انتي نبضي💘(باللهجة الجزائرية) 🇲🇦🇹🇳🇩🇿

الحلقة الأخيرة

•••••••♡••••••••♡•••••••♡••••••
الحلقة الاخيرة😭💔

مقصرين معاه ... ...نرجعو لحكايتي انا ...فالصيف قدرت نضمن المستقبل تاع سمير و دخلتو للعسكر وبدا خدام . انا رجعت لحياتي عادي مسؤوليتي نقصت شوية بسكو لاولاد كبرو ..محمد و فتحي الحمد لله ثان وصلو لليسي وكبرو و عاقلين متأمنوش ريسانكم بصح ناقصين فالقراية ....بابا من مورا الحادثة تاعو بعامين مات ...مات مسكين و خلى في قلوبنا اثر صدقوني الحد الان منيش عرفاتو كي داير شعور مخلط ..بصح لي راني متأكدة منها هي انو سامحتو دنيا واخرة حتى خواتتي مسامحينو بالقلب الصافي ..يما قتلنا قبل ما يموت قلي باغي نطلب السماح من بناتي و خايف يردوني..قهرتني هذ الهدرة  ....قلها انا زوجتهم خوف عليهم ماشي كارهم وهوما كانو صغار بنتلهم بلي راني كارهم ....هذي يما غير كيما قاتهلنا ...المهم دنيا ختي ربي رزقها بزوح بنات و حدوخرين و طفل ...خواتتي لخرين الصغار و حدة فقط لي خرجت قارية ووراهي استاذة تاع انڨليزية ..ولخرا لحقت للباك كي مجابتوش تزوجت .......خواتتي المتزوجات لي كبار  راهم يزوجو في ولادهم و راهم بخير عليهم ..حتى محمد و فتحي دخلو للعسكر باسكو بداو يعيوني لانو كيما قلتلكم ناقصين فالقراية شفت العسكر احسن ليهم حتى هوما كانو باغينو  ....حميدة السنة جابت البيام وطلعت لليسي الشبه تاع سعاد سبحان الخالق المصور ....علي ومرتو الحمد لله علي عاقل من بكري حتى مرتو بدات هادية ونقصت بزاف و استعقلت وراهي بزوج ذراري و طفلة .....يما مريضة بزاف اكم تعرفو الكبر راهي في عمرها تقريب 89 حاليا راني عندها تقدرو تقولو انتقلت لعندها عايشة انا وياها و حميدة و الاستاذة ..ولاد سعاد ختي كي يعطوهم برميسيو ولا كونجي يجو يفوتوه عندنا....علبالي راكم تسقسو شعال راه في عمري راني غير كيما درت 39 سنة ..وراني هاكك بدون زواج و الحمد لله ربي مسطرلي حياتي كيما هاك ..فنيت حياتي روحي لتربية الايتام ...ومفتخرة وكأنهم ولادي ....وكانت فرحتي كبيرة نهار سمير بغا يخطب و داني نشوف و قال لنسابو هذي هي يما ...مامنتش عقلي ...في ثلاثة ولاد ختي كون نقلهم موتو يموتو كامل شراو طومبيلات ..وحد يرفدني واحد يحطني ...تحواس قاع ميخطينيش ...دراهم قاع متهدروش لي نطلبها تحضر ....الحمد لله ...ويبغوني يموت عليا ....عيلتنا راهي كبيرة كل ويكاند نتلايمو قاع و نديرو عشا و فراحنين و الحمد لله ...... ...عمتي ....ماتت الله يرحمها و يغفرلها..حتى هيا مسامحة لانو بكري كان عندهم العذر تاع الجهل ..بقاو كنينها يجو لينا و نروحو ليهم ....خوالي كذالك ..تبدلو قاع المفاهيم و الوقت يداوي الجروح ..بصح الاثر ميتمحاش ...لهذا نصيحتي ليكم ..اياكم اياكم و عصيان الوالدين والله غير تندمو مهها يكون يبقاو والدين ...حنا وين نلحقو سيدنا ابراهيم كيما بغا يذبح سيدنا اسماعيل و مكانش عندو اعتراض اه؟....وكذلك اي اب ولا ام تبع فينا اتقو الله في ابناءكم لانو حتى هوما كتلتة مشاعر تهلاو فيهم سقسوهم واش يبغو خلو الاثر تاعكم مليح ...نورمالمو منمدلكش هذ النصائح لانو القصة مكفية و موفية .........
♡
♡
و هنا كملت قصة..... قصة تحكي على الواقع و نتمنى ديتو منها عبرة 🌻💪