الحلقة_4
.
.
~~~~~~~~~~~~~~~~~~~~~~~~~~~~
قتلكم جا راجل عمتي من برا و جابلنا الخبر و متأملة باه يكونو رفضو ..بصح مصراتش مع الاسف ..قال لعمتي قلولكم رانا قابلين و هذ السمانة نجو ندفعو ..ركابيا فشلو ...طاحت عمتي تزغرت مع كنينها و انا عينيا معمرين دموع ..حسبينهم دموع الفرح بصح معلبلهمش بلي كارهة حياتي ..ياربي وانا كي ندير ضروك ..بديت نقول كون كنت باغيتهم والله ما يقبلو بصح كي مكنتش باغية قبلو كلش بالعكس ....قاتلي عمتي قاع ميشقاش تروحي لداركم جايين يدفعو هنا اقعدي هنا باه تكوني ببضتي شوية و تسقمتي حاسبتني معزة ...المهم راحت هي لدارنا خبرتهم وجات ...و راحت عرضت خواتتي المتزوجات مساكين هم اخر من يعلم من غير سعاد ختي ...معليناش هذي سعاد ...متتفاهمش قاع هي و عمتي باسكو زوجتها بواحد يسكن على برا و غير تاع فلاحة بالرغم من انو سعاد مكانتش باغية بصح زوجتها فورصي وحڨرتها على ذيك بقات حاقدة عليها ...ايا كي قربت الخطبة تاعي مبغاتش عمتي تعرضها ...اهنا معجبنيش الحال كيفاه خطبتي و ختي الكبيرة متحضرش ...رحت ليها قتلها مكاش خطبة بلا ختي ..جات تعرشلي وجات تحلف باه غير سعاد لي متخضرش ... قتلها شوفي نقلك حاجة ملي بدينا و انتي تتحكمي في حياتنا بصح باه تفرقي بيني و بين خواتتي و الله ما تصرا ..والله يا نهار الخطبة غير ندلكم تبهديلة لي مصراتش قتلها و نديرها و قتلوني من موراها .. (حسيتها خافت) ...قاتلي ختك هي لي راهي معديتني.. قتلها نروح نعرضها و نجيبها خليها عليها...قاتلي دبري راسك ..المهم رحت انا و مليكة كنت عمتي حكمنا طريق و قلعنا عند سعاد ختي و فطريق غير نخمو كيفاش نحبسو هذ الخطبة بصح مكاش كيفاه ...المهم وصلنا عند ختي ..نهار شفتها دمعة هبطتلي صبتها تخدم برا مع راجلها ينحو فالحشيش و يصلحو على البقر و ونعاج و حالتها تشف كحلة من الشمس مسكية ...نهار شفتني ماتت بالفرحة لقاتلي و عنقتني هي تبكي و انا نبكي ...سعاد ختي من الناس الهادئة و لي متشتكيش و سيرتو من لي تزوجت ممتفاهمش مع بابا اطلاقا و زيارتها انعدمت علينا تتلقا هي و يما غير عند خوالي رجلها يموت عليها بصح هي للاسف متبغيهش بصح متكرهوش هو يضل يمدح فيها ملي دخلنا و هو يقلنا انا هذ الرزق مدرتوش انا دارتو ختك دارتو سعاد ...المهم حطتلنا نفطرو و قعدت نخبر فيها انا نحكيلها و هي تبكي ...قتلها اسعاد حنونتي باغيين يزوجني وانا منيش باغية .. قاتلي ليا احنا كنا باغيين وك شيطانة تاع عمتك تقول راهي معيشتنا...قاتلي صحا نسقسيك راكي سور مكيش باغية تتزوجي قتلها ايه قاتلي راكي سوور قتلها ايه ......قاتلي بصح تكملي معايا فالطريق و كيما نقلك ديري ...تبغو صح خفت سكت شوية و بقيت نشوف فيها و نشوف في مليكة و قتلها ايه كيما تقولي ندير .....شافت في مليكة و قتلها مليكة تكلي على الله وروحي لدارك ...نخلعنا ...قاتلها و ميادة ...قتلها ميادة تقعد هنا و مكان لا خطبة ولاهم يحزنون وروحي قولي لعجوزتك ايلا باغية الزاوج عوادي تزوجي انتي بيه .. .جيت نهدر ..قاتلي بلعي ....ناضت مليكة مخلوعة قتلنا ليوم يقتلوني ...قاتلها سعاد روحي و قولي حاوزتني سعاد ...منكذبش عليكم خفت وبديت نفيبري ..سعاد مسكينة تواجه في بابا و في عمتي مستحيل ...... ..راحت مليكة و انا عقلي قاع مهوش عندي داخلة و خارجة و خايفة و نستنى في عمتي و بابا يطلو علينا .....تفاهمت سعاد ختي هي و رجلها ..قاتلو ايلا عندك ذرة حب ليا و وقف معايا ذي الخطرة ....قلها ني معاك .....المهم ضليت واقفة على رجل و نستنا فيهم يطلو ...حتى جا وليد سعاد ختي من برا يجري و يقلها اماما جدي جدي و زوج نسا راهم طالعين عندنا (عمتي ويما)...خلاص دم حبس فيا باسكو علبالي بعقليتهم كي دايرة ..وني متخيلة الموقف لي رايح يصرا ..باين بابا يحكم سعاد يبردها هراوة و عمتي انا تجرني من الشعر ...بصح الثقة لي في عيون سعاد ختي مشفتهاش من قبل ..كي وصلو .......#تصبحون_على_خير...يا درا الشابات و الشابين شا راح يصرا . اسكو تقدرلهم سعاد؟ ..بصح باه تقدرلهم واش عندها مسكينة راجلها النملة ميأذيهاش ...واسكو بابا و عمتي يسكتولها ....وزيد قضية الخطابة شا رايحين يقلولهم و هوما بقاو يومين على الخطبة....
.
.
♡♡♡♡♡♡♡♡♡♡♡♡
نلقا تفاعل نكمل لبنات 🤍
أنت تقرأ
انتي نبضي💘(باللهجة الجزائرية) 🇲🇦🇹🇳🇩🇿
Romanceتفااااعل عيمراتييي قصة رائعة باللهجة الجزائرية نتمنى تعجبكم 🤍 . . باللهجة الجزائرية 😎💕☠️
