انتي نبضي💘(باللهجة الجزائرية) 🇲🇦🇹🇳🇩🇿

الحلقة 1

🌻🌻🌻🌻🌻🌻🌻🌻🌻🌻🌻🌻🌻🌻🌻🌻
كروووووونيك يهووووووبل🙏😎نتمنى يعجبكم 👻
.
♡_♡_♡_♡_♡_♡_♡_♡_♡_♡_
.
.
الحلقة 1

ميادة ....اسم اعز انسانة عندي على هذيك خطرتو ...منحكيلكمش على المعانات كيما نحكيلكم على دار فيها سبع بنات بلا ذكر ....منقلكمش قاع الاباء مايتقبلوش هذ الحالة بصح بابا واحد منهم لي متقبلش باه نكون كامل اناث انا الفتاة الرابعة ...زدت و زادو معايا المشاكل ..زدت وقطعت الحبل لي كان بين بابا و يما ...زدت و ياريتني مزدتش ....في ذاك العام لي زدت فيه يحكولي بلي بابا كي سمع بلي زادت عندو انثى راح يزوفري في بلاد خلاف و خلى يما فالسبيطار ..حتى راح خالي جابها و قعدت تقريب عام وانا عند خوالي بلا ما يشوفني بابا ..بالاحرى كنت مرفوضة من كل الناس حتى اسمي الحقيقي معناه كلو حزن و اسى واسمي مميز ..نحكيلكم من لي بديت نوعى على نفسي فال سن 14 صبت روحي نغسل و نسيق و نعجن و نصلح على النعاج و نحلب وندير كلش و نقرا في نفس الوقت ...علبالكم علاه لاو كنت انا الكبيرة بعدما بابا زوج خياتي لي كبار عليا كامل ومكاش لي لحقت 20 كامل زوجهم في سن مبكر لانو بكل بساطة يحوس يتهنى منهم ...علبالي كامل تسقسو و تقولو كيفاه قبلو يتزوجو ...بابا كان متسلط و ناس جايين معاه لانو كان يتحجج بقلة الشي و مقدرلهمش ولازم ينسترو ...ولي تغيضك الخطاب لول يمدلو بدون اي محاولة اخذ و عطاء ...ولي فتحتلنا هذا البابا هو شكلنا لانو بابا و عمامي كامل رواجا يعني وراثيا شعر اصفر و الباقي اكم تعرفوه ...خواتاتي كاين لي وصلت للبيام و كاين لي من الابتدائي مكملتش ...تخيلو من قوة التسلط و التفرعن مكاش لي تجي تشتكي و تقول لبابا راني مضرورة و زوجي ظلمني لانو العادلة واضحة تصب نيشان في واد الزوج هذا لي خلى خواتتي كامل ييصبرو و يحملو و فنفس الوقت يربو الحقد في قلوبهم .....معليناش نرجعو لقصتي انا .. كنت سنة رابعة متوسط كنت من المجتهدات برغم اشغال البيت الشاقة ..بصح هذا اكيد مشفعليش و مكانتش سبة باه بابا يرحمني و يخليني نقرا اصلا ميعرفش حاجة و اسمها النتيجة و لا دراسة ميسقسيش اطلاق برغم من الاطراء و المدح من الجيران لي كسبتو ...يما الحلقة الاضعف في قصتي ..لا حول و لا قوة كيما يقول تقول ايه .لانو لو كان يحس برك بلي معارضة القرار التاعو غير في قلبها يرميها و حنا معاها فالشارع ..لحد هنا الامور لباس منعرفش رقاد تاع المڨيل و ولا هذ الويكاند جامي ايلا رقدت ل 8 تاع الصباح..ونزيدكم حاجة قدرت نحسن علاقتي مع بابا و مبداتش فيها مفيهاش مشاكل اصلا كان لازم عليا نحسنها ....كان عندو نقطة ضعف هو كان يبغي النعاج و البقر ويتسبب فيهم( يتجر فيهم ) وانا كنت متهليا فيهم ...كنت ندير هذا الشي باه ميزوجنيش ويخليني نقراا......#يتبع.....لسا ما بدينا .....
.
.
.
♡♡♡♡♡♡♡♡♡♡♡♡
تفاعل لبناااات نكمل🙏🥺