الحلقة 6
.
.
.
.
قتلكم كنا برا نغسلو فالزرع انا و سعاد ختي وذراري ولادها مداورين بينا يلعبو وعقلي قاع ماشي عندي نخمم غير شا صرا تحت عند عمتي وتخمامي كامل في يما ..المهم قاعدين ..حتى نشوفو في دنيا ختي طالعة تجري لينا و تلهف و تعيط بسمواتنا...قلت خلاص صرات ديڨة ....كي وصلت قتلنا غير جرو لحقو يما ....انا حبست مقدرتش نسقسيها ..قتلها سعاد واش كاين ...قتلنا وك ذوك الخطابة جاو لبابا بهدلوه و رجع زعافو في يما وضربها طيحلها قاع سنانها و خلاها غير دمومات ....طحت ثم نعيط وونبكي على يما مسكينة لي معندها زهر ....قتلها سعاد و ين راهي ضروك... قتلنا منيش عارفة خرجت بكسوتها كيما راهي تعيط وراحت وانا جيت ليكم ....(غاضتني قسمتلي قلبي مسكينة ) ..رحنا لبسنا حجابتنا و رحنا نجرو بصح مناش عارفين وين رايحين ...قتلهم نروحو عند خوالي باينة راحت عندهم...ايا كي رحنا وصلنا شافنا خالي حوزنا قلنا مهيش عندنا بسبتكم هربت واصلا مرناش قابلينها لا هي لا نتوما بهدلتونا مشو منا ....رجعنا و بقينا هاملين في الطرقان و نبكو ...قتلنا دنيا ...باين راحت عند شيرات خواتتي ( سعدة و فضيلة ) ...بصح مبغيناش نخبروهم وزيد ساكنين مع ناسهم مبغيناش نبهدلوهم وزيد باه منخلعوهمش بعثنا ليهم غير دنيا قلنلها ديري روحك رايحة تسلفي دراهم وفنفس الوقت شوفي ايلا راهي ثم ولالا ...بصح للاسف مكاش ......رحنا قاع لبلايص لي مضاري تروح ليهم بصح والو تقول لرض نشقت وبلعتها ...و ظلامت علينا .....ومن بعد قاتلي سعاد روحو لوين يركب الطرنسبور ( كان عندنا في دورنا طرنسبور واحد برك يمشي بالوقت ) ..رحنا ليه سقسيناه قلنا هذيك يماكم ...قلنالو ايه انطق ...قلهم اودي جات ليا وقاتلي ديني لوين يركبو النقولة تاع الصحرا ....خلاص انا فشلت و طحت انا و دنيا في بلايصنا و بدينا نعيطو ..اماما حنونتي شا درنا فيك ...وهاكك و سعاد ختي حاكمة روحها و تسقسي فيه بلعقل ...قاتلو كمل شكون دها ..قلها مديتهاش انا راحت مع واحد يخدم كورسات هنا ..قاتلو شكون وين داها...قلها كي جا طاكسيور سقسيناه قلنا ركبتها فالكار تاع (....) ولاية صحراوية ... خلاص معندناش كي نديرو. فشلنا ...قلنا لمول النقل دينا لاجونس الكبيرة ضروك قلنا لالا منقدرش و بعيدة ...سعاد بقات تشوف هاك وهاك ما صبنا حتى واحد ...دارت يدها في عنقها و نحات سلسلتها و قاتلو شد دينا و اعطينا غير حق طرنسبور لهذ الولاية ...غراتو السلسلة ..شدها عليها ....غضتني بزاف سعاد ثان كانت هانية في دارها رحت ليها هولتها وسلسلتها كيما الحبل لمت الدورو على خوه باه شراتها ...(قلت في قلبي غير هيا لي نرجعها وسي فري رجعتها من بعد تعرفو كي رجعتها ) ...المهم قلنا هياو نروحو وصلنا دنيا ختي لدار سعاد باه تقعد مع ذراري و رحنا حنا لجونس كي بدينا قريب لجونس الكبيرة........يادرا واش صابو قدام لاجونس ...وياترا يقدرو يلحقو يماهم المسكينة .....وكيفاه قدرت ميادة ترجع السلسلة .....هذا كامل رايحين تعرفوه ا .....لسنا الوحيدين ولكن
.
~~~~~~~~~~~~•~~~~~~~~~~~~~~
تفاعل لبنات 💪
أنت تقرأ
انتي نبضي💘(باللهجة الجزائرية) 🇲🇦🇹🇳🇩🇿
Lãng mạnتفااااعل عيمراتييي قصة رائعة باللهجة الجزائرية نتمنى تعجبكم 🤍 . . باللهجة الجزائرية 😎💕☠️
