تهزمني العِيون السُود وانا جاهل فيها

البارت العشرين

~ عند ابطالنا ~
ابتسم بخفه وهو يشوفها جالسه على التلفزيون وتاكل شوكلاته تقدم وباس راسها وقال : تجهزي
ابتسمت وقامت تلبس عبايتها الموزعه بكرستال واكمامها البيضه ونزلت وقالت : يلا مشينا
ابتسم وهو يتأمل ملامحها الفاتنه جدددداً وهو مو معها ابد وقال بصوت عالي : سبحان الي سواتس
ضحكت وقالت : يلا حبيبي
ابتسم ومد ذراعه لها حاوطتها ومشو لليخت وصلو هناك وركبو وقال رعد : تعالي جنبي
ابتسمت وجت جنبه شال نقابها بحكم ان مافي احد وقال بتأمل : خليني اشبع نظري
ابتسمت وقعد يتأمل ملامحها وشعرها الطويل المسندل على ظهرها وشامتها الي تحت شفايفها وعيونها السُود الي شابهت سواد اليل ورموشها الطويله كانت جميييله وفاتنه بشكل لا يوصف وكانت اجمل بنات آل قاضي كلهم واجمل الناس ضحكت وباست فكه تقاطع تفكيره وتأمله ابتسم لها وانصدم من حركتها وقالت بعفويه : مافي حّل لجمالك طيب ؟ تراك تجنن !!!
ضحك لها وفعلاً كان رعد رغم وحشيته وعصبيته وحدته جميييل وفاتن بشكل لا يوصف قامت هيام وجابت مشروبات لهم وقامو بعد ما خلصو وراحو لبيتهم
نزلت هيام وراحت تصلي العصر
عند بيت اهل قاضي
ابو محمد مسك جواله ونطق : امشو للعزبه
الجميع ردوده ايجابيه وشغلو سياراتهم متجهين للعزبه
نزلو هناك يسلمون على بعض ودخل اسر وقال : ارحببو
ضحكو وقالو الرجال : الله يبقيك
ابتسم وجلس وشغلو الحطب وجلسو مع براد الشاهي وبدو يقصّدون مع الاجواء الحلوة
~ عند الحريم ~
ضحكت الميلا وهي تشوف اسر الي متقدم لها وحالف عليها وقالت وهي تضحك : شفيه
ابتسم اسر وجاها وقال : شفيه اجل ؟
ضحكت وقالت : شف الونيت بس
ضحك لها وراح يطفيه وقال بهمس : زين عايض ما فجر بي
وراح للعيال وشاف الجميع نايم وقال : ما عندكم سالفه والله رحت ورجعت لقيتكم منخمدين
قبصه فلاح من رجله وقال وهو يفرك مكان القبصه : يحيوان !!
ضحك فلاح ورجع ينام وكذالك اسر ، دخلت الجُود ولقتهم جالسين وقالت : باررركووو جابو الادهم
ضحكت البندري وقالت : اصدمكم ؟
عدلت بيان جلستها ونطقت : اسلمي
ضحكت وعد وقالت : خطبها صقير
شهقت تالين ومعها دالين وقالت تالين : خاين العشره ما قال لي
ضحكو البنات عليها وراحو يسولفون وراحت الجُود لخيل عقاب تراقصه وتلعبه ، وراح عقاب برا العزبه وشاف الادهم قدامه ابتسم وما كان يدري بالجُود الي راكبته وتمشي وتلاعبه بهدوء بس من الظلام ما قدر يشوف غير الادهم راح له والادهم يرقص له ضحك ومسك لجامه وسحبه وكانت بتطيح الجُود بس حسّ عليها عقاب ومسكها قبل تطيح وقال بحدة : شتسوين هنا !!
التزمت الجُّود الصمت وقال بحدة : اكلم الجني انا ؟ عصبت عليه وقالت : بس جيت اشوف الادهم
خزها عقاب وقال : كويس
الجُّود بسخريه : وش يعني بضل بحضنك ؟
ابتسم بخفه وماهو راضي ينزلها وكانت بتنزل بس مسكها عقاب ولفّها له ونزل شماغه الي محاوط عنقه ولطمها فيه وقال بحدة : لا اشوفتس طالعه وانتي كاشفه نفستس
خزته ونزلت شماغه ونطقت : اظن م يخصّك ؟
احتدت نظرات عقاب للجُود وقال : تغطي يبنت الحلال !
تأفافت الجُود ومسكت شماغه وتلطمت فيه وراحت وقالت بهمس : ريحة شماغه تجنن
ابتسم عقاب من سمعها وراح يجلس عندهم وهو هايم بتفاصيلها وحالف انه يخطبها شاف اسر نايم وجا نام جنبه هو وفلاح وجا ذيب وقال : العن ابو الحاله كلهم نايمين
وراح لسيارته ومّرت من عنده وحده ماهي غريبه عليه وعلطول عرفها وقال بهمس : ليني ؟
تعدته لين وهو بسيارته مسك يدها وركبها للسياره وقال بضيق : اجلسي معي شوي
انصدمت لين من قربه وما قدرت تنطق بكلمه وقال : ليه وافقتي يا ليني وانتي ادرى بحُبي لتس ؟
لين صّدت عنه بحزن واضح على ملامحها وقال :
بس دعيت
لفّت لين له وكمل وهو يقول : تدرين وش دعيت ؟
ابتسمت وقالت : ادري اكيد داعي يارب خلها قرده في عين غيري
ضحك وقرب منها اكثر ونطق : خلاص هاذي مو دعوه خلاص صارت ع لساني علطول
ابتسمت بتوتر من قربه بعد عنها وقال : دعيت ان ربي يكتبتس من نصيبي
عضّت شفايفها تمنع نفسها تبكي وقالت بصوت متضايق : خلاص ذيب انا بتزوج انساني
ضرب ذيب صدره وقال : يبنتي انتي يبيلتس خطف
ضحكت وراحت تختفي عن انظار ذيبها
وجلس يهوجس وقاطعه القطوه الصغيره الي جت بحضنه نزل لها وقال : شكلتس وحيده
ضحك من جلست بحضنه وقال : ومضيمه بعد ؟
ونزلها وراح للخيمه الثانيه تقدم وانسدح يفكر بلينه وسرعان ما غلبه النوم
~ عند ابطالنا ~
تقدم رعد وشافها طايحه على الارض توسعت عيونه وركض لها .......
^
^
^
^
^
^
^
^
^
^
^
^
^
^
^
~ امزح معاكم تعالو للأحداث الحقيقيه ~