تهزمني العِيون السُود وانا جاهل فيها

البارت التاسع عشر

~ في الفيلا تحديداً ( رعد & هيام ) ~
صحى رعد وشاف هيام نايمه بحضنه وقال : هيامي
هيام وهي تهمهم : هممم ؟
رعد باس خدها وقام اخذ شور وطلع يصلي وقامت هيام شافته قدامها ويلعب مع قطوه صغيره ضحكت ولفّ لها رعد وقال : قعدتي ؟
عطته هيام نظره من تذكرت اليلة الماضيه وعدلت جلستها وقالت : كم مره قلت لك ماني مستعده ؟
رعد بحدة : كل يوم على نفس الموال يهيام !!!
هيام : ايه على نفس الموال !!
قام رعد ومسك رسغها وما كانت تبيه يزعل منها وهي تدري بزعله انه شين وباست لحيته بقوه ابتسم وضمّها والقطوه معه وقال : بنتي انا بنتي
هيام وهي خايفه وتتضارب مع القطوه بخفه وقالت بخوف : رععدد ابعدها عني عندي حساسيه منها !
ضحك وبعد القطوه عنها ونزلها وحضن هيام لحالها وحاوطته وبعدت عنه وراحت سكرت الباب تبي تلبس مسكها رعد وقال : هيام تراني زوجتس !!
هيام : رعد اظن اني قلت لك ماني مستعده وانت جبرتني !
رعد صفقها كف وقال بحدة : هيااااااام اعققلللي !
مسكت هيام خدها وتجمعت الدموع بعيونها وراحت داخل وقامت تبكي وتمسح دموعها ولما خلصت قامت ولبست فنيله قصيره مبينه بطنها وبنطلون قصير كشخه تصلح للبحر الي كانت تخشاه راحت للبلكونه تتأملها وجاها رعد وباس خدها ولفّت لها وقالت وعيونها دموع : تمد يدك علي ؟
ابتسم رعد وباس راسها وقال : انا اسف ي امي انتي
ضحكت بخجل وراح يجلس يداعب القطوه الصغيره
عند بيت الجد قاضي
تقدم ذيب وهو يرقص وقال لكاسر : ليني ليني عاش
كاسر بسخريه : لينك ؟
ذيب : اقول لا تسوون نفسكم ما تعرفون كلكم تدرون اني ميت فيها
توسعت عيون فلاح وقال : وليه انا اخر من يدري
ضحكو العيال وقال اسر وهو يضحك : نظراته لحالها تفضحه كيف ما لاحظت وهو معلن حبه اصلاً
ضحك فلاح وكان ذيب يدندن ويرقص وقال كاسر : انهبل الولد
ذيب بسخريه : عضّ لك على شحمه بس
كاسر وهو يضحك : ابشر
وكمل ذيب رقصه وبعدها دخل للمشب وقال بسخريه : الشايب مستقعد لعماله
ضحكو العيال وقف ذيب يشوف جواله وسمع ابو محمد وهو يقول : مبرووووك يعبدالهادي وعسا ايامكم كلها فرح انت ولين
ثقلت رجول ذيب وطاح على الارض وفز كاسر له وقال : ذيييببب !
قامو الرجال لذيب الي منصدم كيف راحت من يده وهو يبيها صرخ كاسر بوجههم : انتم تدرون بحبه ليييه تزوجون لين لعبدالهادي ! وانتم تدرى بحبه لهاااا !!! يبه انت الي تغلي ذيب وشلون توافق وانت تدري بحبها له !!!
احتدت نظرات ابو رعد لكاسر وقام ذيب بهدوء يعكس العاصفه الي داخله كان يدري كاسر يذيب انه اول ما يطلع بيروح للين صرخ بكل قوته وقال بصراخ : ليني لا توافققققييين تكفين يا ليني لا توافقين وتكسرين ذيبتس
سمعته لين واستوجعت جداً من كلامه قام ذيب ودخل وصرخ : طلععععوو للللللللي ليينننننني
ما قدرت لين تقاوم وقامت فوق ودخلت غرفة ام محمد لانها تدري اذا جلست اكثر بتجي موجة بكاء طاحت تبكي وطلع ذيب وكان في باب خلفي يودي لغرفة ام محمد راح له ودخل على لين كانت لين بتصرخ بس مسكها ذيب وقال : تكفين يا ليني لا توافقين
عضّت لين شفايفها تمنع نفسها تبكي وقالت كلمه زادت قهر ذيب عليها : الله يوفقك مع غي..
ما قدرت اكمل الا وطاحت منهاره بحضن ذيب ابتسم بضيق وشالها متجه للسرير بها سدحها وحط وجهه عند صدرها قام يشاهق بكل قوته ويبكي ويضرب السرير جنبه كان متحطم بشكل كبير عليها كان تروح من بين يده وهو مو قادر يسوي شي كان يلوم نفسه انه ما خطبها من زمان سكتت لين وقامت وبعدت عنه وقالت : ما احل لك ترا
ضحك ذيب لان ذي الكلمه تذكره ببداياتهم وقال : قررريب يا ليني
ابتسمت لين وراحت منهاره وهي تدري انه اخر لقاء بينهم وبتصير زوجة عبدالهادي وذيب بالمثل راح للمجلس وقال : تكفى يا عم انا طالبك ابي لين على سنة الله ورسوله
ابو رعد بحزن : والله ياولدي عطينا كلمتنا للرجال اعذرنا
انصدم ذيب وقال : كيف كذا امداكم
ابتسم ابو رعد وراح تحت صدمة ذيب راح ذيب عند العيال وهو متضايق جلس كاسر عنده وضمّه كان يدري بحبه للين او بالاصح الجميع يدري ان ذيب مهما مزح وطقطق هو يحب من قلبه وقال ذيب : وشو تمثال انا تناظروني
ضحكو العيال وقال ابو رعد : بكره الملكه ؟
عبد الهادي : ايه يعم
استوجع ذيب من الكلمه وقام كاسر وقال : انا بسري
الجميع : الله معك
قام كاسر واخذ وعد معه متجهين لبيتهم
" عند عرساننا " ( رعد & هيام )
تقدمت من البلكونه وقالت : فوبيييا
رعد لفّ لها ونطق : وش هو ؟
ضحكت وقالت : المسبح والبحر اخاف منهم
ابتسم وقام شالها وقالت بخوف : انتبه تطيحني
احتدت نظراته وراح ينزل للمسبح صرخت هيام وقالت : رعععد لا لا والله اخاااففف
رعد كان مطنشها وكان يبيها تكسر الخوف دخلها ودخلها معه حاوطت رقبته ابتسم وبدا يمشيها معه بشويش وقالت هيام بخوف : خلاص رعد والله خايفه
رعد بحدة : اكسري الخوف
خافت هيام وكانت بتغرق بس مسكها وقال : عادي ي ابوي انتي عادي
كان يحاول ما يخوفها عشان ويزيدها توتر بس اغمى عليها وعلطول مسكها وشالها وطلع برا المسبح وداها للغرفه وحطها على السرير وقال : هيام
ما كان في استجابه من هيام جاب مويه ومسح فيها وجهها وقامت وقالت : وش صار
ابتسم وحضنها له وقامو وراحو يصلون ورجع ينام وهيام معه
اليوم الثاني ( بيت الجد قاضي )
مسك عقاب اسر وفارس وقال : ايه متى ناويين الزواج
اسر : والله شف ميالتي تبيه بعد شهرين
فارس: عمي محمد نشبت له ولا هو راضي يقول لي متى حنيني تبي الزواج
صّد ذيب بحزن وهو يتذكر لين ابتسمو بحزن وهم داريين بحُب ذيب للين وقال ابو رعد بسخريه : وليه مستعجل عليها
ضحك فارس ونطق : ي عم لا تطيح الشوق بعيني وقلبي المُغرم
ضحك ابو رعد وقال : اذلف بس انت وحبك المروح
طاحو العيال يضحكون على ابو رعد وقال ابو فهد بسخريه : وذيب مضيم مع حبه الي ماخذه عبدالهادي
صحى ذيب من هواجيسه في ليته وقال : خير كاني سمعت اسمي
ضحكو عليه ودرعم عليهم ثامر وقال : ارررححببو اشتقتو لي ؟ وين سامي الحرمة ساحب علي
مسك سامي اذنه وقال بحدة : عيدها ؟
ثامر ضحك وقال : حرمة
طار يركض من شاف سامي الي يلحقه وقال ناصر : مو صاحيين
ذيب وهو يضحك : حلوه حلوه تنحسب لك
لضحك وراح ناصر برا من شاف جواله يدق
عند البنات
تقدمت غزيل بتطلع وشافت الهنوف بوجهها ضحكت بسخريه وقالت بحدة : وشو تبين تعيدين المطارحه الي صارت ؟
الهنوف تجاهلتها وراحت تضبط شكلها وراحت غزيل للحوش الثاني الي به المشب تجيب لهم البخور وراحت للمشب وقفت تدور البخور ميلّت راسها وقالت : هاذا وين ؟
حسّ ان في احد وراح بيشوف من فيه بالمشب صنم بمكانه وميزها من شعرها الكيرلي اخذت غزيل البخور وجت بتروح شافت ناصر قدامها وقالت بسخريه : وش تنتظر يعني ؟ صّد يا ولد
ضحك ناصر وصّد عنها وقال : ي صاحبة الكيرلي
ابتسمت وقالت : خير ؟
ضحك وقال : توافقين ؟
غزيل توسعت عيونها وقالت : اقلب وجهك بس
ومّرت من عنده تطلع وقالت بهمس : موافقه
سمعها ناصر وضحك وما كانو يدرون بالهنوف الي تشوفهم استغلت الموقف وجت تركض بكامل زينتها وطاحت قدامه توسعت عيونه وصّد علطول ما كان يبي يفكر بغير غزيل بس الهنوف كانت جمييللله جددداً واي شخص بيشوفها بيقع بحُبها قال بحدة : يبنت ادخلي
الهنوف قامت وحطت يدها على كتفه وقالت : اسمي الهنوف
انصدم ونزل شماغه وقط يدها عن كتفه بدون ما يلمسها وقال : افلحي يبنتي افلحي
ضحكت وهي تدري انها اخذت عقله ودخلت داخل
وراح ناصر وهو يستغفر ويكرر بهمس : يارب سامحني
وجلس عند العيال وبدو يسولفون وقام ذيب وهو متضايق من عندهم عشان لين وجلس بسيارته
_______________________
لا تنسون حقها يحباني🤍🤍🤍
اهلييين يحباني جيتكم ببارت حزين وجداً اتمنى تعذروني ي حباني ❤️❤️!