تحديداً عرس ( وعد & كاسر )
بالمشغل عند البنات
سلمى لفّت لهيام الي كانت تتمكيج وقالت : هيامي حنيني
لفّت هيام وقالت : لبيه
ابتسمت حنين ونطقت : أمريني ي حياتي
ابتسمت سلمى وقالت : خلصتو ؟
قامت هيام وتقدمت لسلمى تاخذ منها جوالها وباست خدها وراحت تلبس فستانها لونه احمر مايل للقرمزي ومن تحت نفش ولامع على كعب ذهبي وطلعت لهم انصدمو البنات من جمالها وقالت حنين : مو شي جديد والله
ابتسمت هيام بخجل وقالت امال : شوفو ضحى
لفّو لضحى وقالت الميلا : اشكالكم تجنن
ابتسمت ولفّو لها وشافو كشختها الي تموت الواحد وقالت ام تركي : امشو بسرعه السواق تحت
راح الجميع للقاعه بس كانت الميلا سابقتهم مع ابوها
نزلت وشافت القاعه فاضيه ومافيها احد ولا كانت تدري ان اسر موجود واسر بالمثل ، تقدم ينسف غتّرته ومعصب عشان عقاب متأخر وفلاح كذالك تقدم وشاف الميلا واقفه تصور ابتسم بخفه وتقدم وحاوط خصرها ونطق : ميالتي ؟
لفّت له الميلا وحاوطت عنقه ونطقت : أمرني ؟
ابتسم وشالها له وباسها ابتسمت بخجل وقال : بروح اشوف الزلايب عقيب وفليح سحبو علي
ضحكت وقالت : تمام ي حبيبي
ابتسم اسر وباس خدها وراحت اول ما شافتهم جو وقالت : بدرررري مرررره بدري ليتكم متأخرين زياده
ضحكت ام تركي ونطقت : بس عاد
ابتسمت الميلا وراحو وطلعت لهم ام محمد الي محد يدري عن وجودها وقالت بعصبيه : ولعنه تلعنتس انتي وهي وانا استغفر ربي كل هاذا طريق ما صارت
ضحكت ام فهد بسخريه وقالت بهمس : الحين دريت ليه مهددتنا بعشرين رساله قبل لا تجي
طاحو البنات يضحكون وقالت ام محمد : بلا سنون انشاءالله
ابتسمو البنات ودخلو للقاعه وشغلو اغاني بما ان مافي احد بالقاعه وقامت لين تهز وترقص وشكللهااا يهببل مّر بالصدفه من عندها وشافها وهي تتمايل وترقص وعلطول عرفها وقال بنفسه ( لعنبو غيرها محلاها والله ما اخليها لغيري ) وما كان يدري بعبدالهادي الي وراه يتأمل لين الي ترقص وتتمايل ولا هي داريه عنهم لفّ ذيب له وصّد عبد الهادي يسوي نفسه مشغول بجواله تقدم ذيب وضرب رقبته وقال : وجع يمصعك وش قاعد تسوي هنا
ضحك عبدالهادي وقال : شدعوه بنشب لك بس
ذيب سحب عليه وراح يشوف ضاري الي مستقعد لهم بالاساله وجلس وقال بهمس : مبلشني بالاتصالات حقته واخرتها لقيته مستقعد لنا استقعاد الشايب حشى ماهو صاحي هالولد
ابتسم تركي بسخريه وقال : وش متوقع يعني انت ؟ مطوع وش تبي اكثر من كذا وزود جاي يصورنا بجواله قلك صايد جونا
فارس مسك جواله ودق على رعد الي نايم بسابع نومه وناسي انه متزوج ومسك جواله ورد عليه وصرخ فارس بعشر فويسات تهديد له ودق عليه ورد عليه رعد وقال له : رععد الساعه عشره باليل قم عرس كاسر !!!
فز رعد وقام اخذ شور ويلبس وراح يركب سيارته بدون ما ينتبه الساعه الي كانت اربعه العصر وبنص الطريق مسك جواله يبي يدق على هيام وطاحت عيونه على الساعه وسرع وهو يتحلف بفارس الي طايح ضحك عشانه فز من نومه وقال : والله لا يذبحني
اسر ضحك وقال : ليه وش قايل له
فارس وهو يبتسم : قلت له الساعه عشره باليل
طاح اسر يضحك وقال عبدالهادي : م تخاف انت ؟
طاحو العيال يضحكون على عبدالهادي بس من يلومه رعد عصبي ودمه حامي ويفور بسرعه ومستحيل احد يقدر عليه وصل رعد هناك ونزل عقاله وهو يتحلف بفارس ودخل عليهم وقال بحدة وبعصبيه : وينه الكلب
طاحو العيال يضحكون على رعد الي معصب وتقدم رعد واحتدت نظراته تعدلت ملامحهم جديه وطلع فارس من وراه وقال : السلام عليكم من هاذا الي قدامي ما اعرفه منو هاذا ؟
لفّ رعد له وقال بحدة : اجل ما تعرفه ؟؟
طاح فارس يضحك وطار يركض اول ما شاف رعد يلحقه طلع بوجهه تركي وقال : خير مجانين انتم
تقدم رعد ورفسه وراح يلحق فارس وقفه هيام الي واقفه وقال بحدة : هيااااام ادخخخللللللي !!!
فزت هيام ودخلت ودخل وراها وهو مو حاسب حساب ان في احد بالقاعه بحكم انه شافها فاضيه تقدم وشاف كشختها الي تعذبه وقرب منها وشالها له وباس مبسمها تحت محاولة هيام للتلميح ان البنات في القاعه دفته هيام بس ما قدرت وبعد عنها بعد ما طلبته التنفس وطلع من عندها ولفّت هيام للبنات وهي حاطه كفوفها على وجهها من الخجل ضحكت سلمى وقالت بخبث : اووووهوووو
حنين وهي منصدمه : ما توقعت اخوي كذا
لين بصدمه : ولا انا
ليلى وهيب بعالم ثاني ومنبهرن من فرق اشكالهم : ضخخخممم !
طاحو البنات يضحكون وقالت دالين : عندي الصور ترا
مسكت هيام ليلى وقبصتها وقالت : ما اسمح لتس
ليلى وهي تضحك مكان القبصه : حسيبك الله ي هيامي
ابتسمت هيام ولفّت لهم وهي مستحيه ، طلع رعد وهو متلطم وجلس عندهم وقال محمد : تكلم وش عندك يالسربوت
ابتسم رعد بخفه وقال : ابد ما عندي شي
محمد لفّ له وقال : مو علي
ابتسم رعد وقال : شفت اختك
ابتسم محمد وقال : ايه شفيها
رعد وهو يضحك : لا ابد مافيها شي بس شلتها وبست مبسمها وحرمكم موجودات وكنت داري انهم يشوفنا
توسعت عيون محمد بصدمه من جرئته كان يدري بقوته وجرئته بس انصدم ونطق : اعنبوك لعاد تكمل
ضحك رعد وقال : اذا هاذي ردة فعلك كيف فارس ؟
محمد وهو يضحك معه : والله شوف فارس سربوت زيك
جا فارس وجلس بينهم وقال : سمعت اسمي بالنقاش وش فيه بعد
ابتسم رعد وقال له وقال فارس : حي عينك
محمد : والله انك سربوت مثله
رعد احتدت نظرته وقام بعد ما شاف الرياجيل جايين واتجه لكاسر الي جالس وصّف الجميع صف واحد واعتلى صوته وهو يقول : اررححببببو يرجاااااااااللل
اعتلى صوت الرجال وهم يرحبون فيه كان رعد معروف بهيبته وكان له محبه خاصه من طرف الجميع تقدم من اشتغلت عرضة نجد وتقدم وتقدم معه ابو رعد وبدا الحماس يشتعل بقلوبهم تقدم ابو فهد وعياله بعد ما خلصو وصفو جنب بعض وقال بصوته الرخيّم : عاااش عايض بن قاضي آل مقبل
ابتسم ابو فهد وتقدم ذيب يمسك كاسر الي مو مصدق ان وعد بتكون له تقدم وقال : يلا ي عريسنا
قام كاسر ودخل للقاعه ينتظر وعوده
عند البنات
تقدمت بفستانها الابيض الاشبه ب لون قلبها كانت جميييله وتفتن بشكل يعذب الشخص وقالو البنات بصوت واحد : تهبلييين
ابتسمت وعد وميلّت الميلا راسها بحنيه : حبايبي انتم
تقدمو كلهم واحتضنوها وضمّو وعد معهم وقالت وعد وهي تغمز وتضحك : يلا حبيب القلب ينتظرني
ضحكت لين وقالت : يلا
ولبسو عباياتهم وطلعو مع وعد تقدمت وعد ببطىء وا وصلت عند كاسرها لامست يده اناملها وفتح بشته لها لأجل تحتضنه ابتسمت بخفه وحاوطت عنقه وبانت غمازاتها وقال كاسر وهو هايم في تفاصيلها المذهله :
يا اجمل احساس بشوفة عيونتس
وبضحكتس وابتسامة غمازاتس تدرين
انتس ملكتي قلب كاسر بن محمد ؟ وكل
اوقاته سولفي لي عن حبتس ونظرة عيونتس واتركيني فوق تفاصيلتس المذهله لاهي
ابتسمت بخجل وباست خده وقالت من شافت الابتسامه الي معتليه وجهه : وابتسامتك تلهيني عن الكون ابتسم ي كاسر الوعد والله ان ابتسامتك تخلق فيني الف حياه
ابتسم كاسر ونطق : الله الله صح لسانتس
ابتسمت وعد وقالت : صح بدنك
تقدم وراحو يطلعون لبيتهم وصرخ كاسر بفرحه عظيمه : اخذتتتتتهاااا ييييعععييياالللل
ضحكو العيال عليه ودخل رعد للقاعه وهو يدندن ويغني وسمع الدبكه مشتغله راح ركض وهو يضحك ودخل بالساحه قامت هيام وصارت جنبه شابكت يدينهم وكانت مرفوعه فوق قامت تدبك معه وهو يتبع خطواتها الي صادمته كيف ان هيام تعرف تدبك والي صدمه اكثر انها فاهمه خطواته تحمس معها وصارو يضربون بالارض ويدبكون تحت تصفير العيال والبنات وتعزيزهم لهم وكل مالهم يزيد الحماس بقلوبهم اكثر ضربت هيام بكل قوتها وهي تشتعل من الحماس ورعد مو اقل منها كانو يضربون بالارض ويدبكون كانو لاعبين بالساحه لعب نزلت هيام يد رعد وصارت جنبه مسك خصرها وقال لها : اضربي ي حرم الرعد ولا تسمين
ابتسمت هيام وضربت بالارض مثل خطواته معها وقالت بصوتها الطاغّي : عشت يا رعد الهيام
ابتسم رعد وضرب معها بالارض وهو يدبك خلصو وراحو يجلسون تقدمت لين وقالت : المقاطع عندي تبونها ؟
رعد بهمس : ارسليها لي
مسكت لين جوالها وارسلتهم له وقال رعد : بسري لبيتي
ابو محمد بعصبيه : مافيه امشو لبيتي
رعد وهو يمسح شنبه : ابشر ي جد
وراح ركب سيارته ومعه هيام وكذالك اهل قاصي متجهيين لبيت الجد قاضي وصلو هناك ونزلو وقال ابو محمد : كلكم تجلسون عندي
فارس : ابشر ي جدي
ثامر : امشو نجلس
راحو يجلسون كلهم وقالت دالين لابو فهد : ايوه ي عمي ما تبي تسولف لنا
ابو فهد ابتسم ونطق : تذكرت بدايتي انا وعمتكم
عدلت لين جلستها وقالت : اسلم
ابتسم ابو فهد وحكى لهم بدايته مع ام فهد
قامت ضحى وقالت : اصبرو اصبرو الجلسه يبيلها شاهي
وقامت تسوي لهم شاهي تقدمت بعد ما خلصت وقالت : ايوه اسلم ي تاج راسي
ابتسم ابو فهد ودالين كانت تناظره قعدت دالين تفكر وقامت تفكر بصوت عالي : احس بشباب عمي كان جمييل
ضحك اسر بسخريه ونطق : اي كان مخقق الاجنبيات
ام فهد بسخريه : اي كان مخققهم على شعره المنتف
طاحو العيال يضحكون على ام فهد وقال ابو تركي وهو ماسك شعره : تحسست
طاحو يضحكون مره ثانيه عليهم وقامو اهل ابو تركي يروحون مع تركي لبيتهم وصلو هناك ونزلو وقال ابو تركي : انا بنخمد وا.....
قاطعه سماعة ام تركي الي مشغلتها وقاعده ترقص
ابو تركي بهمس : من متى امتس بهالحاله ؟
طاحت الميلا تضحك على ابوها : ما ادري هي كذا اول ما جت
ابو تركي حك شنبه وقال : اها اكيد صار معها شي وهي جايه او على الاغلب مرت من بيت مسكون واظن لبستها جنيه
ام تركي كشت على وجه ابو تركي وراحت وقالت الميلا وهي طايحه من الضحك عليهم : تراني باقي موجوده
ابو تركي كش بوجه الميلا وراح
الميلا بنفسها : شدخلني انا
قام رعد وقال : انا بسري
غمز للين وراح للسياره ومعه هيام متجه للمطار وبنص الطريق قالت هيام : هاذا مو طريق بيتنا
ابتسم رعد وقال : بنروح شهر العسل
ضحكت هيام بوسع ثغرها وقالت : احببببك
ابتسم رعد وا وصلو هناك وعلطول ركبو طيارتهم وصلو هناك ونزلو لڤيلا قدام البحر رعد حاجزها في المالديف نزلو هناك وقامت هيام تاخذ شور ولبست وقامت تصلي وحطت مكياج خفيف بس كان يهبل عليها تقدم رعد وقرب للمرايه وطاحت انظاره لصدرها بحكم انها نزلت تجيب المسك الي طاح وقامت وقالت : رعد ش....
قاطعها مبسمه الي انحط على مبسمها وحاصرها على السرير حاولت هيام تبعده بس ما قدرت عليه كان ضخم جداً مقارنه فيها كانت طفله بين يدينه استسلمت له وبادلته تحت دموعها وو.....
عند كاسر & وعد
قامت ومسحت مكياجها واخذت شور وحطت عطوراتها وكريماتها ولبست بجامة روز ، ابتسم وهو يشوفها ببجامتها الروز تقدم وشالها كانت خصلاتها تداعب وجنتيه ابتسم وباسها وراحو ينامون تحت منظر جددداً لطيف
عند بيت ابو فهد
ثامر : سدييممموه
سديم من بعيد : لبيييه
ابتسم ثامر وقال : لها تعالي
جت سديم وجلست جنبه وقال ثامر وهو يعدل جلسته : انا طفشت وقررت اني اشوف وش ردة فعل زوجتي اذا عصبت وكذا المقصد ابي الين زوجه لي
ابتسمت سديم ونطقت : اسلم
تنهد ثامر وقال : قولي لي انا من النوع الي اعصب دايم
سديم بعدم فهم : انا من النوع الي اعصب وا وقفت كلامها ونطقت : انت وش قاعد تقول
نطق ثامر بعصبيه : قولي لي انا من النوع الي اعصب بسرعه وانا بقول بحضنتس دايم اذا عصبتي وانتي قولي اجل بعصب دايم عشان ابقى بحضنك
لفت حصه لهم ونطقت : حمدالله والشكر
لف لها ثامر وقال : مالتس شغل انتي
قامت حصه تناظر اخوانها ونطقت سديم بطفش من ثامر : انا من النوع الي اعصب بسرعه
ابتسم ثامر ونزل انضاره لاحضانه : بحضنتس دايم اذا عصبتي
ابتسمت سديم : كانك عشت الدور
ثامر بعصبيه : يليييل
زفرت سديم بملل : اجل بعصب دايم عشان ابقى بحضنك الخايس
ناظرتهم حصه ونطقت : ناس فاضيه والله العظيم وين كتاب رياضيات بس
طاحت سديم تضحك على اخوها ثامر وقالت : باني احلام مع الين
ناظرهم ثامر ونطق : هو انتم بقيتم احلام
وضحكو وراحو ينامون وجت البندري وشافت الكل متضايق وجلست بينهم وحاولت تلطف الجو لاكن محد استجاب معها وظلت ساعه على ذا الوضع وقالت كلمه خلت الكل يضحك : مالت عليكم صار لي ساعه احاول اخليكم تضحكون
وكشت عليهم ضحك الكل عليها وتقدمت وحضنتهم وقالت : من مزعل وضيحي وا اسير
ضحى وا اسر بصوت واحد : الحُب يا نوني الحب
ضحكت البندري وقالت : الحب معذبكم
ابتسم اسر وا انسدح بحضن ضحى وقال : والله لو عقاب يسمعنا يشيل الدركسون ويحط راسنا بداله
ضحكت البندري وحاوطتهم كلهم وجا ناصر وقال : خير مالي نصيب في احضانكم
فتحت له البندري حضنها وجا انسدح بحضن البندري
تقدم عقاب وقال : شسالفه
ابتسم اسر وقال : جا جا المعضل بتاعنا
ضحكت البندري على لقب اسر لعقاب وقالت : شخبار اللهجه
اسر : شفت مسلسل وعاد تعلمت منه كلمة بتاعنا اما المسلسل والله ما فهمت منه شي غير بتاعنا وبتاعنا
ابتسم ناصر وقال : وانت اي شي تشوفه تجي تطبقه انا عرفت ثامر طالع على مين
اسر كش بوجه ناصر وفتحت ضحى حضنها لعقاب وتقدم عقاب وا انسدح بحضنها وقال عقاب وهو يبعد اسر بمزح : هيه هيه ابعد عن وضيحي بنتي
اسر كش بوجه عقاب وقال : من زينك ومن زينها
رفعت ضحى حاجبها وقالت : من زيني اجل ؟
اسر : لا من زين عقاب
ابتسمت ضحى وقالت : زين
______________________
لا تنسون حقها يحباني🤍🤍🤍
اهلييين ي حباني رجعت لكم ببارت جديد استمتعو عشان بتزعلون وكثيير بالبارتات الجايه 💞💞 ، لا تنسون الكومنت النجمه💘💘
أنت تقرأ
تهزمني العِيون السُود وانا جاهل فيها
Lãng mạnروايتي الاوله ~ مستمر ~ كتبة بواسطة : ريتال مشّاري
