تهزمني العِيون السُود وانا جاهل فيها

البارت الاربعه والثلاثين

( ببيت اهل قاضي )
تقدم رعد والعيال يسلمون على جدانهم ويجلسون معاهم ويسولفون ويتقهوون

عند الحريم
تقدمت سلمى ومعاها لين والميلا وشافو البنات يفرزنون لرمضان وقالت هيام : تعالو ساعدونا وش حضرتكم
سلمى بمزح : نهز لتس
ضحكت حنين وقالت : عجلو تعالو
وتقدمو كلهم يساعدون بعض وتقدمت ام محمد ونطقت : يزييين بنااتتي القرماات
ابتسمو البنات ونطقت هيام ومعاها حنين : الله يخليييتس لنا يا نظر عيوننا ولا يحرمنا منتس
ابتسمت ام محمد وتقدمت تساعدهم وقالت سلمى : والله انتس تجلسين خليتس مرتاحه
ابتسمت ام محمد وجلست تشوف بناتها وهم يساعدون بعض ونطقت سلمى : تحبوني
الميلا : اي
غزيل بسخريه : مشاعر القوايل
انهارو البنات يضحكون وقالت الميلا وهي تضحك : شدعوه
-
جلس معاهم ذيب وجاه اشعار من شغلّه 
ونطق : يويلي البلشه هذول ما ينامون
ضحكو العيال وقال فارس وهو يضحك : ليه
ذيب : عندي مهمه لمدة سنه ويمكن انتقل برحمة الله بها
فزو كلهم ونطقو : الله يبعد عنك هالفال !
رعد وكاسر بغضّب : وش هالفال يالذيب !!
ابتسم ذيب ونطق : عندي مهمه مدتها سنه ويمكن افقد حياتي بها
عقاب : الله يبعد عنك هالشر !
وقامو العيال ونطق ذيب : لا تقولون لاحد انا بقول لهم
وتقدم داخل وقال لاهله وجاء بيطلع شاف لين قدامه ابتسم يشوفها ونطق : ليني ؟
ابتسمت لين ولفت له ونطق ذيب وهو يكابر على نفسه : تعالي
جت لين وقالت : هلا ؟
ابتسم ذيب وقال لها : انا بخطب وحده
ضحكت لين من كلامه اللي كانت تحسبه مزح ودخلت داخل وسمعت امه تتكلم عن شوق واشياء وانها بتخطبها لذيب سمعت لين والدموع متحجره بعيونها وطلعت وشافت ذيب قدامها تقدمت وقالت : اخ يا لذة الحياه اللي فقدتها فقدتك يا ذيب وكثيير اوجعتني هالحياه
ابتسم ذيب بحزن ونطق : ما فقدتي شي بتشرق عليتس قريب
لين : عيوني ولا ليله نامت بدون دموعها بعد ما كنت انام على امل تكون لي والليله نومتك بتكون مع غيري
ذيب وهو يكابر على نفسه : واليوم بإذن الله ما تدمع
لين وهي كاتمه بكائها : يمكن ما انام يمكن يكون اخر يوم لي
ذيب التفت لها ونطق بغضّب : لا تقولين كذا حرااام يبنت الناس حراانزلا تخلين الله يبليتس وانتي مو جاهزه لآخرتك !
لين بحزن : ان شاء الله والله يستر عليك
ذيب ابتسم بحزن ونطق : وياتس يبنت الناس روحي الله يستر عليتس
لين وهي تشاهق : يمكن هاليوم بيكون اخر يوم لي يمكن ما عاد بنتظرك كل خميس ويكون عندي امل ويمكن تنتهي حياتي المتعبه بهاليوم الحياه القاسيه يمكن افارقها اليوم الحياه الي اخذت مني كثير يا ذيبي
ذيب بصوت خافت وبحزن : ذيبي ؟ ونطق : لا يارب
لين : ودعتك الله وان قسيت اعذرني والعيوب اللي تعرفها استرها وان كان عذبتك معي سامحني يا ذيب
ضحكت بحزن ونطقت : اوعدني لا تزوجت ما تعطيها كثر ما عطيتني اوعدني ما تسمعون لابو نوره بس اوعدني
صّد ذيب عنها ونطق : اوعدتس اني ما اضمن لتس لعد شهرين اعيش ولا لا
طاحت لين تبكي وتشاهق وتنطق : ذيييب تكفى ينظر عيني لا تقولها تكفى
ذيب : الله يعلم محد يعرف يومه
لين مسكت ذراعه ونطقت بعيون باكيه : تكفى يذيب انتبه لنفسك معك روحين
ابتسم ذيب بخفّه يناظر بعيونها الواسعه وينطق : لا تنسين اللي صار وقولي ما راح عبث
لين بحزن : الدنيا ما تسوى لا غاب غاليها
ذيب : الله يستر عليتس يبنت الحلال
لين : ما اسامح نفسي ياذيب كل شي شفته فيك بنيت احلامي معك بصغر سني ما عمري اعتبرتك اخوي لا والله كنت سندي من الدنيا وبلاويها كنت ابوي واخوي كنت لي  كل شي بس انا ما قدرت احافظ عليك بس تعبت بدونك تعبت قلبي يوجعني لما اتذكر هالليل الطويل كيف كنا نسهره سوا
ذيب وهو يكابر : ما رديت عليتس الا من خوفي ولا انتي تعرفين اني رايح رايح ووصاتي لتس لا تنسينها
لين : تكفى يذيب صدري ضايق ومحد يفك هالضيقه الا انت تكفى لا يطول البعد ما ودي اكتبك ذكرى تذكر شيلة سفر ؟ غبت عني كنا نسمعها عادي بس نعيش الان شعور  الشيله .. اعيشها لحالي بتطلع اليوم اهخ استودعتك الله وفحفظه ليه احسك ما تبيني ؟ ما مليت من هالبعد ما اشتقت ؟ الى متى يا ذيب انتظر قلبك يلين ؟ لييه تصّد وتخلي محبوبك حزيين ! ما قلت لك الايام بتغيرك ونكرت ؟ قبل كنت ابي قربك وهمي اليوم انساك ما عاد احس بالآمان اتجاه اي شخص غيرك يمكن هالبعد مثل ما تقول خيره بس هالخيره اخذت مني عمر ! ليتك تشوف ضحكتي يوم اتخيلك وليتك تشوف دمعتي يوم اشتاق لك الله اكبر يا ذيب بعد ما كنت افضفض لك صرت أفضفض لغيرك منك هاذا عشم المحبين ؟ اخ والخيبه اللي بقلبي منك يشهد الله فكل ثانيه وساعه استودعك عند ربي ، ذيب انا ما نسييتك ما نسييييتك اخ يا ذيب معقوله بتصير لغيري؟ ما تصير لي معقوله ما عاد بتلمس جروحي ما عاد يدينك تمون؟ معقوله وعودك لي كانت كلها كذب صدقني ما حسيت انهم كذب الا بعد ما شفتك تغيرت حيل ليه يا نظر عيني؟ انا عطيتك عيوني ليه بكيتها ؟ ليه ليه انا اليوم ضايقه ومنك منك متضايقه ذيب الله يخليك تعبت بدونك ذيب الحياه ففرص فففرص !
ذيب سمع كلامها وكتم نفسه بالعافيه وصّد عنها ونطقت لين : تصّد عني يا ذيبي ؟ بعد ما كنت ميتٍ على شوفتي؟ ليه يا ذيب وش اللي غيرك؟
تلطم ذيب يمنع نفسه من البكاء وراح داخل يودع اهله ويتجه لمهمته وتقدم يسلم على عيال عمانه وعماته واخوانه وجدانه وعمامه وتقدم له الكاسر يحضنه ونطق بحزن :  ودك نطلع برا انا وانت ؟
ابتسم ذيب بحزن ونطق : اي بالله ودي بس خلني اسلم على اهلي
وطلع ذيب يدخل عند اهله ونطق بحده : البباااب يا وللدد
وتقدمو خواته وامه وجدته يودعونه واخذ ذيب سلمى على جنب وحضنها بكل قوته ونطق : ليني بأمانتك
ابتسمت سلمى تمنع نفسها من البكاء ونطقت : من عيوني
ابتسم ذيب وطلع للكاسر واخذه الكاسر معاه بمكان يحبه ذيب حيل وتقدم ينزل من السياره ونزل وجلس وسحب دخانه ونطق كاسر : بخاطرك شي ؟
صّد ذيب يناظر للبحر ونطق : بخاطري اشياء يالكاسر
ابتسم كاسر ونطق : اسلم انا موجود هنا عشان اسمع لك
ابتسم ذيب وفك لطمته وما بغى يقول كلمه الا ودموعه نزلت بحرقه ونطق بعتاب : اااخخ يالكاسر وش سوييت انا وش سوييت لييه ليييه انا تركتها وحيدةٍ بنص الطريق وانا واعدها اني بتقدم لها كسسرتتها يالكاسر كسرتتها وخسرتها والله ان بقلبي عتاب واجد بس ما بغيت اعاتبها يالكاسر ااخ تناظر لي محبوبتي ودموعها باكيه مني وانا واعدها ما تنزل دموعها مني
تقدم كاسر يحضن ولد عمه واخوه وسنده واكتفى الكاسر بالصمت وهو يسمع عشيره يعاتب واكتفى ذيب ونطق وهو يضحك بوسط دموعه : كإني قلبتها جلسة فضفضه ؟
ضحك الكاسر ومسك ذيب شماغه يمسح دموعه ونطق الكاسر : ياااا جعععلك للمانيب قايل شماااغغي يا ملعون الجدف
انهار ذيب يضحك وانهار معاه كاسر يضحك وقامو اثنينهم يحضنون بعض ويودعون بعض وتقدم كاسر وقال : ودك اوصلك ؟
ابتسم ذيب ونطق : اي والله ودي
ابتسم الكاسر وشغل السياره وراح بذيب متجهين للمبنى
_________________________
لا تنسون حقها يحبّاني🤍🤍!
أهلاً وسسهلاً بالواحشّييني جيتكم ببارت جمييل وقصير وبإذن الله ما بنزل الا إذا وصلتوها 20 الف