انتي نبضي💘(باللهجة الجزائرية) 🇲🇦🇹🇳🇩🇿

الحلقة 13

•••••••••••_••••••••••••••
الحلقة 13**
.
.
.
قتلكم بقات توصي فيا و تعاود على ولادها وانا دموعي ويدان ..باسكو مزلت صغير على الوصاية ...وفتالي قاتلي قولي لبابا راك مسامح دنيا و آخرة ....قاتلي ونقلك حاجة قوليهالو كي نموت ..قوليلو الڨنينة البيضة ( الارنب ) ...من قوة البكا و مقدرتش نسقسيها واش هي الڨنينة البيضة ..كي مقدرتش نقعد معاها خرجت وخليتها ..وحد شوية و جاو لبنات خوتاتي يتبكاو من برا مساكين ...تخيلو تبكو على واحد مزال حي . .المهم بقينا مداورين بيها هذوك ليام و نحكو خطرة نضحكو و خطرة نبكو ...ومن بعد بدينا نوجدو للموت ..(مهيش ساهلة يا جماعة اصعب مرحلة فاتت علينا ) ..خوتاتي يغسلو فالفراش و يما تفتل فالطعام ...نفضل اني منحكيش على هذ التفاصيل لانو جرحي نفتح من جديد ..معليناش دينا سعاد لرجلها دينها فالفراش الله يحفظ و يستر ..رجلها هبل عليها بالبكا حتى هو مكانتش عليه ساهلة المعانات تاعو اكثر و اكثر جمعو بزاف تقريب ساعة حتى لي خدامين فالحبس وبداو يبكو ...المهم رجعناها لدار و بقينا نستناو في نهارها ...قطعت الدوا و قطعت الماكلة قطعت الهدرة و تشوف غير بعينيها ....ولادها  بداو يعرفو و حسو بلي يماهم خلاص ...الكبير يقرا فالسنة الثانية متوسط و طفلة في عمرها 3 سنين ...المهم عيدنا وفات العيد بوحد العشر ايام ...بالخميس فليل راقدين حتى سمعنا سعاد تضرب في وحد الكاس بيدها ..نضنا نتجراو بقات تشوف فالبلافو والعرق يسيل منها  و حلت عينينا وذراري راقدين غير انا  ويما ..انا منجمتش نشوف خفت بديت نرجف ...دارت يما الكوراج و تقدمت ليها رفدتلها صبعها تاع الشهادة وبدات تشهدلها وانا حاسة روحي قاع في عالم اخر مشهد مهول ...شهدتلها يما ومن بعد شافت فينا لزوج و ماتت .. بديت نقول ياربي نكون نحلم مستحيل ياربي نكون نحلم جيت نعيط يما حكتلي فمي ..قاتلي كورجي ذراري راهم راقدين كورجي ...ربي عطاني وحد القوة متأمنوش في ذيك اللحظة تفكرت وصيتها ....المهم حولناها لشومبرة وحدوخرة ...بعثتني يما لوحد.الجيران بعاد شوية علينا قاتلي خبريهم وبعثي كاش واحد لخوتاتك يخبرهم و خبري الامام ...رحت نجري خبرتهم قاع في ذيك دقيقة لحقو لينا و بعثنا الخبر لخواتاتي ...كانت 3 تاع ليل ...بقينا متشاورين شا نديرو حتى صبح الحال والخبر تنشر ...بداو الغاشي يجو ...كامل جاو حتى ناس ختي ..مهدرناش معاهم جاو دخلو سلمو علينا عزاونا عادي مبغيناش نديرو المشاكل وتبهدايل لي فينا يكفينا....خواتاتي المتزوجات كي وصلو طاحو نيشان ..ومن بعد جات عمتي  وكنينها  . قاتلي يما قاع متهدريش... جاو دخلو نورمال جاو خوالي ...(بصح علاه جاو و و الله معلبالي ) ...زادو لحقو خوتاتي الصغار منحكيلكمش حالتهم دنيا بلاك كانت تشوفها و تجي مرة على مرة . بصح لخيرين الصغرات والو ......ومن بعد جا بابا ..تفكرت وصيتها قتلكم جا بابا بقا برا مع الرجال يعزو فيه وهو  حشمان باسكو قصتنا كانت مفضوحة للجميع ..حشم حتى باه يشوفها ..ايا قبل ما يغسلوها عيطنالو باه يجي يشوفها ...كي جا دخلت انا معاه تخيلو بدا يرجف ...قرب عندها و دار كورسي و بقا مهبط راسو ...وساكت ..وانا من موراه ...قتلو علبالك شا قاتلي ..سكت ما دار ليا ماهدر معايا ..قتلو قبل ما تموت ماتت و اسمك في فمها.. ماتت و الحرقة تاعك شاعلة في صدراها ..ماتت و متمناتش تلقى رجلها كيما تمنات تلاقك انت ...( والسيد بدا يمسح في عينيه ).....قتلو وقاتلك الڨنينة البيض ...و السيد خرج يجري و يمسح في دموعو ....المهم غسلوها و راحو دفنوها و  خلاتنا كالقفة بلا يدين ...خلاص ....هاي راحت ..معاشتش نهار حلو في حياتها ...انسانة طيبة بصح ملاقتش الحب لا من اهلها لا من اهل زوجها ...هنا نقفل الملف تاع سعاد ختى لانو بزاف الحزن .......فات يمات ويمات و تعبنا بزااااف مع ولادها ماشي ساهلة يا جماعة تاع الصح ماشي ساهلة ...ليام لولا بداو يجو لينا الناس خطرة على خطرة يطلو علينا يحيبولنا ماكلة طعام لحم دراهم ....حتى ناسها و  يجو نستقبلوهم عادي ...عمتي كذلك ...بابا بدا يجيب لبنات يوصلهم عند الباب و يرجع ..مقدرش يدخل...خوالي كذلك ..بصح احنا علبالنا بلي هذ الشي كامل حشمة ...اهنا نقدرو نقولو كي كان حي كان مشتاق في تمرة و كي مات علقولو عرجون ....حتى فاتت تقريب شهرين على موتها نقطعو ومبداوش يجو ....(النفاق)...بقيت نخمم انا و يما كي نديرو ضروك ...مستحيل ناسها يخلونا في حالنا ...مستحيل وخفنا يجو يدو الذراري ويحاوزونا من الدار ...لانو دار لي ساكنة فيها سعاد دار تاع بكري و مهرية كامل مكان لا كوارط لا هم يحزنون ...منيش عارفة قاع شكون عطاهم سكنة ...قررت ندي الذراري و نروح عند علي فالحبس منها يشوفوه و منها يقلي شا ندير ...المهم رحت ليه  للحبس بسيف باه خلاوني ندخل غير في جال ولادو بقيت مجمعة معاه ...خبرتو قاع بالوصية تاع السعاد ..قلي علبالي ..قلي ثان وصاتني على حاجة ...قتلو واش قاتلك ...قلي ..
.
.
.
.
فوط البناااات 🌻