ရုံးခန်းထဲဝင်လာတဲ့ ချာတိတ်ရုပ်လေးကဆူပုတ်ပုတ် ။ အရင်ကဆို လူကိုပြူးပြဲပြီး ပေါ်တင်ရော ခိုးပြီးရောကြည့်တတ်တဲ့ချာတိတ်က ဒီနေ့တော့ မျက်နှာလွှဲနေသည် ။
" ရှိုင်းက ကိုယ့်ကိုစိတ်ကောက်နေတာလား "
လို့မေးတော့လဲ
" ဘာလို့ကောက်ရမှာလဲ "
ဆိုကာ စိတ်မရှည်စွာနဲ့ပြန်ဖြေလေသည် ။
ရေသန့်ဗူးမှာတော့လည်း သူမှာလို့ရတာကိုမမှာခိုင်းရကောင်းလားဆိုပြီးတော့လည်း စိတ်ကောက်ပြန်သေး၏ ။
ရှိုင်းအသက်က 21ဆိုတော့ သူ့ကိုချာတိတ်လို့ ကိုယ့်ဘာသာစိတ်ထဲကခေါ်နေမိတာ ကိုယ်ပိုရာများကျနေလားလို့ ထင်ခဲ့မိသေးတာ ။ စဥ္းစားကြည့်လေ ချာတိတ်ဆိုတဲ့ အခေါ်အဝေါ်မျိုးက အသက်15,16လေးတွေကိုခေါ်တာမလား ။ ကိုယ်က21အရွယ် အသက်ပြည့်ပြီးလို့ လွန်တောင်နေတဲ့ကောင်လေးကို ချာတိတ်လို့ခေါ်တာကျ ပိုလွန်းသွားတယ်ထင်နေခဲ့တာ ။
အခုတော့ ကိုယ်မှန်မှန်းသိလိုက်ပြီ ။ ချာတိတ်က 15,16ထက်တောင် ငယ်နေသေးကာ ပိုဂျီကျတက် ၊ ပိုစိတ်ကောက်တတ်သေး၏ ။ စိတ်ကောက်နေတဲ့ကောင်လေးကို ကော်ဖီဖျော်ခိုင်းရတာလဲ သိပ်တော့မလွယ် ။ ချော့ပြီးတော့ ဖျော်ခိုင်းရပြန်သေး ။
တစ်နေ့တစ်မျိုးမရိုးရတဲ့ချာတိတ်ဟာ အနားမှာရစ်သီရစ်သီလာလုပ်တတ်ပြန်သေးသည် ။ ဒီရက်ပိုင်းအတွင်း အပေါက်စောင့်တဲ့အလုပ်ကိုမေ့နေသလားထင်ရအောင် ရုံးအပေါ်တက်လာလိုက် အောက်ဆင်းလိုက်နဲ့ အလုပ်ရှုပ်နေတတ်၏ ။
" ရှိုင်း... "
နောက်ဆုံးတော့ ပြတင်းပေါက်ချပ်အပြားလေးကနေ ကိုယ့်ကိုမသိမသာချောင်းကာ ရေကိုဟန်ဆောင်သောက်နေတဲ့ ချာတိတ်ကိုလှမ်းခေါ်လိုက်သည် ။
ရိုရိုကျိုးကျိုးဝင်လာတဲ့ချာတိတ်ရဲ့ မျက်နှာလေးကတော့ထောင့်မကျိုးပါ ။ သွားကို ၃၂ချောင်းလုံးပေါ်အောင်ပြုံးကာ မျက်နှာချိုသွေးနေ၏ ။
" ဗျာ! သူဌေး.. "
" ကိုယ်မင်းကိုခေါ်တယ်ဆိုတဲ့ အကြောင်းကတော့... "
ESTÁS LEYENDO
That's my type!
Romanceဒီဘဲကငါ့အကြိုက်ကွ! ငါ့typeပဲ! ငါကတော့ရအောင်လိုက္မှာ ! ဒီဘဲက ဘာပြောတယ်မှတ်လဲ ? ယောကျ္ားချင်းကြိုက်တာ ရှက်စရာတဲ့! ငါဘာပြန်ပြောလိုက်လဲသိလား? ယောကျ္ားချင်းမကြိုက်တာကမှ ရှက်စရာလို့ !
