تهزمني العِيون السُود وانا جاهل فيها

البارت الواحد رالعشرين

صباح يوم الخميس تحديداً ملكة ( عبدالهادي & لين )
قامت لين وهي حزينه شافت حنين جالسه وراحت تشوف شكلها بالمرايه طاحت دموعها ، فزت حنين وقالت : وشفيتس !!
طاحت لين تبكي بحضنها وقالت وهي تشاهق : انا ما ابيه ما ابيه والله ما ابيه ابي ذيب يا حنيني ما ابيه عبدالهادي تكفين يا حنيني ما ابيه انا ابي ذيب !
انصدمت حنين من حُب لين لذيب قامت وقالت : اذا انتي تبين ذيب تقدرين تفصخين الخطبه !!
توسعت عيون لين وقالت : عادي ؟
ضحكت حنين وقالت : اي والله اذا ما تبينه
ضحكت لين وضمّتها وحاوطتها حنين وقامت ركض وراحت حّل وقت الملكة وتقدم عبدالهادي ابتسم من شافها وتقدم يبي يحضنها بعدت عنه وقالت : عبدالهادي اتمنى تفصخ ذي الخطوبه انا ما ابيك !!
توسعت عيون عبدالهادي وبرد وجهه وقام من عندها ولجمها كف توسعت عيونها وردت له الكف وصرخت تتعزوى بأخوانها دخل كاسر بحكم ان رعد مو موجود وتقدم وقال : وشفيه !!!
لين تقدمت وقالت : يمد يده علي !!!
توسعت عيون كاسر وتقدم ومسك عبدالهادي وقال بحدة : وربي انك ما تاخذها وانها تحرم عليك يا كلب !!
ضحكت لين بأنتصار وطلع عبدالهادي مع شعره لبرا وطرده وقال : ابن امه يدخل مره ثانيه
ضحكت حنين مع اختها وقالت : عشتتتي بنتي
ضحكت لين وتقدمت الميلا وقالت بخبث : من الحين مبرووووكككك
ضحكت لين وجت غزيل وقالت : وينه الكلب
طاحو يضحكون وجت ضحى وقالت بحدة : طلعو لي ياه
طاحو يضحكون وقالت البندري وهي تضحك : مو صاحيين !!
ضحكو معها وقامو وجلسو يسولفون وطلعت لين وشافت ذيب قدامها يكلم ضحكت وتقدمت وحضنته
لفّ لها ذيب وعبّس بملامحه هو صبره جداً قليل وما يتحمل اشياء قاسيه ومتراكمه عليه زي كذا بعد عنها وتركها وصّد يدعس على مشاعره وقلبه وحبها هو حاول وضحى بأيام وشهور وقف ونطق : الله يوفقتس ويسهل الله دربتس يا بنت محمد انا ابي البعد
وراح تحت صدمتها ونطق بهمس : تركتس للغياب وانا خاطري فيتس ما تعودت انادي على شيٍ ما يبيني
راح وهو يرمي كلامه وعيونه كلها دموع تحت صدمتها طاحت تبكي رجولها ما شالتها تقوم توقف وتوقفه وتوقف حُبهم وكلامهم وقصّايدهم وكل لحظه سعيده مرّت عليهم طاحت دموعها بهدوء شديييد وجتها سلمى ركض وقالت : لييني !!!
ضحكت بهستيريه لين على اللقب الي يذكرها بذيبها قامت وجلست مع سلمى وقالت وهي تضحك بصدمه : ذيب تركني ؟ لا مستحيل اكيد اني اتخيل
استوعبت ان ذا واقع وقالت : هانت عليه العشره والمحبّه ودروبها اخ ليتك تحس كم مره بكيت لأجلك يا ذيب
مسكتها سلمى وعدلتها وقالت : ذيب يحبتس بس يكابر !!
لفّت لين والدموع بعيونها وراحت تنادي كاسر وقالت لولد صغير ينادي لها كاسر وراح يناديه جاها كاسر وباس راسها ابتسمت وحاوطته ابتسم لها وقال : امريني يا خلف ابوي انتي ؟
ضحكت وقالت : عادي ارجع معك ؟
ابتسم كاسر وأشر على خشمه وراحت تجيب اغراضها وراحت للبيت ورجع كاسر واخذ وعد متجهين لبيتهم
تقدم اسر وقال : ميالتي ؟
ابتسمت الميلا ولفّت له وقالت : خير ؟
ضحك وتقدم وقال : تعالي يا ابوي انتي تعالي
ابتسمت وتقدمت تضمّه وقالت : تصدق توي ادري ان العيد باقي عنه يومين
ابتسم وباس راسها وراح يجلس معهم وجت الجُود وقالت : وين زوجي وينه
جا عقاب وهو ناسي ان عنده زوجه اصلاً جت الجُود وقالت بعفويه : وحشتني !
لفّ لها عقاب وابتسم ونطق : ما يوحشتس غالي ؟
ابتسمت وتقدمت تضمّه استغرب وحاوطها وبعدت عنه وراحت تدخل وهي مستغربه منه ما كانت تدري بشخصية عقاب ابد تقدم صقر وقال : بنسري حنا
وراح الجميع لبيته
~ عند ابطالنا تحديداً الفيلا ~
ابتسمت وتقدمت وهي تشوفه جالس يتأمل الجو تقدمت وصّد عنها استوجعت هيام منه وكثير
وقال بدون ما يلفّ لها : نرجع بعد يومين
أشرت لها بمعنى " تمام " وراحت تسوي براد شاهي تقدمت وجلست معه وشافت مافي امل انه يرضى بحكم ان زعله شين مسكت فكه ولفّته لها وقالت : لا تصّد عني
بعد عنها بكل برود وقام وراح ينام استوجعت منه هيام وراحت تشرب الشاي وتتأمل القمر ورتبت كل شي وقامت تنام معه
~ اليوم الثاني تحديداً بيت ابو فهد ( عايض ) ~
قام وهو يضحك على عمه ناصر الي كان يلحقه بالعصا عشانه كب عليه مويه. وهو نايم وقف وشاف صالحه قدامه وحصه وراها ومنصدمين انها موجوده تقدمت صالحه وجت بتصفق عقاب بس مسك يدها بشماغه وقطّها عليها وقال بحدة : دخلوها بنت الكلللبب لا ادفنننهااا !!!!!!
خافت صالحه وراحت ركض تركب مع اخوها
حصه ب استغراب : شصار الحين ؟
ثامر بسخريه : هاذا اعصار صالحه
ثامر تقدم لحصه وقال لها : شوفي يا اختي الحلقه ٣٢٥ من التفجير حقهم ان كنتي بتجلسين بذا البيت بتشوفين حتى الجنون فيه اساساً انتي ما تدرين عن شي
حصه بعدم فهم : ما فهمت
ثامر : يعني بيتنا عباره عن مجانين وكل الي فيه مو صاحيين
قام يركض اول ما شاف اسر وناصر يلحقونه بعصا وقال : يا هطوف ما يمديكم تمسكوني
ناصر بعصبيه : تعال يقليل الخاتمه تقول لعمانك هطوف
مسكه ناصر وجاب العصا وضربه فيها وصرخ ثامر وقال : هي خييير تراني انسان مو حيوان
ناصر بسخريه : معليش اعذرني حسبتك حيران
ضحك ثامر وقال بعد ثواني : عمي ناصر
ناصر وهو ماسك جواله : خير
ثامر بتساؤل : تصدق احسك جني
ناصر تقدم يبي يضربه بالعصا وطار ثامر لبيت الجد قاضي ولحقه وشاف محمد قدامه تقدم وحط يده على كتف محمد وقال : كيف الحال
محمد : بخير وا انت
ثامر : وانا بخير بعد انت ما شفت حركاتي فالرقص باقي صح ؟
محمد : لا
ناصر وهو يتطنز على ثامر : عنده حركات رائعه جداً
عطاه ثامر نظره وناظر لمحمد وقال : مو الحين مو الحين اوريك بعدين
محمد ابتسم لثامر وقال : عطيتك على جوك يلا اذلف
كش ثامر بوجهه وقال : مالت عليكم كلكم
طاحو يضحكون وقال ثامر: حمدالله والشكر بس
ضحكو عليه وراحو دخل بالمقلط يجلسون بحكم ان الرجال داخل تقدم ذيب وهو يرقص وقال : ولد ولد انت وهو مافي زواج ؟
ضحكو وقال تركي : مستعجل على الزواج ؟
ضحك ذيب وقال : مددري فيني طاقه مدري وين اوفرها
ضحكو عليه وقال اسر : سهله ؟ بالركض
ضحكو ودخل فهد وقال اسر : ارررحححبب استود بدنيييه !!
طاحو يضحكون على لقبه لفهد وقال فهد : مو صاحيين انتم ؟
جلسو كلهم وقعدو يفكرون بزوجاتهم الا اسر وذيب وثامر الي يحارشون ضاري وفهد قام فلاح ومسك اسر وقال : في سباق تبي ندخل فيه ؟
ابتسم اسر ونطق : اسلم ؟
جلس فلاح وقال له : هاذا سباق فرس وخيول وبه جائزه ماليه
ابتسم اسر وقال : اجل تم
ابتسم فلاح وراح يسجل بالسباق له وللأسر
_____________________
لا تنسون حقها يحباني🤍🤍!
اهليين جيتكم ببارت جديد وحزين بشكل كبييير اتمنى ان تعطونها حقها يحباني واذا وصلنا ٣ الاف مشاهده بنزل لكن بارت❤️‍🔥❤️‍🔥!