"ကြယ်ပွင့်များနှင့် စိတ်ချင်းရင်းနှီးသောသူများ"
နံရံပေါ်အလှဆင်ထားသော စာလုံးများမှာ အရောင်စုံမီးလုံးလေးများကြောင့်ပို၍လှပနေသဖွယ် ခံစားရသည်။
ဆိုဖာခုံနှစ်ခုကို မျက်နှာချင်းဆိုင် မကျတကျချထားပြီး တစ်ဖက်ခုံတွင် အမျိုးသမီးတစ်ယောက်ထိုင်နေ၏။ လူနှစ်ယောက်စာထိုင်ရန်လုံလောက်သော ဆိုဖာခုံကား ထိုင်မဲ့သူမရှိဘဲ လွတ်နေသေးသည်။
လူဦးရေအကန့်အသတ်နဲ့သာ ဝင်ခွင့်ပြုထားသော အခန်းထဲတွင် ရှိနေကြသူ အများစုသည် လူငယ်လူရွယ်များသာဖြစ်၏။ လူအားလုံး၏ မျက်နှာတွင်လည်း သိလိုစိတ် ပြင်းပြသည့် အရိပ်အယောင်များရှိလေသည်။
"Star Channel ကနေ အပတ်စဉ် တင်ဆက်နေကြဖြစ်တဲ့ ကြယ်ပွင့်များနှင့် စိတ်ချင်းရင်းနှီးသောသူများ အစီအစဉ်ကနေကြိုဆိုပါတယ်။ ကျွန်မကတော့အစီအစဉ်တင်ဆက်သူ ဝတ်ရည်ချိုပါ။ ဒီအပတ်မှာရော ဘယ်အနုပညာရှင်ကို ဖိတ်ခေါ်ထားမယ် ထင်လဲ ဖြေကြည့်ပါဦး"
ရိုက်ကူးရေးစတင်ရန် အချက်ပြလိုက်သည်နှင့် အစီအစဉ်တင်ဆက်သူ ကောင်မလေး၏ ကြည်လင်သော အသံသည် စတင်ထွက်ပေါ်လာ၏။
အစီအစဉ်တင်ဆက်သူ၏ ပရိတ်သတ်အာရုံကို ဖမ်းစားလိုက်သော မေးခွန်းကြောင့် အကန့်အသတ်နဲ့သာ ဝင်ခွင့်ပြုထားသည့် ပရိတ်သတ်များဆီမှ အနုပညာရှင်နာမည်များ ထွက်ပေါ်လာလေသည်။
"ပြောပြရတော့မလား။ တံခါးရဲ့ အနောက်မှာ ဖိတ်ခေါ်ထားတဲ့ အနုပညာရှင် ရောက်နေပြီတဲ့။"
"ပြောပြပါတော့"
အစီအစဉ်တင်ဆက်သူရဲ့ စကားသံနောက် ပရိတ်သတ်ရဲ့ အသံကလည်း ကျယ်လောင်စွာ ထွက်ပေါ်လာလေသည်။ တိုက်ရိုက်ထုတ်လွှင့်မှု့ဖြစ်၍ screenထက်တွင် Viewerများလည်း တရွေ့ရွေ့တက်လျက်ရှိသည်။
"ကဲ ဟုတ်ပါပြီ ပြောပြတော့မယ်နော်။
သိပ်မကြာခင်ကမှ ပင်မြင့်ပန်းလည်းကြွေတတ်သည်ဆိုတဲ့ ဇာတ်ကားနဲ့ ပရိတ်သတ်အားပေးမှု့ကိုရရှိထားတဲ့ မင်းသားလေးဘယ်သူပါလိမ့်"
"ပန်တျာဦး"
"ဟုတ်ပါတယ်။ ဒါဆို ပန်တျာ့ကို အတူဖိတ်ခေါ်လိုက်ရအောင်"
YOU ARE READING
(ပင်မြင့်ပန်းလည်း ကြွေတတ်သည် ) (Complete)
Romanceမောင့်လက်ကိုတွဲထားမလားပန်တျာ သကြားလုံးတွေထက်ချိုတဲ့ ချစ်ခြင်းမေတ္တာတွေမောင်ကပေးပါ့မယ် Starting Date-3.3.2022 Ending Date-9.6.2022 #Photo credit to the owner
