الحلقة 7
.
.
.
قتلكم رحنا لاجونس الكبيرة باه نروح نلحقو يما . قاع ذاك الهم لي كنا فيه و منسيتش ذاك مول النقل لي ستغلنا ..كي لحقنا لاجونس صبنا براج تاع ليجوندارم ثما ...جات الفكرة في بالي... رحت قدمت لشوفار قتلو اسمع طيح بسلسلة لهنا ...قلي اه ...قتلو طييييييح بالسلسلة هنا ....قلي منيتك ..قتلو خير طيح بيها و لا يسموك سرقتنا رنا لحقنا للبراج ...قلي ميامنوكش وبدا خايف قتلو اوكي ضروك تشوف و من بعد بدا ينقص فلافيتاس باه يحبس و يعاود يدور ..رحت نيشان فتحت الباب ..باه نخوفو حسبني رايحة ننزل و الطرنسبور يمشي خاف ...زادت راحت ليه سعاد قاتلو تجيب السلسلة ولا ضروك نبدا نعيط ...مصابكش قاع كي يدير ..دار يدو في جيبو و مدهالها ...ومن بعد حبس وقلها هاتي دراهمي ...فتحنا الباب و نزلنا ورحنا نجرو لليجوندارم ...هو من الخوف حسب كاش ما رايحين نقلولهم حبس فالبلاص من الخوف ...مصابش قاع كي يدير ..بغا يدور فالطريق ويهرب بصح خاف يثبت التهمة على روحو بقا يمشي من مورنا ..بدا يقلنا خلاص اصبرو اصبرو اصبرو نتفاهمو ...كي وصلنا عند ليجوندارم خبرناهم بالقضية تاع يما داونا زوج منهم لاجونس باه يسقسو معانا على الكار....و مول الطرنسبور رجع مدخلش لاجونس ....المهم دخلنا لاجونس الكبيرة و بقينا نسقسو على الكار تاع ذيك الولاية وينت خرج و ينت يوصل عطولنا قاع المعلومات عليه ..ايا ليجوندرام علمو وحد البراج في ذاك الطريق قلولهم كي يوصل ليكم الكار المتريكيل (********)حبسوه و نزلو وحد المرا ووعطاولهم كامل الموصفات تاعها ..المهم ركبنا فالكار الدوزيام رحنا لحقنها لذاك البراج و الحمد لله صبناه ثم بعدت شوية بصح قدرنا لحقنا ليه ....كي وصلنا صبنها عند ليجوندارم بيها بروبتها معمرة دمومات مسكينة رافدة ساشي دايرة فيه سوندويش و قرعة ما و تستنى فينا وغايسة ...نهار شفنها رحنا نجرو طحنا عند رجليها وبقينا نبكو ....هي من الحنانة تاعها والله ما دارت فينا اللوم بدات تقلنا علاه علاه لحقتوني كون خليتوني رحت ...المهم واحد الجوندارم كثر خيرو دانا لدارو دوشنا ليما و عطتنا مارتو كسوة و عطتها حجاب وزادت عطتنا حتى دراهم و رحنا ..فالطريق سعاد قالت ليما يسموك تروحي ليجوندارم تشتكي بيه (بابا) بزااف الحقرة روحي ديري سرتفيكة ..بصح يما عارضت الفكرة قتلها احوجي كيفاه نشكي براجلي وخوتاتكم الصغار شكون بيهم و بغيتوني ندير تبهدايل لخواتكم مع ناسهم شا يقولو عليهم ( مسكينة تخمم على كلش ) ما عينا معاه بصح رفضت .. المهم رحنا دينها لدار سعاد ختي ...كي وصلنا صبنا دنيا تستنا فينا برا قاع مسكينة ...و بقات تشوف في سعاد و نسات قاع يما وكي شغل باغية تقول حاجة ...قتلها سعاد واش كاين علاه راكي تشوفي فيا.... و طفلة بدات تبكي ..
•••••••••••••••••••••••••••••••••
أنت تقرأ
انتي نبضي💘(باللهجة الجزائرية) 🇲🇦🇹🇳🇩🇿
Romanceتفااااعل عيمراتييي قصة رائعة باللهجة الجزائرية نتمنى تعجبكم 🤍 . . باللهجة الجزائرية 😎💕☠️
