انتي نبضي💘(باللهجة الجزائرية) 🇲🇦🇹🇳🇩🇿

الحلقة 21(ما قبل الأخيرة)

.

.
ماقبل الأخيرة 😎
.
^°^°^°^°^°^°^°^°^°

قتلكم نخلعنا كي جا بكري ...قاتلو دنيا احوجي شا كاين ...قالها البارح تلاقيت مع واحد صاحبي وقلي علاه مرحتش طليت على نسيبك راه مريض ...شوفو قاع واش دار فينا ..بصح ردة الفعل تاعنا انا و نخلعت فيها بعد مرور الوقت ..ليصونصيال لبسنا حويجنا   نوضت ذراري لبستهم ليه ليه قهويتهم وخليت سمير فالدارو وديتهم مع دنيا و رجلها ليكول ..ورحنا لدارنا ..خايفة و حشمانة ...ما جيت ندخل حتى بسيف ...دخلت على يما صبتها تبكي خواتتي مصبتهمش ثم يقراو (غير هوما لي سلكو فينا ) ....دنيا دخلت ليه تجري هي ورجلها  ...بصح انا خفت ..بديت نشور في يما ايلا ندخل ولالا .. بدات تبكي قاتلي ااه يا ميادة وين راه بويك لي كي يوقف نوقفو معاه ..قاتلي دخلي عليه تشوفي حالتو ...رايحة ليه و نرجف مزالت خيفاتو ..من بكري مركبلنا الرهبة ...كي طليت عليه ...والله ما عرفتو ....كحل كحل من المرض  ..ورجلو منتفخة (سكر ) ..وصبعو صغير خامج (حشاكم )....عودت خرجت نجري ...مقدرتش نشوفو ...تبغو صح غاضني معلباليش علاه ..مدارش فينا الخير بصح الله غالب يبقى اب الطبيعة البشرية تقول هاكا ....وزيد بديت نقول حاجة مدومش و منهم الصحة ..وينو بابا لي كام فيه زوج ميترات طول و زوج ميترات عرض ...وينو بابا نسمعوه تنفس نحسبوه راه زعفان ...وينو بابا لي يقول ااه  نروحو نجرو ليه .....المهم مسحت دموعي و عاودت دخلت ليه ..حبيت راسو .بقيت مقابلتو ...شاف فيا و قلي ولاد سعاد كي راهم ...لحمي كوش اول مرة يسقسي عليهم ...قلي وين خليتهم ..قتلو راحو يقراو ..قلي علاه محبتيهمش ..مصبتش واش نردلو منيش موالفة بابا يحكي  هاكا ..قاتلو يما المرة الجاية  تجيبهم ..المهم بقا يسقسي فينا و انا مخلوعة ...مقدرتش نأمن ..و زيد يما قاتلي الطبيب قلنا لازم نقطعولو كراعو ...اه ياربي .. هبلت بالبكا عليه ...معليناش رحت جبت ذراري كامل ذيك ليلة وبعثت لعلي قتلو بلي بابا راه مريض متتقلقش على ولادك ..في ذاك ليك جاب مرتو و حاب سمير وجا طل عليه .تعشاو وراحو ..وزاد جاو خواتيتي بتنا مداورين بيه ..بدات هدرتو حنينة بصح مطلبش سماح مقدرش ...ومن بعد قتلو ابابا بغيت نسقسيك ...قتلو سعاد قبل ما تموت قاتلي قولي لبابا الڨنينة البيضة واش معناتها ...وسيد بداو عينيه يدمعو .....
قتلكم قعدنا مداورين على بابا و نجمعو فيه..حتى سقسيتو على الڨنينة البيضة ..بدا يبكي بالشهقة ....قلي سعاد بكري شريتلها ڨنينة بيضة ..وماتت...قلي سمانة و هي زعفانة ..رحت شريتلها وحدوخرة بصح شريتهالها كحلة ...مقبلتش وبدات تبكي قاتلي تجيبلي غير ڨنينتي البيضة كيما لي ماتت ...قلي من هذاك النهار سمينها الڨنينة البيضة ..وبدات تزعف كي سميناها هاكا ...امنو من قوة البكا حتى مفهمناهش شا راه يقول. يحكي و يبكي  ....بدينا كامل نبكو ...المهم بدلنا الجو ..بدينا نضحكو و نلعبو قدامو باه منحسوهش بلي غبنا ...ولاد خواتاتي مداورين بيه ...حتى لحق نهار لي كان لازم نقطعولو رجلو ..ذاك نهار مننساهش ديناه بصح مكانش عارف ..ديناه و قطعنهالو ونهار ناض مأمنش  عقلو ..بدا يعيط كيما الطفل الصغير ماشي من السطر و انما مأمنش بلي هو يلحق لهذ المرحلة ...تقريب شهر باه استوعب بلي صح هذي حالتو ...المهم من لي قطعنهالو تبدل معانا كنا نزوره من الخميس للخميس ...كنا نصيبوه عند الباب يستنا فينا كل وحدة دير مكالة سخانة و تجيبهالو ..كنا ندوشولو نبدلولو ..بالرغم انو يما و خوتاتي مكانوش مقصرين معاه ... ...
.
.
.
راكم واجدين للنهاية 😭😭