تهزمني العِيون السُود وانا جاهل فيها

البارت ثلاثه والثلاثين

اليوم الثاني تحديداً عرس ( سلمى & منصور )

ام فهد : روحو للمشغل بسرعه مافي وقت !
ركضو البنات كلهم ياخذون فساتينهم ويروحون ومسكت حنين جوالها ودقت على هيام إللي كانت نايمه وردت هيام ونطقت : لبيه يا حنيني
حنين : لبيتي في منى قلبي الحقينا للمشغل بسرعه اليوم عرس سلمى
فزت هيام ونطقت : تمزحين ليه انا توي ادري !
ضحكت حنين وقالت : بسرعه صحي رعد مافي وقت
هيام ابتسمت ونطقت : رعد صاحي
ضحكت حنين وقفلت وراحت هيام تاخذ فستانها وعفشها وقالت لرعد : رعد بسسسسرعه شغل السياره
ابتسم رعد وتقدم يبوس جبينها وقالت : الله يديمك لي
راح رعد ونطق بخفّت صوته : امين
سمعته هيام وابتسمت وراحت تلحقه وقالت له بالسياره : صليت ؟
رعد : باقي عشرين دقيقه عن العصر
هيام بصدمه : حنا العصر
قال رعد : صباح الخير
هيام ضحكت وقالت : اخ من حنين
ابتسم رعد ودعس بانزين يتجه فيها للمشغل
( بالمشغل عند البنات )
الميلا بتهديد : وحده تطلع لزوجها قبل العرس بذبحها
ضحكو البنات وقالت غزيل بمزح : واللي مو متزوجه تقضيها بالحرام ؟
الميلا وهي تمزح : شكل
ابتسمت غزيل وقالت : باقي عشر دقايق عن الصلاه لحد يتمكيج
البنات بصوت واحد ( ابشري ) ابتسمت غزيل وراحت تتوضى وكذالك البنات وا وصلت هيام بتوقيت الصلاه وقالت بتوضى بسرعه وراحت تتوضى وتلحق البنات وتصلي معاهم ولما خلصو كل وحده راحت تتميكج وخلصو كلهم الساعه 5 وعليها وجو كلهم يناظرون لهيام إللي كانت آيه فالجمال وقالت حنين : لا اله الا الله
الميلا بخبث : الله يقوي الرعد
وقامو البنات يمدحون فيها ام رعد وام فهد : حصنو نفسكم يبناتي
ابتسمو البنات وأشرو بمعنى " ابشري "
وراحو كلهم بعد ما خلصو ولبسو فساتينهم عند سلمى ودخلو وارتعدو كلهم من لفّت وشافو جمالها وقالت هيام بخبث : الله يقوي منصورر
ضحكت سلمى وقالت بطقطقه : ما ظنتي بيقوى 
ضحكو البنات وقالت هيام : بنمشي الحين تمام سلوم ؟
ابتسمت سلمى وتقدمو البنات يحضنونها كلهم ويباركون لها ويبوسونها ويطلعون وراحو كلهم متجهين للقاعه
بالقاعه عند الحريم
دخلو جميع اهل القاضي وبدت التباريك وتقديم الهدايا  وجميع البنات راحو يجلسون وكذالك الكبار
عند الرجال
تقدمو الرجال يسلمون على بعض ويباركون ويعرضون عرضة نّجد ومرّت تقريباً ساعه ودخل المعرس وطلعو العيال سلاحاتهم يطلقون بالسماء ويرحبون بمنصور اللي كانت الفرحه مو سايعته ودخل يسلم ويبوس راس ابو ضاري ويسلم على الرجال وجلس جنبهم وابتسم يعرضون كلهم عرضة نّجد وما استحمل منصور وتقدم معاهم ، وصلت سلمى ونزلت للغرفه وجتها هيام والبنات يسلمون عليها وقالت حنين : بصيح وجع
سلمى بخوف: اسكتي تكفين مابي اصيح
ضحكت هيام وقالت : مو صاحيات
وطلعو البنات من عندها واشتغلت دبكه وغمزت لين للميلا وغزيل وجود وبيان وقامو معاها يدبكون وضحكت حنين وهي تصورهم وقالت : عاشششو حفيدات قااضي
ودخلت معاهم تدبك وتصور وخلصت وراحو البنات يجلسون وراحت هيام عند سلمى تجلس شوي وتقدمت امها ودخلت عليهم ونطقت بأبتسامه : زفتس ما بقى عنها الا خمس دقايق واخوانتس وابوتس بيجون
وابتسمت سلمى وقامت وراحت هيام داخل وما مرت ثانيه الا ودخلو كلهم وتقدمو يسلمون عليها وقالت سلمى : لا تخلوني اصيح عندكم هالحين
ضحك ذيب وقال : افااا ما عاش من يبكيتس
ضحكت سلمى تحضنه بكل قوتها وكان ذيب يبادلها وتقدمو اخوانها يسلمون عليها وجت لابوها تبوس راسه ويده وقال ابوها بفرح : الله يوفقكم ولا يفرق بينكم وعساه عرس الدهر
ابتسمت سلمى ونطقا : امين يارب والله يخليك لنا يارب ولا يحرمنا منك
ابتسم ابوها وطلعو ومعاهم سلمى وكانت هيام لحد الآن بالغرفه ودخل رعد وقال : هيامي وينها بسرعه ؟
حنين وصفت له الغرفه وراح على طول ودخل عندها ضحك رعد ودخل الغرفه وقفلها وراه ودخل وشاف هيام داخلها ولفّت وانصدمت وقالت بصدمه : رعد وش جابك هنا !
رعد ارتعد من قوة جمالها وفقد رزانته وكان متخدر عليها وما صابه بالمقتل الا خصرها وتقدم لها وباس جبينها وابتسمت ونطقت : رعد ابعد
رعد بعصبيه : هيااام تراتس زوجتتي ماهوب وحده ماخذها بالحرام !!!
هيام سكتت بخوف ونطق وهو يتأملها : سبحان من سبح الرعد بحمده أنشهد انتس صاعقه
ابتسمت هيام وحاوطت رقبته بيدينها وباست خده ونطق بتخدر : تبين تموتيني يا بنت سيف !
ضحكت بخجل ونطقت : يمكن
هّام رعد بضحكتها وخانها وباس مبسمها بكل حُب وشوق انصدمت هيام وابعدته عنها على طول وقالت بخوف : رعد ابعد عني !
رعد بعصبيه وكان دمه يفور : هههيااام ترااااننني محرمتس مو احد غغغريبٍ !!!!
وتلثم وطلع وتركها داخل الغرفه وطلعت هيام تشوف زفة سلمى ، دخلت القاعه ودقت انغام الزفه وصارت تمشي وا وصلت عنده ومدّ يده لها ولمس اناملها وسحبها له ونطق وهو يتأملها ومنصدم من جمالها : اول شي الله يخلينا لبعض ولا يفرقنا وعسى عرسنا عرس الدهر ويارب لك الحمد جت لي ولا لغيري
ابتسمت سلمى بخجّل وقالت : امين يارب
ضحك منصور وقال : عادي اسوي حركه ؟
عقدت سلمى وجهها بأستغراب واقترب منصور منها يقبّل جبينها ويدور فيها تحت صدمة سلمى وا وقف يقبّل جبينها مرّه ثانيه وجو يطلعون من القاعه وراحو وراهم اهل قاضي ولما طلعو ركبت سلمى السياره وطلع منصور يسلم على ابوها واهلها جميعاً وتقدم رعد والعيال معاه يباركون له ويعطونه المعونيه وابتسم منصور يرد عليهم ويحضنهم وركب السياره وصرخ بفرح : اخخخخخذذذتهااااااا ييعععععيييالللل
ضحكو العيال يطلعون سلاحاتهم يطلقون بالسماء وكذالك منصور معاهم وضحكو جميعاً ودخلو
عند البنات
اشتغلت اغنية هز وضحكت هيام ونطقت : هاتو الشيله
وعطوها البنات الشيله وراحت للقاعه وقامت تهز بينما انظار الجميع كانت عليها وتحت تصوير لين لها وضحكت هيام تتدلع بشعرها عند لين وتهز وقالت لين : اويلي ادوخخ
ضحكت هيام ولفّت تهز ولما خلصت جت للبنات
وقالت ام رعد : امشو نسري
عند العيال
اشتغلت دبكه وتقدم ذيب ولحقه كاسر وقال : العب يالعشير تعرف تدبك
كاسر ضحك وقال : وشتقصد اكيد اعرف
ضحك ذيب يلاعب كاسر تحت انظار الجميع وكان منظرهم متناغم وجمميل تحت تصوير ثامر لهم  وتقدم اسر وقال : لعنبو غيركم تدبكون بدوني
وتقدم معاهم وقال ذيب : عااااااشش اابببو فهد وابو محمدد
قامو العيال يعززون ونطق الجد قاضي : مشينا نسري
وطلعو كلهم بعد افضل يوم بحياتهم يروحون لبيوتهم
عند عرساننا
ابتسم منصور يتأملها ونطق : اربع حروف لا جت بالي انسى جميع العرب والدار والديره
ابتسمت سلمى ونطق منصور بأبتسامه : بطلب اكل
أشرت له سلمى " تمام " وراحت تتروش وتبدل ملابسها وتحط عطوراتها وبخور واشيائها وطلعت له بشعرها المبلول وكانت لابسه بجامه حرير وجلست معاه ورفعت شعرها تاكل معاه ورفعت انظارها وشافت منصور يناظر لها وقالت : لو قعدت تناظر لي كذا ما باكل ترا
ضحك منصور وقال : سمّي
ابتسمت ولما خلصو اخذت الصحون وراحت تغسلهم ورجعت تبي تنام وقالت بنفسها ( يمه كيف بنام عنده ذا )
وبعدين انسدحت جنبه وغلبها النوم ونامت معاه
عند ابطالنا
تقدم رعد داخل يلحق هيام اللي كانت سابقته ودخل عليها وشافها بفستانها الاحمر المخصر وما صابه بالمقتل الا جسمها ونطق : لا اله الا الله
ابتسمت هيام وتقدم رعد وهو متخدر وصار يبوس فيها وهيام متوتره وقالت هيام : خلاص رعد بروح ابدل
ابتسم رعد وخلاها تروح تبدل وراحت هيام تاخذ شور وتبدل ملابسها ولبست بجامه حرير ونهاية اكمامها ريش ورفعت شعرها فوق وتقدمت وشافت رعد نايم وابتسمت وتقدمت تبوس خده وخانها رعد وسحبها لحضنه وباس مبسمها وبعّد لما طلبت النفس وضحك وعلى طول نام وهي ابتسمت ولحقته
عند كاسر الوعد
دخل كاسر عند وعد اللي كانت بكامل زينتها ونطق : اشهد ان لا اله الا الله انتي حقيقه ولا خيال
ضحكت وعد وتقدمت تحاوط رقبته وتبوس مبسمه وعلى طول بادلها كاسر وشالها وبعدت ونطقت : أحبك
ابتسم كاسر ونطق : لعنبو غيرتس اعشقتتس
ضحكت وعد وبعدت وراحت تاخذ شور ورجعت لقته نايم وراحت نامت بحضنه ولحقته على طول
عند بيت الجد قاضي
فارس : امشو نلعب بحلل اليوم
فلاح : مشينا
اسر : احلام العصر تونا راجعين وهذول للحين يبون يحللون اليوم
عقاب : شتبي بهم انت
ضحك اسر وقال : اشتقت لميالتي بروح لها
ابتسم عقاب وتذكر الجُّود وراح داخل مع العيال يلعبون بلوت وجكارو
—————————————
لا تنسون حقها يحّباني🤍🤍!
أهلييّن رجعت لكم ببارت جديد وجممميل مررّه ، 25 الف ونكمل يحبّاني