تاني
لورين بتاسمات: شكرا
ورجعو كياكلو فصمت
سلطان: تبارك الله عليك ابنتي طيابك بنين
هديل بتاسمات: شكرا اعمي
تغداو وناضو كل واحد وفين مشى وصقر دخل للبيرو وسد عليه الباب باش ياخد راحتو فالخدمة وهديل طلعات لبيتها توجد راسها على قبل الخطة
بدا الحال كيضلام وهديل كتستنى الفرصة المناسبة باش تخرج من الدار كانت لابسة خيمارها اواقفة حدا باب بيتها حتى بانت ليها شامة نازلة وهي تحط التليفون على ودنيها وبدات كتهضر وعاطيا لشامة بالضهر
هديل : وي حبيبي وصافي هاني خارجة .... وصافي راك عارف دب وليت مزوجة ماشي بحال قبل ..... صافي صافي هاني خارجة ستناني تما .... يلاه بسلامة
وقطعات
شامة غير بانت ليها قطعات وهي تدخل للبيت لي كان حداها : ودب مزيان هانتي غتشوفي جيتي لبارح وغتمشي اليوم وصقر راجلي مكاينة لا إنا ولا حتى ههههه
ضحكات بشر ومشات عند صقر وهديل خرجات من الفلا
دقات جوج مرات ودخلات
شامة: صقر ممكن نهضرو شوي
صقر مشافش فيها : عندي خدمة
شامة: الموضوع كيخص هديل.
صقر شاف فيها : شنو
شامة: هديل خرجات دب شوي وسمعتها كتهضر مع شي واحد ودايرا باش تلاقا معاه انا مجيتش باش نخلك ليكم المشاكيل مي هي دب راه ولات محسوبة منا ولا شافها شي واحد و زايدون دب هي خاصها تنسا داك الطريق وخا هوما كيقولو عمر الشيخة متنسى هزة لكتف
_________________
هاد شامة طلعات شيطانة الصراحة
شنو بان ليكم غيدير صقر ؟
وفنضركم شنو هي الخطة ديال هديل ؟
انا بعدا مكاين لي كيقتلني قد لورين اويلي كانت غتقتل لبنت وجات لدار كلات فحلا مواقع والو وباز ليها تموت على كرشها
وسلطان خلاص جاني فحلا كيتفرج فشي مسلسل تركي
خليو ليا ارائكم زوينة وتعالكم
التتمة كيف ديمة من بعد 100 تعليق
أنت تقرأ
شيطان العشق (رونق)
Mistero / Thrillerهي منقبة همها الوحيد ارضاء ربها وتحقيق احلاميها البسيطة وهوا راجل قاس شيطان بصفت انسان لا يعرف معنى الرحمة هوا يقول : انا املك من العيوب اقبحها ك كبريائي وغيرتي وعنادي ومزاجياتي وغبية تلك اللتي تنتضرني ان اجري ورائها هي تقول : الشيطان يكفيه 10...
