تهزمني العِيون السُود وانا جاهل فيها

البارت التاسع

اليوم الثاني تحديداً المخيم
ابو محمد : بنضل هنا ثلاث ايام
ابو فهد : ابشر
ام محمد : وليه ثلاث ايام انشاءالله ؟
ابو محمد : كم تبين اجل ؟
ام محمد : خمس ايام
ابو محمد ابتسم وقال : على ذا الخشم
ام محمد : عليه الشحم
فلاح : امشو للخيول
اسر : يلا امش
راحو العيال للخيول وقالت سلمى : ليه ما نروح في خيول للبنات هناك
دالين : يلا امشو
لبسو البنات عباياتهم وراحو للخيول
لين بخوف : كيف امسكه 
ملاك : خايفه ؟
لين : شوي بس
ابتسمت ملاك بخفه وقالت : تمسكي باللجام
مسكت لين اللجام وكملت وهي تقول : بخليه يمشي
لين بخوف : تمام
ابتسمت ملاك وضربت الخيل علطول طار الخيل فيها تمسكت لين باللجام بكل قوتها نزلت دموع لين من شافت اللجام ولسوء حظ لين ان اللجام كان مو مثبت
رزان بحدة : ملاااااك الخييييل هااييييج
ملاك بكت وقالت : ما انتبهت وربي اسفه
سعيد : ما كانه صوت البطل ؟
هتان : الا والله شكله
راح سعيد وشاف لين وكانت مو متمسكه باللجام وخايفه ركض سعيد
وا اخذ الفرس عشان هي الوحيده الي تعادل سرعة البطل طلع سعيد ولحق لين وا وصل لها
سعيد : انتي قويه انتي تقدرين
لين وهي تبكي : ما اقدر والله اللجام مو مثبت
شهق سعيد وصار جنب البطل ومسك لين مع خصرها وجابها وخلاها قدامه وقال : تمسكي باللجام
لين كانت خايفه بشكل فظيع وهو شافها وا ابتسم وحضنها وشد على خصرها وقال : انا معك لا تخافين
عند العيال
رعد سمع صوت اخته وعلطول اشر لكاسر يجي معه وجا ذيب معهم وشاف رعد لين بحضن سعيد وكاسر مو اقل منه صار ينتفض من العصبيه وعلطول اتجه لاخته يسترها وكان ذيب عيونه تطلع شرار من شاف لين بحضن سعيد وراح بهدوء من شاف سعيد وقف ونزلها راح رعد وسدد لكمه لوجه سعيد طاح سعيد على ظهره وشاف خشمه ينزف دم وجا هتان وسدد لكمه لوجه رعد كاسر شاف اخوه وهو خشمه دم وراح لهتان وا اعتلاه وطاح فيه ضرب اما ذيب راح لسعيد ومسكه مع ياقته وضرب راسه براس سعيد وقال بحدة : من سمح لك تقرررب من ممتلكاتتتتي ؟
وطاح فيه ضرب لييين ما قال بس وقام وشاف لين وقالها بحدة : تعالي
جت لين لذيب ومد لها ذيب شماغه ومسكته لين وتلطمت فيه وا ابتسمت وا ابتسم لها ذيب وراح لرعد ومد له يده قام رعد وقال بحدة وعصبيه واضحه : لييين ادخلي عند البنات
راحت لين ودخلت وا ابتسم رعد وتلطم وراح لسعيد ومسكه وطرحه وسدد له ضربه على خشمه وطاح فيه ضرب جو العيال وراح فارس ركض لرعد ومسكه وقال : خلاااص يالرعد
اتجه تركي لذيب ومسكه عن هتان وقال : خلصت ؟ يلا انثبر هناك
وراح ذيب لكاسر ومسكه وقال : خلاص يالكاسر
جا ثامر وكان معه فشار وقال : ماش مافي اكشن
عقاب بحدة : ثاممممر اذلف احسن لك
ثامر وهو يحاول يكتم الضحكه  : ابشر
جا اسر وقال : فلم يحتاج فلم مافي رياكشن
ضحكو العيال ورجعو وقال عقاب : لحد يقول للشيبان
ثامر : اوكيه
ناصر : هي ولد استرجل وش اوكيه
ثامر : بموت شدخل المرجله شدخل
ضحك ناصر وقال : امشو يلا
راحو العيال وقال ابو محمد : وين كنتم ؟
عقاب : عند الخيول
ابتسم ابو محمد وقال : زين
عند البنات
دالين حضنت لين وقالت : مضى يا عيون دالين مضى
دفنت لين وجهها بحضن دالين وقالت سلمى وهي منصرعه من الضحك : ذيب قال ممتلكاتي الخاصه ؟
ضحكت لين وقالت : وانتي تاركه كل شي ومركزه في ايش قال ذيب
سلمى : امشو نجهز من الحين للزواج
هيام بخبث : اكيييد
بيان  : مشاءالله هيام وسلمى والتفكير
ابتسمت وعد وقالت : وهم صادقين
انفجرت تالين تضحك وقالت : معليه معليه
ابتسمت لين وقالت : جتني فكره
غزيل : اسلمي
لين : نجتمع كلنا اخواني وعيال عماني وعيال عماتي وحنا
بيان : اذا موافقين امشو
هيام : امشو يلا
راحو البنات للعيال وقالت لين : بنجلس عندكم
رعد ابتسم من شاف هيام وقال : تعالو
راحو البنات وجلسو وصارت هيام جنب رعد وجنبها البنات ونهايتهم لين ومن عند لين كاسر وجنبه العيال ونهايتهم رعد ابتسم رعد وشابك يده بيد هيامه ابتسمت هيام وقالت لين : بنلعب لعبة الاوراق وطلعت لين علبة فيها اوراق وقالت : ذي اوراق الاسم الي يطلع لك فيها لازم تنفذ التحدي حقها
ابتسمو البنات والعيال وقال ذيب : يلا
بدت لين تقلب بالارواق وسحبت اسم وفتحت الورقه وطلع لها اسم حنين لين : حنين
ابتسمت حنين وقالت : لبيه ؟
فارس بهمس : يا حي هالصوت وحي راعيه
ابتسمت لين وقالت : تروحين لشخص تكرهينه وتقولين اكرهك قامت حنين واتجهت لصالحه وقالت : اكرهتس
ضحكت صالحه بسخريه وقالت : عا اساس انا احبتس
ضحكت حنين ورجعت مكانها وسحبت لين ورقه وطلع لها اسم رعد وقالت : رعد
رعد : امري ؟
ابتسمت لين وقال ذيب : انا بسال الرعد
لين : تمام
قال ذيب : ترا سوال مو تحدي
لين : عادي
ذيب : من اخوك وعضيدك غير كاسر ؟
رعد بكل صدق وهو مأشر على فارس :
عندي صديق اروح له لما تخونني الدنيا
ومن كثر جمال علاقتنا الكل ظن اننا اخوان
قام فارس وباس راس رعد وحضنه بكل قوته وقال : يعساني م انحرم منك يالرعد والله وثم الله انك سندي وحزامي لا ضاقت الدنيا
ابتسم رعد وقال : كملي
كملت لين وقالت : غزيل
غزيل : اسلمي
لين وهي تأشر على الخيول : تروحين تجيبين الخيل الي موجود هناك
ضحكت غزيل بسخريه وقالت : تحسبيني ما اقدر ؟
راحت غزيل للخيول وا اخذت خيل وقالت : هاذا الخيل
ناصر وهو مصدوم من غزيل : والله وسوتها بنت عبدالملك
ضحكو البنات وقالت الميلا وهي تضحك : غزيل دايم نحتزم بها
ضحكت البندري وقالت : شكلك ما تعرف غزيل
حك ثامر راسه وقال : الا والله اذكرها مسحت وجهي بالبلاط
نرجع شوي لورا
غزيل بحدة : ثااامر هاتها
ثامر : والله ما اعطيتس
غزيل ضحكت بسخريه وقالت : يعني تبيها كذا ؟
ضحك ثامر وهو يحسبها ما بتقدر عليه بس صدمته غزيل ومسكنه مع ياقته وطرحته وطاحت فيه ضرب وقامت وقالت : هاتها اخلص
ضحك ناصر بعد ما سمع السالفه وقال : حي عينها
ضحكت غزيل وقالت : حي نباك
هيام بنعاس : بروح انام
سلمى : انا بعد بنام
راحو كل البنات ينامون
اسر : ابوك يالطفش
رعد : بروح انام
راح رعد ونام وقال كاسر : يا عيال ابو سعيد بكرا بيجي
ثامر : يليل
ذيب بملل : اي والله ياليل
قام حمد من النوم على اصواتهم وقال : شفيكم انتم
طاحو العيال ضحك على حمد وشكله الفوضوي وقال حمد : حمدالله والشكر
وراح كمل نومه
وراحو العيال ينامون
اليوم الثاني بالمخيم