انتي نبضي💘(باللهجة الجزائرية) 🇲🇦🇹🇳🇩🇿

الحلقة 16

•
•
•
•••••••••••••••••••
الحلقة 16///

قتلكم قعد علي يضرب في سمير واحنا نسلكو فيه حتى نسمعو في مرتو عيطت غير تعياطة.  اااااي جروا ليا ....رحنا نجرو صبنها مشوكية و بنتها طايحة وعلى ظهرها و عينيها قريب يخرجو ....تحسبها ميتة .....لحقت ليها يما قلبتها في فمها صابت كيما تراب في سنانها عرفتها بلي سرطت حاجة    .....رفدتها من رجليها وخلات رسها يدلا لتحت كي شغل قلبتها وبقات تضرب فيها لظهر و حنا كامل مخلوعين ...يمها يبست فالبلاص ...انا وحدة من ناس حسبت طفلة ماتت ...بقات يما تساعف فيها و تضرب في غير بلعقل لظهر حتى طاحت حجرة من فمها و طفلا بدات تبكي ....اووووه ريحت....شربتها يما شوية ما مدتلهم بنتهم و رحنا...وخلينا علي قابضها يضرب فيها قتلها بالهراوة ..تبغو صح ريحت ... ....المهم كي رجعنا مصبناش سمير ثم ....راح ...اه ياربي وين راح ثاني. ...قاتلي يما دبر راسو باين بلي زعف ضروك يرجع... ..قتلها اما كيفاه هذي ضروك يرجع دنيا راهي ضلام ....قتلها معندوش وين يروح ...قاالي اودي سكتي حدو ميفوتش الواد وراه الصيف علاه خايفة عليه وزيد راه راجل .....المهم تعشينا و رقدنا و عقلو غير عندو ....امنو انا حطيت راسي على المخدة و سعاد ختي وقفت عليا فالمنام .. شفت روحي نمدلها فالما و هي زعفانة وتقولي حتى تشربي انتي ....نضت نجري ...منام واضح وضوح الشمس ...مقلقة على وليدها ....نضت في ذاك ليل نوضت واحد من ولاد سعاد صغير على علي (فتحي) ديت وحد الضواية ورحت نحوس عليه ..الله غالب مقدرتش .نمشو في وسط الشوك ة الحشيش و نعيطو عليه ...حتى قلي فتحي اميادة ني سامع صوت البكا ...بديت نحسس ونتبع فالصوت حتى لحقت ليه ...صبو في وحد الواد صغير  راقد على جنب و داير يديه في وسط ركابيه و داخل في بعضها و يبكي على يماه و يعيد بسمها ...امنو و الله رجعني لذوك ليمات تحسب هذا و ين ماتت سعاد ...مقدرتش نقدم ليه ...شبعت بكا بقيت مقابلتو خليتو يبكي حتى غفا ....قدمت ليه نوضتو ..قلي روحي عليا خليتي ....قتلو هيا نروحو باباك عرف روحو بلي غلط و ضرب مارتو. .قلي ميهمنيش منرجعش لذيك الدار ...قتلو ملا انا ثان والله ما نرجع  ..امنو عنقني وحد.تعنيقة حد الان مزال نحس بيها ..قلي انتي هي يما ...تخيلو معايا الموقف ..هو يبكي و انا نبكي و من بعد حط راسو في حجري وزاد فتحي ثان حط راسو لقيت نخلطلهم في شعوراتهم و نضحك فيهم في ذاك ليل ونحاجي فيهم ..جبنا الفجر ...ديتهم و طلعنا لدار نكملو رقادنا ..كي طلعت الشمس ...سمعنا طبطيب ..نضت انا فتحت تخيلو شكون ....مرت علي جايبا سني تاع قهوة و المسمن و تضحك ...والله ما عرفتها ...انا مديتهاش فيها دخلتها و رحت نوضت يما و رحت كملت رقادي ..نسمع فيها تطلب فالسماح و قاعدة تبرر فالفعلة تاعها ...بصح انا قاع منأمنهاش مدام درتها خطرة قادر دير الزاوجة ... يما تعاملت معها نورمال ....المهم نوضت ذراري راحو يدورو ..وانا نضت نقضي في صوالحي ...حتى جا سميرة مخلوع من برا قلي اميادة ...تخيلي شكون راه طالع لينا فالعقبة ....قتلو شكون ....
-----------------------*-------------------------