تهزمني العِيون السُود وانا جاهل فيها

البارت الخامس عشر

اجتمع الكل " { بيت الجد قاضي } " حفلة هيام ورعد ( عشان الزواج )
تقدم الكل يتجهز وصرخت سلمى بحدة : يا ملاعين هاتو الفيير
ضحكت بيان وجت معها الفير وقالت : اسلمي
ابتسمت سلمى وارسلت بوسه بالهواء لها وقامت تفير شعرها وتزينه والبنات بالمثل راح الكل بعد ما خلص وجلسو ينتظرون هيام ورعد 
عند رعد وهيامه
تقدمت بعد ما اخذت شور ولبست ثوبها الاحمر الحرير الماسك على جسمها كانت تفتن بشكل يوجع القلب سحبت الذهب ولبسته دليل انها عروس
وحطت مكياج برز لنا غمازاتها وجمالها الي يوجع القلب دخل رعد وما انتبه لكشخة هيام وتقدم للمرايه ينسف غتّرته لفّ لها بعد ما خلص وشافها بفستانها الاحمر وروجها المايل للون فستانها تقدم لها وباس خدها ابتسمت وسحبت البخور وقالت : تعال تبخر
ابتسم رعد وتبخر معها ومسك العود واخذت هيام عطرها الي يجذب الواحد
ابتسم من شافها متجهزه ولابسه عبايتها الي موزعه بكرستال ومد يده لها ومشو وركبو السياره وصلو وشافو الكل متواجد تقدم رعد بعد ما تأكد ان هيام دخلت وسلم على الجميع واشتغلت الاغاني والرقص والحماس ماخذ الجو تجمعو كلهم على العشاء بعد ما خلصو من الرقص ما عدا كاسر وذيب الي يتقهوون وكان ابو فهد يقطع اللحم ونطق ثامر : كل طير يشبع مخالبه
ابتسم اسر بخفه ونطق بهمس : قرر يصير رجال الولد
قبصه ثامر ونطق اسر بهمس : يا كلب انا عمك
وقال ابو فهد بحدة : تعش تعش يا ولدي لا افرك وجهك بذنب ها الطلي
طرطش كاسر القهوه على ناصر وطاح يضحك بحضن ذيب ونطق ناصر وهو يمسح القهوه من على وجهه : الله يقرفك يخوي
ابتسم فارس وقال : تعشو تعشو ولا يكثر
ابو رعد بسخريه : كانك تهدد ؟
ابتسم فارس وقال : لا شدعوة يا عم
عند البنات
تقدمت بفستانها الاحمر وا اشتغلت اغنيه تعشقها ما قدرت تقعد قامت ورفعت شعرها فوق وسحبت الشيله وربطتها على خصرها وقامت تهز وتتمايل وشكلها يعذب الواحد ، تقدم يبي يغسل يدينه طاحت عيونه عليها وهي ترقص وتتمايل انصدم من جمالها وتمايلها ورقصها راح رعد وهو يتذكر هيام وهي ترقص وتتمايل رجع بعد ما غسل يده وقام الكل بعد ما خلص وقام يرقص وقال ابو رعد بمزح بعد ما خلصو : خلاص عاد اذلفو لبيوتكم
ضحك محمد وقال : طردنا طرده محترمه
طاح الكل يضحك وطاحت انظار ذيب للين ورجولها الباينه نطق بحدة : لييين رجولتس
سلمى بسخريه : شخبار الغيره
ابتسم ذيب وغمز للين وراح الجميع لبيته
اليوم الثاني
جا ابو فهد وشاف ثامر وا اسر جالسين وجمبهم عصير برتقال تقدم ومسك العصا وضرب ثامر وا اسر فز ثامر ونطق بتحلطم :  يا جدي خلوني اعيش لحظة سعيده ولو مره
ناظر له ابو فهد الي ناقد عليه وعلى اسر وقال بحدة : تبي تعيش لحظتك السعيده بعز القوايل ومعك هالخبل متى بتتأدبون انتم لما اكسر العصا على ظهوركم ؟
لف اسر ونطق : لا يبه خلوه يتأدب بعدين انا اتأدب
ضحك ناصر من ورا وقال : يحمار انت الكبير
حك اسر راسه وقال : ادري ي التيس
ضربهم ابو فهد ونطق بحدة : اعنبوكم تشتمون ببعض وقدامي استحو على وجيهكم
وقف ثامر وتكتف ولف وجهه يمين : انا مالي دخل
ضربه ابو فهد وقال فهد  : انت الراس المدبر
ثامر وهو يمسح مكان الضربه : يبه المفروض تكون معي مو ضدي
ابتسمت الميلا من ورا الباب ونطقت بصوتها العذب : عايشين قصة حُب مع القوايل ي عمي
ابتسم اسر وقال بهمس محد يسمعه فيه غيرها بحكم انه قريب من الباب : يا حي هالصوت ويا حي راعيه
ابتسمت الميلا وراحت للحوش الثاني تتمشى فيه شافها اسر وهي تروح وراح لها بعد ما شافهم دخلو جا وقرب من عندها سحبها ولفها له اختلطت انفسهم كان قريييب جداً منها انصدمت الميلا من قربه وقرب لها وهمس بأذنها : مو على كيفتس تروحين زي كذا
قطبت الميلا حواجبها وبعدت عنه وقالت : اسر ابعد عني
ابتسم اسر وبعد عنها وقال : انا شاريتس وابيتس بالحلال
صدت عنه ودعست على مشاعرها : لا تحاول يالاسر سلطان اليوم بيجي يخطبني
اسر مسك يدها ونطق بحدة : وبتواففففففقين !!! 
صدت عنه الميلا عنه وجت بتروح مسك خصرها ولفها له حط راسه عند رقبتها يستنشقها وضمها له ابعدت عنها وراحت داخل راح اسر لعقاب ونطق : تكفى ي عقيب قاعده تروح من يديني
مسك عقاب شنبه وقال بحدة : اعنبوك انا وراك اضرب بالارض ولا تسمي
ابتسم اسر وقال له كل شي وقال عقاب : بس هي قالت لك موافقه يالاسر
صرخ اسر ومسك صدره ونطق : هااااذااا الي قاهرررني !
قام عقاب وهو حالف ان سلطان  ما ياخذ الميلا جت ضحى وجلست عند اسر : اسلم
ابتسم اسر وقال لها كل شي نطقت وقالت : الميلا خلها علي
وقامت وراح اسر وقال لناصر وقال له ناصر : تبششر يبو كنوز
ابتسم اسر وقام : يعساني ما انحرم
قام ناصر وحضنه : ولا منك ي العضيد
حّل اليل وجا سلطان مع اهله كان اسر يدري انه بيخطب وقال لاخوانه
تقدم سلطان ونطق : يا عم انا ابي بنتك البكر على سنة الله ورسوله
ابتسم ابو تركي وقال : وجتك الميلا
ضحك سلطان بفرحه وجاب الشيخ وراح تركي يودي الكتاب للميلا
مسكت الميلا القلم وهي تتذكر الاسر دعست على مشاعرها وكانت بتوقع بس قاطعها صوت اسر من برا ، صرخ بغبنه ونطق بعلى صوته والدموع متحجره بعيونه : يالميلا لا توافقين وتكسرين اسرتس يا ميالة قلب بن عايض لا تكسرينه
سمعته الميلا ولو كمل كلامه كان تركت الخطبه وجته دعست على مشاعرها وقالت : موافقه
صرخ اسر بقهر وقال : لييه يالميلا تكسرين قلب اسرتس ليه يا ميالتي ليه يالميلا ليه
طلع عقاب وصرخ بحدة : المييللاااا لأسر هاذا كلام الشيبان وخطبتهم اليوم !
طاح اسر رجوله ما شالته ، صرخت الميلا بعلى صوتها وطاحت تبكي من الطلقه الي صابت اسر قامت تبكي انصدم فلاح من المنظر صرخ بعلى صوته وقال : ياالااااسسسسسسررررر تكفففىىىى
ركض بكل قوته وشاف عقاب واقف ماسك سلطان مع ياقته وطايح فيه ضرب بكل قوته وقال بصوت هز روح سلطان وقال وهو يرص على اسنانه : اعنبببووك خاااطبب بناتنا وتبي تذبح اخوي استح على وجهك مكرمينك ومدخلينك مجلسنا هاذي جزاتنا !!
صرخت الميلا بوجه سلطان : الله لا يوفقققك والله ان صار شي لاسر اني لا اذبحك وقسم بالله ي كلب الهاسكي
ضحك اسر بخفه وقال : حبيت تنحسب لتس
اما عقاب كان طايح في سلطان ضرب وقال : والله لا اطلع روحك بيدي يا كلب
وتركه وراح لأسر الطايح بين يدين الميلا وقال بحدة : وش تنتتتتتظظظظرروووون ! اخووي  طايح على الارض غارق بدمه ! يا يبه ضناااك ونور البيت غااارررق بدمه وطايح يا يبه ! صرخ بغبنه ونطق : وقسم بالله ما يسلم امشو نودي اسر للمستشفى
فز الكل يودي اسر والميلا معهم وصلو ونزلو ، والاسر بحضن الميلا وقال ناصر بحدة : شفيكم !
ابو فهد بعصبيه : اخوك طايح بدمه
شهق ناصر وا اخذ اسر للغرفه طلع الجميع وصرخ بعلى صوته ونطق : عطوننني اجهزة الانعاش
ركض مُهند ونطق : ايه ده يا باشا الانعاش
ضرب ناصر جبينه وقال : طلعوه لا اجرم فيه
طلعو مُهند وجابو جهاز الانعاش للقلب ولدت كهرباء صعقّت صدر اسر صرخ ناصر لما توقف النبض عند اسر، فهم فارس بحكم انه دكتور ركض بتوتر وحط بطلقته ولبس لبسه ودخل عندهم وسحب جهاز الانعاش حاول يرجع النبض بس ما قدر دخل صوت ناصر وثقلت رجوله ونطق وهو يتعزوى بفارس : رجولي ما تشيلني اقوم اسعفه تكفى يالفارس اخوي لا يروح
فلاح وهو يصارخ : تكفففى يالفارس اسر لا يروح
صرخت ام فهد وهي تبكي : ضناااي لا يروووح 
مسك فارس راسه من تعزوى عيال عمه فيه ومسك جهاز الانعاش وضرب بكل قوته رجع النبض لاسر وصرخ فارس : ياااااارررببب لك الححححمممدد
صرخ ناصر وطلع لهم : رجججعع النبض له رجججع
طاحت الميلا تبكي انربط لسانها وصرخت : اسر حي
طلع لهم فارس وتقدم ناصر يحضنه ودموعه متحجره بعيونه وعقاب الي كان يناظر اخوه وده يبكي بس ما يبي يبين ضعفه لأحد شافته الجُّود وفهمت علطول بس ما كان ودها تتدخل وقال فلاح : يعني هو عايش ؟
ابتسم فارس وعبسّت ملامحه بحزن : مو اكيد انه بيعيش بس لازم يكون تحت العنايه المشددة
عبست ملامح فلاح من شاف اسر وهم ينقلونه للعناية غمض ابو فهد عيونه بحسرة على ولده الي يعتبر صغير على الموت تقدم فلاح وراح يشوف اسر ما قدر يدخل وقف يتأمل ولد عمه الي يصارع الموت قدامه ضحك بخفه من تذكر موقف صار بينهم وهم صغار مسك السواره الي كان اسر وهو صغيره مهدده فيها اذا كسرها يويله أشر على اسر ونطق بصوت يرجف : اذا ما طلعت من هنا عايش بكسر الاسواره الي مهددني فيها
ضحك بخفه بوسط دموعه من تذكر تهديده له وراح لهم وقال بصوت متضايق : خلوني مرافق معه
عقاب : لا خلني انا
ابو فهد بحدة : يا العاقب شغلك خل فليح عنده
تنهد عقاب ونطق : ي فليح اخونا امانه عندك
ضرب فلاح صدره ونطق : ازهلها
ابتسم عقاب بخفه وهمس : نسخة اسر
صرخت الميلا وقالت : بصير مرافق معه تكفى يا عم
ضربتها امها وقالت : وش تصيرين مرافق !
تركت الميلا يد امها وراحت توقع اوراق المرافق ما كانت مهتمه لاحد ونطقت ضحى وهي تبكي : يالميلا انتبهي له وا ان صار شي كلميني
تقدمت الميلا وحضنتها وقالت : مافيه شي ي حياتي
طاحت ضحى منهاره بحضن الميلا ما قدرت تشوف اخوها طايح بالعنايه وتقدمت البندري تشيلها بس ما قدرت تقدم عقاب ومسح على شعرها بحنيه وقال بحدة : خلاص يا وضيحي
هدت بين احضان اخوها وقامت وراح فلاح ما قدر يشوف ولد عمه وا اخوه وعضيده طريح الفراش وراح الكل متجهيين لبيوتهم بعد يوم حزين ومتعب
في بيت ابو فلاح
تقدم فلاح سمعها وهي تبكي راح لغرفته جلس ساعتين يتقلب بالسرير ما قدر ينام قام وراح لغرفتها
شافها تبكي وتشاهق مسحت دموعها بعنف من شافت فلاح جاي فلاح بضيق من دموع اخته  : جيت لي ساعتين ما قدرت انام كنت جاي مدرعم اسولف لتس مريت غرفتس سمعتس تبكين ولا شالتني رجولي ادخل اسالتس وش يبكيتس عشاني ادري مهما سالت وانتي ما ودتس تجاوبين ما راح تجاوبين
رفعت انظارها له وشافت عيونه الحنونه لها وكمل وهو يقول : لكني هنا يا عين اخوتس هاتي ضيقتس اشيلها بصدري بس لا تنزل دموعتس انفداها ، قلبي يوجعني انتي وصية ابوي شلون تذرفين الدمع وانا مستانس ؟ ليه ما دقيتي علي اجي اخذتس نطلع توسعين صدر اقسم بالله احس اني اضعف رجال بالدنيا قدام ذي الدموع ليه يا قلب اخوتس ليه تبكين اللي مضايقتس من والله ما يصبح الا وضيقتس هاذي في صدره ضيقتين أشري لي بس منهو  مضايقتس والله لو بيدي ما تتضايقين لو ثانيه لابوها دنيا تزعلتس وانا موجود والله ما تسوى بس اصلي الفجر وا اجي نسولف وتفضفضين كلي اذان صاغيه اذا ودتس نقفل الموضوع ونسولف ب اشياء وتضحكين ابشري بالحالتين كلها بخليتس تضحكين
ضحكت وسط دموعها وحضنته لطالما كان فلاح لتالين اخ وا اب وحبيب وسندها وعضيدها وقلبها كان يعني لها كل شي قامت وصّلت مع اخوها
بالمستشفى تحديداً " غرفة اسر "
قامت الميلا بعد ما غفت ساعتين جلست تتأمل اسر حوالي عشر دقايق وقامت تناظره وتبتسم وتتذكر بداياتهم وابياته لها ونطقت : قد غرّك خشوعي لوصالك ؟ يا مغرور انا ابيك
كانت تقول ابياتها ولا تدري انه يسمعها بس ما يبي يتكلم جلست تتأمله ونطقت ابيات م قد نطقتها لأحد : طااال الفراق يبو كنوز والشوق يعذب المشتاق ليييتك تحس بعذابي وشوقي وحُبي لك يالاسر انا جاهله بدرب الحُب وانت أسرتني بحُبك قلت اني ما احبك يا شلون ما احبك وانت أسرني بحبك ؟
انصدم اسر من نطقها لابو كنوز ما كان يدري ان الميلا تعشق اسم كنوز ما قدر يستحمل وقام لها وثبتها على سريره انصدمت الميلا من قوته كيف انه شالها وحطها على السرير نزلت راسه لها باست مبسمه بهدوء انصدم منها وعلطول بادلها وصلت له كل الشوق الي حست فيه ابتسمت وبعدت ونزلت دموعها مسكها وقعدها قدامه ونطق : افا
ضحكت بخجل وقالت : هالفتره كلنا مدرعمين للمستشفى
ابتسم اسر بخبث وقال : انا عرفت ليه كاسر طلع من الغرفه متونس
ضحكت وقالت : خاطري اروح العزبه
ابتسم اسر وقال : اول مره اشوف وحده تحب العزبه
الميلا بسخريه : لا يغرّك بس بروح عشان المهره
ابتسم وأشر على عيونه ورفعت نفسها وباستهم وقال : عيديها
جت بتعيدها بس صدمها يوم ثبتها ونزل لنحرها باسها بقوه وقالت : لاااا اسسسر
ضحك وقال : معليتس م طبعت كثير
قامت وشافت نحرها وانصدمت وقالت : كل ذا وما طبعت كثييير !
انفجر يضحك ومسك جواله ودق على قروب العايله رد الكل عليه وقامت يبكون ويصارخون ونطق اسر : ارحببوووو ي اهلي
ابو فهد بقروشه : يولي هاذا من وين يطلع
طاح ناصر يضحك وقال : يبه اسر صحى صحى
ضحك ابو فهد وقال : ارررحب يوليدي
ابتسم اسر من سمع صوت اهله ونطق : يا هلا بتاج راسي وجنتي
ابتسمت ام فهد وسط دموعها ونطق : انا متجه للعزبه الحقوني كلكم عقيب هناك
رد الجميع ردود ايجابيه بالقروب وراح اسر وسجل اوراق الطلوع وشاف سيارته وراح وركب واخذ الميلا معه متجههين للعزبه ومسك جواله ودق على حبايب قلبه ( عقاب ، فلاح ) ودعس بكل قوته ، مسك جواله رفعه وشاف اسم يحبه قلبه ورد ونطق : ارررحب ي قلب عقيب
ابتسم اسر ودخل فلاح المكالمه وكان توه صاحي من النوم انفجر اسر يضحك وقال فلاح : خير مناشبيني حتى في احلامي
ضحك اسر وقال فلاح : اسسسسر ارررحب يا خلف اهلي كلهم
ابتسم اسر وقال : الحقققني للعزبه انا وعقيب هناك
مسك فلاح مفتاح سيارته وقال : جايكمم
راح الكل متجه للعزبه وقال ثامر وهو بالسياره : عزبه بعز القوايل
ضحك ابو فهد بسخريه : لا اذكرك بس كنت تجلس بالحوش مع عصير برتقال بعز الشموس
ابتسمت ام فهد وقالت : امشو امشو بس
وصل الكل للمخيم ونزل رعد وشاف نظرات عقاب للجُود ونطق : يا راعي الهوى تراك مفضووح
ابتسمت هيام وكملتها معه : صصححييح النظره ما تكفي
ابتسم رعد وحاوط خصرها وقال : هالفتره مو قادر اتحملتس
ابتسمت هيام وحاوطت ذراعه اليمين وباسته وراحت تدخل
ابتسم عقاب وتقدم يسلم عليه سلم الكل على بعض وا وصل اسر وقال ذيب بسخريه : موصينا نجي بدري وجا اخرنا
نزل اسر وتقدم الكل يتحمد له بالسلامه وقامت ضحى وحضنت اخوها بكل قوتها بكت على كتفه سحبها عقاب لحضنه وهو يربت على راسها هدت بين احضان اخوها وراح الكل يجلس حّل اليل وجت ضحى وشافت الونيت وراحت له وركبت فيه كان اسر وثامر وناصر موجودين شافها ناصر وتقدم ناصر وقال بحدة : يا وضيحي انزلي ما بتعرفين له
ضحى : مافي شي اسمه مستحيل دام ضحى موجوده
اسر بسخريه : بالله ؟ عشان ابوتس يفجر فينا لو يلقى خدش بسيط بالونيت
ضحى ابتسمت ونطق من وراهم : ابو عايض صدز ! هاذي وين بتروح
ضحى وهي تشغل الونيت : الحقنا وانت ساكت
طاح ناصر يضحك وقال : والله يا ان سددت لك وحده
كش ثامر بوجهه وقاطعهم دعس ضحى وطارت بالونيت للمخيم مسك اسر راسه وقال : هالله هالله يا ليله حمره من عايض
طاح ثامر يضحك وقال : جدي يحوبكم
قبصه اسر ونطق : حبتك القراده قل امين
ابتسم ثامر وسرعان ما قال وهرب : امييين وياك
قام ثامر يركض بكل قوته وشاف ضحى واقفه ركب ونطق : ادعسي يا ام عيون مكحّله لا يجي عمي اسر ويدعسني
ضحكت ضحى ودعست بانزين وطارت للمخيم
جت الميلا ومعها الجُّود وغزيل ونطقت ضحى بسخريه : تعالو اوريكم سواقة ضحى
تقدمو وهم يضحكون جا اسر وركب جنب ضحى قدام وسحبت ضحى الجوال وا اشتغلت اغنيه تعشقها
" على البال كلاً تفاصيله على البال " رفعت انظارها للقمر ونطقت : اجلس على ضّي القمر وتدفيني نار الذكريات ويشتغل
لهب الحنين والشوق ويطربني ابو نوره
ابتسم اسر ونطق : الله الله صح لسانتس
ضحى ابتسمت ولفت له : صح بدنك
اشتغلت اغنية اسر المفضله ما كان يدري ان الميلا اغنيتها المفضله مثله " جيتيني مثل الشروق اللي محى عتم الليالي " ابتسمت الميلا وبدت تغني وتردد وراها انصدم اسر من صوتها العذب والجميل دخل صوته معها ابتسمت من اصواتهم الي تختلف صوت اسر الرجولي وصوت الميلا الانثوي قاطعهم تأملهم ببعض يوم غزيل قالت : بجرب اسوقه
نزلت ضحى وجت غزيل وركبت وا اول ما سوت الحزام دعست فيهم صرخت الجًُّود ونطقت : يويلي بتموتنا اليوم
طاح ناصر يضحك وقال : بهددووووء ي غزييل
ابتسمت غزيل وقالت : اركب وانت ساكت بس
ركب ناصر وطارت غزيل فيهم للعزبه وقفت ونزلت قبل يشوفهم ابو فهد ويفجر فيهم قام رعد وراح يشوف هيام ناداها وتقدمت هيام وقالت بصوتها العذب : لبيه
ابتسم رعد وحاوط خصرها وشدها له : تعالي يا خلف ابوي انتي
ابتسمت هيام وتجرأت لاول مره وحاوطته سحبها للخيمه الي جنبهم وكان بيبوسها بس صدت عنه وقال رعد : وش سويتي الحين ؟
بعدت هيام عنه وقالت : رعد حلا هو حلا ؟
رعد بعصبيه : اي حلا ؟
كانت بتطلع بس سحبها لمبسمه وباسها بجنون حاولت تبعد عنه بس رعد ضخم ما قدرت عليه ابد جت حنين وكان وراها فارس شافو حُب رعد وتملكه لها مسك فارس حنين وسحبها لحضنه لأجل تصد اشتعلت فتيلة الحُب بينهم وسحبته لها وباسته مسك فارس خده وابتسم بوسع ثغره ، بعدت رعد عنها وقالت هيام بحدة : مشفوح انت مشفوح يالله يا رعد روجي مايروح
صرخ رعد بعصبيه وقال : صوتس لا يعلى وكم صار لي ابوستس وا اتلطم واطلع
تقدمت هيام ومسكت الفاين تمسح روجها وقالت : احمد ربك راح
تلطم بعصبيه وطلع وقال ابو فهد : يلا ي عيالي كلاً يسري على بيته
راح الكل لبيته بعد يوم جميل وحزين
_____________________
لا تنسون حقها يحباني🤍🤍🤍🤍🤍🤍
اهليييين ي حباني جيتكم ببارت مليان احداث🫦 ، عندي اختبارات ما اقددر انزل لكم كثييير😔 ، ادعو لي ي حبااااني❤️❤️