انتي نبضي💘(باللهجة الجزائرية) 🇲🇦🇹🇳🇩🇿

الحلقة 11

:
:
الحلقة 11**
••••••••••••••••••

قتلكم راقدين و في نص ليل ناضت سعاد ختي شعلت الضو و بقات تنوض في يما ...تخيلو شا قتلها ...قتلها توحشت بابا ...يا جماعة اقسم بالله غير حسيت موس ضربني للقلب ...كيفاه سعاد ختي تتوحش بابا بعدما كانت متحملوش...هذي اكيد راهي تودع ..يما ذيك اللحظة كورجت قتلها خلاص رقدي ة غدوا نديك ليه ....عاودت سعاد راحت رقدت نيشان (هي مكانتش شافية روحها بدات تهترف )...المهم خلينها رقدت و نضت انا و يما رحنا للحوش مجمعين و نبكو ..ياربي واحنا كي نديرو ضروك ...قاتلي يما مكاش حال نروح عندك عمتك ياك انا جامي مدابزتش معاها نروح عندها و نخبرها بلاك يجو يحنو عليها ..انا بطبيعة الحال وفقتها فالرأي ...غدوا من ذاك الصباح هي راحت عند عمتي.. و انا رحت رحت نقرا و كي كملت على 12 للامام خبرتو بكلش بلاك يهدر مع بابا و يحن قلبو ....و زدت  رحت عند.دنيا ختي لسيام قتلها غدوا الصباح متروحيش تقراي جيب لبنات وروحي عند سعاد ....المهم رجعت لدار العشية صبت يما جات من عند عمتي ..تخيلو مستقبلتهاش قاع قتلها قاع منيش قابلك لا انتي لا بناتك ( كيفاه تقلولي متربيش الحقد )....بقالنا الامام و للاسف كان الرد تاع بابا هو نفسو تاع عمتي قلنا الامام حتى بدا يطيحلي ...ااه يا سعاد ختي على زهرك ....المهم بدينا خطرة على خطرة نتلمو كامل فالدار انا وخوتاتي  نتعشاو في رحبا ...بصح سعاد ختي بدات موضحة نيشان بدات حنينة بزاف و تعبز في ولادها رجلها كانت تضل عندو ...هي ما قتلنا والو بصح من تصرفاتهة تبان مسكينة ..وتهترف بابا مسكين ...ياربي انا كي ندير ضروك في حياتها ما طلبت والو مسكينة من غير انها تشوف بابا ....روحي يا ليام و رواحي يا ليام تقريب عام وهي على ذيك الحالة تمرض و تنوض تمرض و تنوض و المرض ياكل فيها من الداخل ..كي لحق رمضان نهار لول تاعو ني شافية نضنا تصحرنا و رقدنا ..الصباح كي نضنا مصبتش سعاد في بلاصتها ..نوضت يما و مرهوبة ...خرجنا نجرو برا نحوسو ونعيطو بصح مكان والو قاع لبلايص لي تروح ليهم مصبناهش .....مكاش وين نحوسو رحنا نجرو ثم لوحد.الجيران ...ثان مكان والو ......قاتلي يما بلاك راحت عند خاوتتك..رحنا ذاك صباح نجرو عند لبنات مكان و الو ....قاتلي يما والله غير تكون راحت عند باباك ..يما خافت مبغاتش تروح باسكو مركبلها الخلعة ..  بصح انا خلاص لحق لموس للعظم ..رحت نجري ليها هذي ختي نحرق دنيا على جالها ....المهم وصلت ...........
.
.
.