♕
♕
♕
الحلقة 17
قتلكم قاعدة ندور مع صوالحي ...حتى جا سمير قلي اميادة تخيلي شكون جا ...قتلو شكون باغي يجي لينا وك حنا مقطوعين من شجرة .. ..قلي جدي ....نخلعت..قتلو مكاش منها ..قلي والله غير كيما راني نقلك .. ..رحت نجري ليما ..قتلها ايما ..بويي جا ....امنو ضحكت من عينيها ...(قاع شا داير فيها و تبغيه تحير فيها ) ...المهم خرجت تجري ليه ....بقات تستنا فيه برا و فرحانة ..وانا بقيت الداخل نطل من وحد الثقبة ..خيفاتو و حشمانة منو قاع تخلطولي المشاعر ...المهم على اللحقة قلها اسمعي روحي خملي قشك و هياي لدارك ...متأمنوش شا فرحت.... و هي ماتت كثر مني ....بلا ما تسقسيه علاه ...دخلت تجري ليا ...بصح انا في ذيك دقيقة دار حالي مجاتنيش يما تخليني وحدي ....ومن بعد سقسيتها قتلها علاه جا يديك مستحيل متكونش سبة ....قاتلي مشكيتش بلاك بانتلو خلاص و جا يديني ....قتلها المهم روحي و غدوا بعثيلي دنيا ...قاتلي لالا شوفي ندير روحي نسيت كاش حاجة و مع الصباح كي تحسي بباك راح بعثي سمير و اعطيلو هذ الحاجة يتسبب بيها ....المهم راحت و دات قلبي معاها والفتها كنت دافية بيها ....و فنفس الوقت فرحت لخواتتي تقريب 5 سنين بلا يما مشي ساهلة ....يعيدو وحدهم و يرمضنو وحدهم ...معليناش مع صباح بعثت سمير عطيتلو وحد الكسوة و قتلو لحقها لجداك نساتهم هنا ...راح حتى مع العشية باه رجع ...جا و جايب القاطو معاه...قتلو علاه بطيت ..قلي صبتهم دايرين الخطبة تاع دنيا ...نخلعت ...ومن بعد جاتني نورمال ...ولي غاضتني كثر ..كيفاه ختي و مسمعتش بيها ....بويي مزال في عوايدي و عرفت بلي جا يدي يما غير في جال الخطابة ...المهم قعدت نسقسي في سمير شكون الخطابة وكي دايرين ....قلي و الله ما عرفتو شكون فيهم ..قتلو احوجي مسقسيتش ؟..قلي مقعدتش بزاف حشمت ما عرفت حتى واحد ...(عندو الصح جامي ايلا تلمينا بدينا كيما الغرباء ) ...قلي جدة اعطاتني هذ القاطو ديتو ورحت درت شوية في لافيل و جيت ....قتلو معليش ...فاتت يومين وقررت باه نروح عند فضيلة ختي المتزوجة ...باه نشوف شكون خطب دنيا ...رحت عندها قعدنا مجمعين قتلها شكون خطبها و منين ...فلول بدات دورلي فالهدرة ...قاتلي واحد و صايي ...ومن بعد كي تعمقت فالاسئلة ....بقات تشوف فيا و سكتت ...قتلها انطقي .....
_
_
_
أنت تقرأ
انتي نبضي💘(باللهجة الجزائرية) 🇲🇦🇹🇳🇩🇿
Romanceتفااااعل عيمراتييي قصة رائعة باللهجة الجزائرية نتمنى تعجبكم 🤍 . . باللهجة الجزائرية 😎💕☠️
