😘😘😘😘😘😘😘😘😘😘😘
.
الحلقة 12
«»_«»_«»_«»_«»_«»_«»_«»_«»
قتلكم عرفنا بلي سعاد راحت عند بابا ..رحت نجري و يما رجعت لولاد سعاد باسكو خليناهم وحدهم ...تخيلو كي وصلت صبتها تضرب فالباب وتبكي و تكح ووخوتاتي لداخل يبكو يضرب فيهم بابا باغيين يلقاوها ومخلاهمش ... و سعاد طايحة على ركبيها و تقلو ابابا رايحة نموت خليني نسلم عليكم و نروح ...ابابا وك زوجتني و مقتلك والو ....ابابا وك متجيش طل عليا وما قتلك والو ..ابابا وك ولادي يسقسوني عليك و يقلولي خوالي وين راهم و منصيبش شا نقلهم ....ابابا وك راجلي دخل للحبس و مصبتكش في كتافي ..ابا وك جاو ماليه حقروني و مصبتش شكون يدافع عليا ..ابابا وك جعت و حفيت و تعريت و مرضت و مجيتش ليا ..ابابا عييت نحقد في قلبي بصح مقدرتش...ابابا انا شاهو ذنبي ايلا زدت طفلة ...وحد الكلام كانت تقول فيه الحجر يحن و يطرا ...وحد المشهد تقشعر له الابدان .وحد الجارات يرفدو فيها و يتبكاو ..انا فشلتني مقدرتش نروح ليها خليتها تهدر بلاك ربي يهديه ....المهم دخلتها وحد الجار لدارها شربتها الما وبدات تمسحلها في فمها معمر دم ...ورجال تاع ذاك دوار قاع تلمو عند الباب تاعنا وبداو يلغاو عليه و ينصحو فيه ...بصح الله يحفظ ويستر ايلا كان يهودي كون دخل للاسلام في ذيك الدقيقة ...معليناش ...كي ريحت سعاد شوية دانا وصلنا وحد شيباني كبير مع مرتو لدار سعاد ...سعاد خلاص هدات و ريحت و سكتت و قطعت الحس ...من مورها بيومين برك ...مبداتش تاكل بدات تنضر الحاجة لي نعطوهالها ترجعها ....خلاص قضا عليها المرض ..هذوك ليام بدات ترقد في وسط ولادها وتضل من موراهم و تقلهم متروحوش تقراو ...خلاص عرفنا بلي الطفلة راهي تودع ومن بعد زادت غير يامات و طاحت فراش ...هنا بدات توصي ...ني شافية يما راحت تخبر خوتاتي بها يعيشو معاها ليامات توالا... وانا مقدرتش قاع نقابلها ...بديت دايرة روحي مكان والو ..قاعدة ندور فالحوش و من بعد عيطتلي ..فشلت ..رحت ليها و دايرة روحي معلباليش.. قاتلي قابليني ...بديت نفيبري ..قاتلي اسمعي ااا ميادة ...جيت خارجة ونمسح في دموعي مقدرتش ..قاتلي متخرجيش ارجعي ...رجعت و كورجت ...قاتلي اسمعي شابغي نقلك انا لحقت لنهاية ..بصح نهايتي هي البداية تاعك. ..هذ الكلمة مننسهاش ...قاتلي انا ما عندي ورث نوصيك عليه بصح عندي هذ الفلاليس (ولادها) ..قاتلي مكاش شا نوصي من غيرك راهك امانة في رقبتك ...تعراي و هوما يلبسو ...جوعي و هوما ياكلو ..حفاي و هوما يتسبطو ...(بديت نشهق) ..قاتلي وصليهم لبر الامان ولبغا عيشي حياتك ...بديت نقلها اسعاد ني خايفة منقدرش ...قاتلي علبالي تقدريلها ...قاتلي و متنسايش تزوريني لقبري و حكيلي عليهم وجيبيهم معاك ...المهم بدات تفصل ........وانا جسمي قاع مكوش...ومن بعد تخيلو شا قاتلي تخيلو ........
____________
انتهى البارت رأيكم؟ ♡♡
أنت تقرأ
انتي نبضي💘(باللهجة الجزائرية) 🇲🇦🇹🇳🇩🇿
Romanceتفااااعل عيمراتييي قصة رائعة باللهجة الجزائرية نتمنى تعجبكم 🤍 . . باللهجة الجزائرية 😎💕☠️
