උදේම යුන්ෂි ගගා මාව ගෙදර එක්කන් ආවා. ලූත් ඒ එක්කම ආවා.
"එන්නකො ඔයාලත් ගේ ඇතුලට.."
"මට දැන් ලෙක්චර් එකක් තියේ කොල්ලො මං යන්න ඕනි."
"ම්ම්ම් ගගා යන්න එහෙනම්..ලූ ඔයාටත් කෝස් එකට යන්න ඕනි නේද?"
"යන්නත් ඕනි. කමක් නෑ එක දවසක් මිස් උනා කියලා මං අද ඔයා එක්ක ඉන්නම් යීබෝ"
"නෑ නෑ නංගි ඔයා කෝස් එකට යන්න..යීබෝ අද තනියම නෙවෙයි.ගේ ඇතුලෙ තෑග්ගක් ඇති ගිහින් බලන්න"
යුන්ෂි ගගා කිව්වේ ලූට ඇහැක් ගහන ගමන්.
"තෑග්ගක් ???"
"ම්ම්ම්ම් අපි යනවා එහෙනම්.මං ඔයාව යන ගමන් දාගෙන යන්නම් නංගි."
එයාලා ගියාට පස්සෙ මං ගේ ඇතුලට ගියා.ගෙදර ලොක් එක ඇරලා .කව්ද ගේ ඇතුලෙ ඉන්නෙ?ගගා වත්ද? නෑ එයා එනවා කිව්වෙ හෙටනේ.
මං මගෙ කාමරේ ඇතුලට ගියේ හරිම කුතුහලෙන්.අම්මලා වත් ඇවිත්ද දන් නෑ.
ඒත් ....මං දැක්කෙ කාමරේ ඇතුලෙ උඩුකය නිරුවත්ව බැල්කනි එකට වෙලා පහල බලාගෙන ඉන්න ගගාව. එයා ඇවිත්!
මං ඇස් දෙක ලොකු කරගෙන හිටිතැනම ගල් වෙලා එයා දිහා බලන් ඉද්දී එයා මගේ පැත්ත හැරුනා. එයාගේ ඇස් හම්මෝ ...ඒ දිහා බලන්නවත් බෑ මාව පිච්චෙනවා වගේ. මං කවදාවත් දැකලා නෑ ගගාගෙ ඇස් වල මේතරම් තරහක්.එයා මගේ ගාවට එද්දී කෙලින්ම එයාගෙ ඇස් තිබුනේ මගේ අත ගාව .
එයා මගෙ මූණ දිහා වත් බලන්නෙ නැතුව මගෙ කැපුනු අත අරන් අල්ල දිගේ සියුම්ව එයාගේ ඇඟිලි අරගෙන ගියා.ඊලඟ විනාඩියේ එයාගේ ඇස් කෙලින්ම එල්ල උනේ මගෙ මූණ දිහාට වෙනකොට මං අමාරුවෙන් කෙලපිඩක් ගිල්ලා.
"තමුසෙ හිතන් ඉන්නෙ මං කවුරු කියලද ?"
ගගා මගෙන් එහෙම අහ අහා මගේ ලඟට එද්දී මං බයටම අඩිය දෙක පිටිපස්සට ඇදුනා.
"ග..ගා.."
"නෑ කියනවකො මාව මොන වගේද පේන්නේ..? මාව නිකම් පොන්නයෙක් වගෙද පේන්නේ ආහ්"
"අනේ නෑ ගගා.."
අන්තිමට මට පස්සට පස්සට ගිහින් හේත්තු උනේ බිත්තියකට වෙනකොට ගගා මං හෙත්තු උන බිත්තියට අතක් තිබ්බේ මගේ මූණට එබෙන ගමන්.
