انتي نبضي💘(باللهجة الجزائرية) 🇲🇦🇹🇳🇩🇿

الحلقة 10

.
.
الحلقة 10♡♡
•~•~•~•~•~•~•~•~

قتلكم الصباح رفدت يما الفراش وجات ليا و يدها ترجف ..ورافدة المخدة تاع سعاد ختي معمرة دم ...امنو يا خاوتي ضربتني تريسنتي من الفوق لتحت ..عييت نكذب على روحي باه ميكونش دم تاع سعاد بصح كامل الدلائل تبين بلي هي ...خرجت ليها برا صبتها تحول في وحد الشكاير ..ومكانتش شيفتني ..البكا لي بكيتو و هي تخدم مسكينة و حالتها تشف ....يما تبكي  انا نبكي ..وكي نشوفوها نمسحو دموعنا بصح فقتلنا ...المهم قاتلي يما لازم ندوها لطبيب ..قتلها وك مبغاتش..مسكينة تزير على الدراهم في جال ولادها  . .قاتلي شوفي غدوا صباح نروح نجيب خواتتك يباتو معاها و يلغاو عليها ...راحت يما جابتهم و جات ..ذيك ليلة باتو فوق راصها ..قلولها صباح يسموك تهبطي معانا لطبيب تفوتي وحنا نخلصو ....المهم صباح راحو كامل وانا بقيت مع الذراري ..بديت نتخيل 4 ذراري شكون بيهم ...ياربي علاه هذو المصايب قاع ...درت فطوري و صليت الظهر وهوما جاو من عند الطبيب ..وخايفة من الخبر ..قاتلي يما درنالها تعيارات وقلهم الطبيب صباح رواحو دوهم ..قاتلي يما انتي صباح روحي جيبيهم ني شافية كان وقت التسجيلات رحت لليسي نسجل وفي نفس الوقت نشوف التعيارات شا يقولو ...المهم رحت لطبيب و نثقل فالخطاوي... خايفة يا جماعة خايفة بزاف ...وصلت قتلو انا خت المريضة الفلانية ..قلي ريحي ...(فشلت) ..قلي شوفي باه نكون صريح معاك ختك مهيش مليحة خلاص ..درتلها راديو على صدرها مأنتش كيفاه هذي مولاتو راهي تمشي ..هو يهدر و انا دموعي يهبطو ..قلي الرئتين توعها خلاص تكلو قاع مبقاش فيهم  ...بدا لحمي يكوش ...خلاص هنا بديت نبكي ديراكت ..قتلو اطبيب و الحل ..قلي واش من حل قلي علاه هذا وين جبتوها ..قلي خلاص..(المهم ذاك الوقت كان سرطان بصح مكناش نعرفوه )  ..قلي شوفي هكي ذا الدوا و حاولو متخلوهاش تتعب و وكلها مليح و جمعوها قلي باسكو تاع صح مكاش حل ..امنو يا جماعة تبكشت ..نضت و عاودت طحت من هول الخبر ...مستحيل حياتنا بلا سعاد ...رحت شريت ذاك الدوا ..ورحت طريق كامل و الدوخة هي حكمتني ..وصلت صبت يما برا تستنى فياة..خبرتها بكلش ....كان عليا نقسم الخبر ...عشيت ثان نصبر فيها ...وزدنا خبرت لبنات خواتتي ..هي مخبرنهاش .....بصح هذوك ليام معرفناش النوم ولا الماكلة و هي كي شغل حست و محستش ...هي الكور تاعها نورمال من برا بصح تكابر غير نغفلو عليها نصيبوها تخدم في كاش خدمة ...المهم فاتت تقريب شهرين على ذيك الحالة ووندعو في ربي صباح و عشية باه ربي يحقق المعجزة تاعو و يشفيها ويخليها لولادها ..المهم وحد الخطرة راقدين و شتا كانت طيح ..ناضت نورمال و شعلت الضو ونوضت يما معاها ...نضنا قاع و انا خايفة ..ولي محيرتني نورمال واقفة عادي ..تخيلو شا قالت ليما تخيلو .......
___________
لبنااااات قولولي رايكم فيها؟؟! 😊